सावंतवाडी शहरात स्वराज्य संघटनेतर्फे आयोजित शिवचेतना रॅलीचे उद्घाटन करताना भाजप युवा नेते विशाल परब,भाजयुमो प्रदेश उपाध्यक्ष लखमराजे भोसले व अन्य तर निघालेली शिवचेतना रॅली,नूपूर मठकर हिचा स्वराज्य संघटनेतर्फे सत्कार करतांना
सावंतवाडीत ‘स्वराज्य शिवचेतना’ रॅलीने शहर दणाणले
सावंतवाडी दि.१९ : “छत्रपती शिवाजी महाराज की जय” “जय भवानी जय शिवाजी”च्या घोषणांनी शहर दुमदुमले आणि हजारो शिवभक्तांच्या उपस्थितीत शिवजयंती उत्साहात साजरी झाली. स्वराज्य संघटनेतर्फे आयोजित १४ वी भव्य ‘शिव चेतना रॅली’ शहरातून दिमाखात निघाली. या सोहळ्यास विशाल परब (युवा नेते, भारतीय जनता पक्ष) यांची प्रमुख उपस्थिती लाभली.
रॅलीचे मुख्य वैशिष्ट्य म्हणजे तरुणाईचा उत्स्फूर्त सहभाग. डिजे, ढोल-ताशांच्या गजरात आणि पारंपरिक वेशभूषेत साकारलेले छत्रपती शिवाजी महाराज व मावळे यामुळे वातावरण ऐतिहासिक रंगात रंगले. दुचाकी व पायी निघालेली रॅली सबनीसवाडा येथील शिवाजी महाराजांच्या पुतळ्याला अभिवादन करून तीन मुशी, मोती तलाव काठ, बाजारपेठ, जयप्रकाश चौक, गांधी चौक, उभा बाजार, चितारआळी मार्गे गवळी तिठा ते जिमखाना येथे समारोपाला पोहोचली.
लहान बालकलाकारांनी साकारलेली शिवरायांची वेशभूषा आणि घोड्यावरून सहभागी झालेल्या कलाकारांनी विशेष लक्ष वेधले. महिला-युवती व युवकांनीही पारंपरिक पोशाखात मोठ्या संख्येने सहभाग घेतला.
यावेळी बोलताना विशाल परब म्हणाले, “छत्रपतींच्या विचारांनी प्रेरित तरुण हीच महाराष्ट्राची खरी संपत्ती आहे.”
मान्यवरांची उपस्थिती
कार्यक्रमाला लखमराजे भोसले (उपाध्यक्ष, भाजप युवा मोर्चा), सुधीर आडिवरेकर, आनंद नेवगी, अजय गोंदावळे, प्रतीक बांदेकर तसेच महिला पदाधिकारी सुनीता पेडणेकर, दुलारी रांगणेकर, दिपाली भालेकर, सुकन्या टोपले आदी उपस्थित होते. विविध महिला मंडळे आणि सामाजिक कार्यकर्त्यांनीही सक्रिय सहभाग घेतला.
भारतीय राष्ट्रीय काँग्रेस जिल्हाध्यक्ष साक्षी वंजारी यांच्यासह अनेक स्थानिक पदाधिकारी आणि नवनिर्वाचित नगरसेवकांचा सत्कार करण्यात आला.
वेशभूषा स्पर्धा आकर्षण
रॅलीदरम्यान १३ वर्षांखालील मुलांसाठी वेशभूषा सादरीकरण तर १३ वर्षांवरील गटासाठी स्पर्धा घेण्यात आली.यात मोठ्या गटातील महिला स्पर्धकांचाही सहभाग होता.पारंपरिक सादरीकरणांनी प्रेक्षकांची मनं जिंकली.
शहरातील संस्थानकालीन राजवाडा इस्टर गेट समोर रॅलीचे उद्घाटन झाले. एकूणच, शिवभक्तांच्या जोशात पार पडलेला हा सोहळा शहरासाठी अविस्मरणीय ठरला.
🛑/–/–🛑/–/–🛑/—/🛑/—🛑
*अधिक माहितीसाठी खालील लिंक पहा* akhandhindustanlive.com————————◾ *अखंड हिंदुस्तान लाईव्ह न्यूज*_____________🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱8275659563,9422054887
सावंतवाडीत ‘स्वराज्य शिवचेतना’ रॅलीने शहर दणाणले
