सावंतवाडीत ठाकरे शिवसेनेच्या धाडसी उमेदवारांचा सन्मान व गौरव
शिवजयंतीनिमित्त ठाकरे शिवसैनिकांचा धैर्याने निवडणूक लढवणाऱ्यांचा गौरव
सावंतवाडी दि.१९: स्थानिक स्वराज्य संस्थांच्या निवडणुकांमध्ये सत्ता, पैसा आणि बळाचा वापर होत असतानाही ताठ मानेने जनतेसमोर उभे राहिलेल्या उद्धव बाळासाहेब ठाकरे शिवसेना पक्षाच्या निष्ठावंत शिवसैनिकांचा शिवजयंतीनिमित्त विशेष सन्मान करण्यात आला. पक्षाच्या सावंतवाडी मध्यवर्ती कार्यालयात आयोजित कार्यक्रमात विजयी तसेच पराभूत उमेदवारांचा भगवी शाल देऊन गौरव करण्यात आला.
कार्यक्रमाची सुरुवात नगराध्यक्षपदाच्या उमेदवार सीमा मठकर यांच्या हस्ते दीपप्रज्वलनाने झाली, तर रुपेश राऊळ यांनी छत्रपती शिवाजी महाराज यांच्या प्रतिमेला पुष्पहार अर्पण केला.
या वेळी तालुकाप्रमुख रमेश सावंत, राजू शेटकर, उपजिल्हा प्रमुख चंद्रकांत कासार, शहरप्रमुख शैलेश गवंडळकर, महिला संघटक नम्रता झारापकर, तसेच शब्बीर मणियार, अशोक धुरी, विनोद काजरेकर, दादु सावंत, फिलिप्स रॉड्रिक्स यांच्यासह अनेक पदाधिकारी उपस्थित होते.
सावंतवाडी नगरपरिषद निवडणुकीत विजयी ठरलेले देवेंद्र टेमकर आणि पंचायत समिती सदस्य उदय पारिपत्ये यांचा विशेष सत्कार झाला. तसेच पराभव स्वीकारूनही धैर्याने निवडणूक लढवणाऱ्यांमध्ये निशिकांत तोरस्कर, राजा वाडकर, प्रशांत बुगडे, रुपेश गावडे आदींचाही गौरव करण्यात आला.
यावेळी बोलताना रुपेश राऊळ म्हणाले की, “छत्रपती शिवाजी महाराज आमच्यासाठी दैवत आहेत. स्वराज्य निर्मितीचे स्वप्न त्यांच्या विचारांतून प्रेरित होऊनच शिवसेनेने पाहिले आहे. बाळासाहेब ठाकरे यांनी शिवरायांचे आदर्श घेऊन शिवसेनेची स्थापना केली, आणि उद्धव बाळासाहेब ठाकरे यांच्या नेतृत्वाखाली तेच विचार पुढे नेले जात आहेत.”
कार्यक्रमाच्या शेवटी “जय भवानी, जय शिवाजी”च्या घोषणांनी परिसर दुमदुमला. आयोजकांच्या मते, प्रचंड दबावातही निवडणुकीला सामोरे गेलेल्या शिवसैनिकांच्या धैर्याचा गौरव करण्यासाठी हा सन्मान सोहळा आयोजित करण्यात आला होता.
🛑/–/–🛑/–/–🛑/—/🛑/—🛑
*अधिक माहितीसाठी खालील लिंक पहा* akhandhindustanlive.com————————◾ *अखंड हिंदुस्तान लाईव्ह न्यूज*_____________🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱8275659563,9422054887
शिवजयंतीनिमित्त ठाकरे शिवसैनिकांचा धैर्याने निवडणूक लढवणाऱ्यांचा गौरव
