दोडामार्ग दि.९ : शहरात इमारतींच्या बांधकामादरम्यान कामगारांच्या सुरक्षेचा प्रश्न पुन्हा एकदा गंभीर बनला आहे. शहरात एका पाच मजली इमारतीचे काम सुरू असताना उंचावरून पडून एका परराज्यातील कामगाराचा दुर्दैवी मृत्यू झाला. या घटनेमुळे बांधकाम क्षेत्रातील कामगारांच्या सुरक्षेची जबाबदारी वाऱ्यावर सोडली जात असल्याचा आरोप होत आहे.
नेमकी घटना काय? मिळालेल्या माहितीनुसार, दोडामार्ग ते आयी रस्त्यावर एका पाच मजली इमारतीचे बांधकाम सुरू आहे. सोमवारी या ठिकाणी वाळू वर चढवण्याचे काम सुरू असताना ही दुर्घटना घडली. वाळूची ट्रॉली (पाळणा) ओढत असताना हरिराम बागल (वय ३५) हा कामगार उंचावरून खाली पडला आणि गंभीर जखमी झाला.
उपचारादरम्यान मृत्यू अपघातानंतर जखमी हरिरामला तातडीने दोडामार्ग ग्रामीण रुग्णालयात दाखल करण्यात आले. त्याची प्रकृती चिंताजनक असल्याने प्राथमिक तपासणीनंतर त्याला पुढील उपचारासाठी बांबोळी (गोवा) येथे हलवण्याचा निर्णय घेण्यात आला. मात्र, गोव्याला नेत असताना वाटेतच त्याची प्राणज्योत मालवली.
सुरक्षेचा अभाव? दोडामार्ग शहरात सध्या मोठ्या प्रमाणात बहुमजली इमारतींचे बांधकाम सुरू आहे. अनेक ठिकाणी परराज्यातील कामगारांना कामावर ठेवले जाते, मात्र त्यांच्या जीविताची सुरक्षा धाब्यावर बसवली जात असल्याचे या घटनेतून समोर आले आहे. तीन-चार मजल्यांच्या उंचावर काम करताना आवश्यक असणारी सुरक्षा साधने (Safety Gear) कामगारांना पुरवली जात नाहीत का, असा प्रश्न आता स्थानिक नागरिक विचारत आहेत.
या दुर्दैवी घटनेमुळे परिसरात हळहळ व्यक्त होत असून, संबंधित कंत्राटदार आणि बांधकाम व्यावसायिकांनी कामगारांच्या सुरक्षेची जबाबदारी घ्यावी, अशी मागणी जोर धरत आहे.
🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563