सावंतवाडी दि.२७: तालुक्यात सध्या पेट्रोल, डिझेल आणि घरगुती गॅस सिलिंडरचा प्रचंड तुटवडा निर्माण झाला असून, यामुळे सामान्य जनतेसह शेतकरी आणि मच्छीमार मेटाकुटीला आले आहेत. या गंभीर परिस्थितीकडे लक्ष वेधण्यासाठी शिवसेना (उद्धव बाळासाहेब ठाकरे) पक्षाचे विधानसभा प्रमुख रुपेश राऊळ आणि चंद्रकांत कासार यांच्या नेतृत्वाखाली तहसीलदारांना निवेदन देऊन तातडीने उपाययोजना करण्याची मागणी करण्यात आली.
यावेळी तालुका प्रमुख राजू शेटकर, विनोद काजरेकर, विनोद ठाकूर, सुनील गावडे आदी पदाधिकारी व शिवसैनिक उपस्थित होते.
बळीराजा आणि मच्छीमार संकटात
शासकीय स्तरावरून इंधनाची टंचाई नसल्याचा दावा केला जात असला तरी, प्रत्यक्षात परिस्थिती अत्यंत विदारक आहे. निवेदनात नमूद केल्यानुसार:
गॅससाठी वनवण: सिलिंडरसाठी ग्राहकांना चार-चार दिवस रांगेत उभे राहावे लागत आहे. अनेक ठिकाणी बुकिंग करूनही महिनाभर सिलिंडर मिळत नसल्याने गृहिणींचे हाल होत आहेत.
शेतीचे नुकसान: इंधन टंचाईमुळे आंबा आणि काजू बागायतदारांना आपला माल बाजारात नेण्यासाठी गाड्या उपलब्ध होत नाहीत. परिणामी, तयार पीक शेतातच कुजण्याची भीती निर्माण झाली असून शेतकऱ्यांचे आर्थिक नुकसान होत आहे.
मच्छीमारी ठप्प: डिझेलअभावी मच्छीमार बांधवांच्या नौका किनाऱ्यावरच उभ्या आहेत, ज्यामुळे त्यांच्या उपजीविकेचा प्रश्न निर्माण झाला आहे.
व्हीआयपी संस्कृतीवर कडक टीका
“सामान्य माणूस इंधनासाठी वणवण फिरत असताना, मंत्री आणि शासकीय अधिकारी मात्र गाड्यांचा मोठा ताफा घेऊन फिरत आहेत. त्यांना या टंचाईची कोणतीही झळ पोहोचत नसल्याने जनतेतून तीव्र संताप व्यक्त होत आहे. रुग्णवाहिकेला इंधन मिळत नाही, मग मंत्र्यांच्या ताफ्याला इंधन कोठून येते?” असा जळजळीत सवाल या निवेदनातून विचारण्यात आला आहे.
चौकट
प्रमुख मागण्यामध्ये १. शेतकरी व मच्छीमारांना व्यवसायासाठी मुबलक इंधन साठा प्राधान्याने उपलब्ध करून द्यावा. २. नागरिकांची सोय व्हावी यासाठी सर्व शासकीय दाखले ग्रामपंचायत स्तरावरच मिळण्याची व्यवस्था करावी. ३. मंत्र्यांनी आणि अधिकाऱ्यांनी गाड्यांचा ताफा कमी करून शासकीय दौऱ्यात एकाच गाडीचा वापर करावा. ४. रुग्णवाहिकांसाठी राखीव इंधन कोटा ठेवून ती सेवा तत्काळ उपलब्ध करून द्यावी. ५. प्रलंबित गॅस सिलिंडर नागरिकांना त्वरित घरपोच मिळतील याची चोख व्यवस्था करावी.
चौकट: आंदोलनाचा इशारा “सर्व काही अलबेला आहे,” असे उत्तर तहसीलदार श्रीधर पाटील यांनी दिल्यानंतर रुपेश राऊळ यांनी आक्रमक पवित्रा घेतला. प्रत्यक्ष वस्तुस्थिती प्रशासनासमोर आणण्यासाठी लवकरच पेट्रोल-डिझेल पंप आणि गॅस कार्यालयांसमोर शिवसेना (ठाकरे) व जनतेच्या वतीने तीव्र आंदोलन छेडण्याचा इशारा त्यांनी यावेळी दिला.
फोटो ओळ: सावंतवाडी तहसीलदार श्रीधर पाटील यांना लेखी निवेदन सादर करताना शिवसेना (ठाकरे) विधानसभा प्रमुख रुपेश राऊळ. सोबत चंद्रकांत कासार, राजू शेटकर, विनोद ठाकूर, विनोद काजरेकर व अन्य.
🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563