पुणे दि.२८: रेल्वे प्रशासनाकडून महाराष्ट्राची आणि विशेषतः कोकणी चाकरमान्यांची सतत फसवणूक सुरूच आहे. *पुण्यातून कोकणासाठी गाडी नाकारून, मध्य रेल्वेने आता थेट बिहारसाठी ‘अमृत भारत एक्सप्रेस’ सुरू करत मराठी माणसाच्या जखमेवर मीठ चोळले आहे.*
*काय आहे मध्य रेल्वेचा नवा डाव?*
१. खासदार डॉ. मेधा कुलकर्णी यांनी पुणे-कोकण दरम्यान रोजची ट्रेन सुरू करण्याची मागणी केली असता, मध्य रेल्वेने पुण्यात ‘टर्मिनलची अडचण’ आणि ‘मार्गाची अडचण’ (Path constraints) असल्याचे कारण सांगून कोकणच्या गाडीला वाटाण्याच्या अक्षता लावल्या.
२. पण संतापाची बाब म्हणजे, याच ‘अडचणी’ असलेल्या पुणे स्टेशनवरून ११४३१/११४३२ पुणे-दानापूर (बिहार) अमृत भारत एक्सप्रेस मंजूर करण्यात आली आहे. जी आधी स्पेशल म्हणून सुरू होती.
३. विशेष म्हणजे ही गाडी ‘मध्य रेल्वेच्या मालकीची’ (CR Owning) आहे. याचा सरळ अर्थ असा की, या बिहारला जाणाऱ्या गाडीचे मेंटेनन्स (देखभाल) पुण्यातच होणार आहे.
४. पुण्यात आधीच जागा नसताना हा मेंटेनन्स आणि पार्किंगचा स्लॉट बिहारच्या गाडीला दिल्यामुळे, आता भविष्यात महाराष्ट्रातील किंवा कोकणातील गाड्यांसाठी मध्य रेल्वेकडे क्षमताच उपलब्ध राहणार नाही! हा कोकणवासीयांवर अन्याय नाही तर काय आहे?
*पैसा महाराष्ट्राचा, फायदा परप्रांतीयांचा?*
कोणत्याही नवीन रेल्वे प्रकल्पात महाराष्ट्र राज्य शासन ५०% आर्थिक वाटा उचलते. मग या रेल्वे प्रकल्पांचा आणि पायाभूत सुविधांचा पहिला फायदा राज्यातील जनतेला, इथल्या भूमिपुत्रांना व्हायला नको का? आपल्याच घामाच्या पैशातून उभ्या राहिलेल्या सुविधांचा लाभ उत्तरेकडील राज्यांना का?
*महाराष्ट्रातील गाड्यांना सापत्न वागणूक!*
हा दुजाभाव केवळ कोकणापुरता मर्यादित नाही. महाराष्ट्रांतर्गत धावणाऱ्या ‘नांदेड-पुणे’ आणि ‘पुणे-हरंगुळ’ एक्सप्रेस यांसारख्या हक्काच्या गाड्या मुख्य पुणे स्टेशनवरून चक्क बाहेर ‘हडपसर’ला फेकल्या गेल्या. स्वतःच्याच राज्यातील प्रवाशांना अशी दुय्यम वागणूक का? परराज्यात जाणाऱ्या गाड्यांना मुख्य स्टेशनवर रेड कार्पेट आणि महाराष्ट्राच्या गाड्यांना मात्र हद्दपारी? मध्य रेल्वे महाराष्ट्रावर आणि मराठी माणसावर एवढा दुजाभाव का करत आहे?
मराठी माणसाची आणि कोकणी चाकरमान्यांची ही गळचेपी आता सहन करण्यापलीकडे गेली आहे. हा अन्याय असाच खपवून घ्यायचा का?
*(हा मेसेज जास्तीत जास्त शेअर करा आणि या अन्यायाविरुद्ध तमाम मराठी बांधवांनी एकत्र आवाज उठवा!) 📢🚆🚩*
🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563