सावंतवाडी, दि.२८ : कोकण रेल्वे स्थानक परिसरातील निरवडे येथे आज सायंकाळी सुमारे चार फूट लांबीची मगर आढळून आल्याने परिसरात एकच खळबळ उडाली. सिल्वर एकर इमारतीच्या तळमजल्यात थेट मानवी वस्तीत मगर दिसून आल्याने रहिवाशांमध्ये भीतीचे वातावरण पसरले होते.
मिळालेल्या माहितीनुसार, सिल्वर एकर इमारतीच्या तळमजल्यावरील बंद घराशेजारील अंगणात संशयास्पद हालचाल दिसल्याने नागरिकांनी जवळ जाऊन पाहिले असता ती मगर असल्याचे स्पष्ट झाले. ही बातमी परिसरात वाऱ्यासारखी पसरताच मगरीला पाहण्यासाठी मोठी गर्दी झाली.
मळगाव–निरवडे रेल्वे स्थानक परिसर व आसपासचा नैसर्गिक अधिवास लक्षात घेता, भक्ष्याच्या शोधात ही मगर नागरी वस्तीत शिरली असावी, असा अंदाज स्थानिकांनी व्यक्त केला.
घटनेची माहिती मिळताच वनविभागाच्या जलद कृती पथकाने तात्काळ घटनास्थळी धाव घेतली. वनअधिकारी बबन रेडकर यांनी आवश्यक खबरदारी घेत मगरीला सुरक्षितपणे पकडले व तिची जेरबंदी करून तिला नैसर्गिक अधिवासात सोडण्यात आले.
वनविभागाच्या तत्पर कारवाईमुळे कोणतीही जीवितहानी टळली असून, मगरीला ताब्यात घेतल्यानंतर परिसरातील नागरिकांनी सुटकेचा निश्वास सोडला.
🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563