सावंतवाडी दि.३०: आमदार दीपक केसरकर यांच्यावर होत असलेल्या टीकेला आणि उबाठा (उद्धव बाळासाहेब ठाकरे) गटाच्या आंदोलनाला शिवसेनेने चोख प्रत्युत्तर दिले आहे. “दीपक केसरकर यांच्या पाठीशी शिवसेनेचे सर्व पदाधिकारी आणि कार्यकर्ते खंबीरपणे उभे आहेत. उबाठा गटाचे आंदोलन हे केवळ कुणाकडून तरी पैसे घेऊन केलेले ‘सुपारी’ आंदोलन आहे,” अशी घणाघाती टीका शिवसेना जिल्हाप्रमुख संजू परब यांनी केली.
सावंतवाडी येथे आयोजित पत्रकार परिषदेत ते बोलत होते. यावेळी त्यांनी उबाठा गटाच्या कार्यपद्धतीवर जोरदार निशाणा साधला.
‘केसरकरांच्या भाकरीवर जगणारेच आज टीका करताहेत’
संजू परब पुढे म्हणाले की, “आज जे पदाधिकारी केसरकरांविरोधात रस्त्यावर उतरून आंदोलन करत आहेत, त्यातील अनेक जण काही वर्षांपूर्वी केसरकरांच्याच भाकरीवर आपला उदरनिर्वाह करत होते. आज केवळ राजकीय स्वार्थापोटी ते त्यांच्यावर नाहक चिखलफेक करत आहेत. एका फोटोच्या आधारे एखाद्या लोकप्रतिनिधीला आरोपीच्या पिंजऱ्यात उभे करणे चुकीचे आहे.”
केसरकर हे चार वेळा निवडून आलेले लोकप्रतिनिधी असून ते अत्यंत श्रद्धाळू आहेत. ते विविध देवळांना भेटी देत असतात. सावंतवाडीच्या जनतेला त्यांच्या स्वभावाची आणि वर्तनाची पूर्ण जाणीव आहे, असेही परब यांनी यावेळी स्पष्ट केले.
आंदोलनात मतदारसंघाबाहेरचे लोक – ॲड. निता सावंत-कविटकर
यावेळी महिला जिल्हाप्रमुख ॲड. निता सावंत-कविटकर यांनी उबाठा गटाच्या आंदोलनावर प्रश्नचिन्ह उपस्थित केले. “उबाठाच्या आंदोलनात स्थानिक महिलांचा सहभाग नसून, बाहेरून लोक आणून गर्दी जमवण्यात आली आहे. मतदारसंघातील महिला भगिनी आजही केसरकर यांच्या पाठीशी ठाम आहेत,” असे त्या म्हणाल्या. तसेच, भोंदूबाबा अशोक खरात याच्यावर कायदेशीर कारवाई सुरू असल्याची माहितीही त्यांनी यावेळी दिली.
प्रमुख पदाधिकाऱ्यांची उपस्थिती
या पत्रकार परिषदेला जिल्हा परिषद सदस्य सुधा कवठणकर, क्लेटस फर्नांडिस, गुंडू जाधव, राकेश पवार, संजय गावडे यांच्यासह शिवसेनेचे अन्य प्रमुख पदाधिकारी उपस्थित होते.
🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563