कुडाळमध्ये ५ वे राष्ट्रीय पर्यावरण व पर्यटन संमेलन उत्साहात संपन्न; विविध क्षेत्रांतील मान्यवरांचा गौरव
कुडाळ दि.११:“वृक्ष लागवड करून फक्त फोटो काढण्यापुरते मर्यादित न राहता, लावलेले प्रत्येक झाड जगवण्याची जबाबदारी आपण घेतली पाहिजे. निसर्गाचे चक्र बिघडल्याने आज हवामान बदलाचे संकट उभे ठाकले आहे. यावर मात करण्यासाठी शाश्वत विकास आणि पर्यावरण रक्षण यांचा समतोल राखणे ही काळाची गरज आहे,” असे प्रतिपादन माजी शालेय शिक्षण मंत्री आ. दीपक केसरकर यांनी केले.
नैसर्गिक पर्यावरण संवर्धन व मानवता विकास संस्थेच्या वतीने आयोजित ‘५ वे राष्ट्रीय पर्यावरण व पर्यटन संमेलन २०२६’ रविवारी कुडाळ येथील ‘जय वासुदेवानंद हॉल’मध्ये मोठ्या उत्साहात पार पडले. या कार्यक्रमाच्या उद्घाटन प्रसंगी ते बोलत होते.
भव्य वृक्षदिंडीने संमेलनाचा प्रारंभ : संमेलनाची सुरुवात सकाळी ७:३० वाजता कुडाळ पोलीस स्टेशन ते संमेलन स्थळ अशा भव्य ‘वृक्षदिंडी’ने झाली. वृक्षदिंडी प्रमुख संजय पिळणकर यांच्या हस्ते श्रीफळ वाढवून या दिंडीचा प्रारंभ करण्यात आला. त्यानंतर सकाळी १०:१५ वाजता मान्यवरांच्या हस्ते दीपप्रज्वलन आणि वृक्ष पूजन करून संमेलनाचे अधिकृत उद्घाटन झाले.
प्रदर्शने आणि स्मरणिका प्रकाशन
संमेलनामध्ये निसर्ग आणि इतिहासाचा वारसा जपणारी विविध प्रदर्शने आयोजित करण्यात आली होती:
गणेश नाईक: शिवकालीन साहित्य प्रदर्शन.पिटर शेरॉन: गडकिल्ले तैलचित्र प्रदर्शन.प्रकाश कदम: निसर्ग फोटो गॅलरी.यावेळी ऋतूजा गवस यांच्या ‘स्मरणिकेचे’ प्रकाशनही मान्यवरांच्या हस्ते करण्यात आले.
मान्यवरांचा गौरव आणि विशेष सत्कार
समाजात उल्लेखनीय कार्य करणाऱ्या व्यक्तींचा यावेळी सन्मान करण्यात आला. यामध्ये प्रामुख्याने:रक्तदान क्षेत्र: ७७ वेळा रक्तदान करणारे सुधीर पराडकर, २४ वेळा रक्तदान करणारे पत्रकार निलेश मोरजकार आणि ९ वेळा रक्तदान करणाऱ्या सौ. शामल मांजरेकर-पिळणकर.जीवनरक्षक: गर्भवती महिलेचे प्राण वाचवल्याबद्दल डॉ. पांचाळ व १०८ रुग्णवाहिका चालक साईसिद्धी मेस्त्री.प्राणिमित्र: सर्पमित्र प्रसन्ना गंगावणे, कार्मिस अल्मेडा व ज्ञानेश्वर रेडकर.
तज्ज्ञांचे मार्गदर्शन
जिल्हा परिषद अध्यक्ष प्रमोद कामत यांनीही यावेळी आपले विचार मांडले. “निसर्ग टिकला तरच मानव टिकेल. झाडे लावणे आणि पाण्याचा काटकसरीने वापर करणे ही प्रत्येकाची जबाबदारी आहे,” असे त्यांनी नमूद केले. संमेलनात महाराष्ट्र व गोवा राज्यातील पर्यावरण प्रेमी आणि तज्ज्ञांनी हवामान बदलावर मार्गदर्शन केले.
उपस्थित मान्यवर:यावेळी संस्थेचे संस्थापक अध्यक्ष सुयोग धस, देवगड नगरपंचायत सभापती तन्वी चांदोस्कर, आशिया रिझवी, अपर्णा धस, बादल बेले (महाराष्ट्र अध्यक्ष), जोवेल डिसिल्व्हा (गोवा अध्यक्ष), बापू परब, संजय पिळणकर आदी उपस्थित होते.
कार्यक्रमाचे प्रास्ताविक संजय पिळणकर यांनी केले, सूत्रसंचालन ऋतुजा गवस व संजय पिळणकर यांनी केले, तर बापू परब यांनी उपस्थितांचे आभार मानले.
🛑/——–/——-/—–/🛑——🛑–/——-/*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*🪐 *वेबसाईट* : hindustanlivenh@gmail.com 🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :📱9422054887,8275659563