कोकणवासीयांना मोठा दिलासा, ‘या’ स्थानकांवर मिळणार थांबा!
सावंतवाडी / कुडाळ दि.३०: कोकण रेल्वे मार्गावरून प्रवास करणाऱ्या प्रवाशांसाठी एक अत्यंत आनंदाची आणि महत्त्वाची बातमी आहे. रेल्वे प्रशासनाने प्रवाशांची वाढती गर्दी आणि मागणी लक्षात घेऊन सुरत – मंगळुरू जंक्शन – सुरत स्पेशल ट्रेन (०९०५७ / ०९०५८) आता नियमित (Regularise) करण्याचा मोठा निर्णय घेतला आहे. आता ही गाडी गाडी क्रमांक १९०५७ / १९०५८ सुरत – मंगळुरू जंक्शन – सुरत (द्वि-साप्ताहिक) एक्सप्रेस म्हणून कायमस्वरूपी धावणार आहे.
रेल्वेच्या या निर्णयामुळे कोकणात ये-जा करणाऱ्या चाकरमान्यांचा आणि दक्षिण भारतात प्रवास करणाऱ्या प्रवाशांचा प्रवास अधिक सुकर होणार आहे.
असे असेल नवीन गाड्यांचे वेळापत्रक आणि दिवस:
गाडी क्र. १९०५७ सुरत ते मंगळुरू जंक्शन (द्वि-साप्ताहिक एक्सप्रेस): ही गाडी ३ जून २०२६ पासून दर बुधवारी आणि रविवारी सुरत स्थानकावरून रात्री १९:३५ वाजता (७:३५ मि.) सुटेल आणि दुसऱ्या दिवशी संध्याकाळी १९:४५ वाजता (७:४५ मि.) मंगळुरू जंक्शन येथे पोहोचेल.
गाडी क्र. १९०५८ मंगळुरू जंक्शन ते सुरत (द्वि-साप्ताहिक एक्सप्रेस): परतीच्या प्रवासात ही गाडी ४ जून २०२६ पासून दर गुरूवारी आणि सोमवारी मंगळुरू जंक्शनवरून रात्री २२:३० वाजता (१०:३० मि.) सुटेल आणि दुसऱ्या दिवशी रात्री २३:४५ वाजता (११:४५ मि.) सुरत स्थानकावर पोहोचेल.
कोकणातील प्रमुख स्थानकांवर थांबे:
या गाडीला प्रवाशांच्या सोयीसाठी कोकण रेल्वे मार्गावरील महत्त्वाच्या स्थानकांवर थांबे देण्यात आले आहेत. यामध्ये प्रामुख्याने:
रोहा, माणगाव, खेड, चिपळूण, सावर्दा, संगमेश्वर रोड, रत्नागिरी, राजापूर रोड, वैभववाडी रोड, कणकवली, सिंधुदुर्ग, कुडाळ, सावंतवाडी रोड, थिविम, करमाळी, मडगाव जंक्शन, काणकोण, कारवार, अंकोला, गोकर्ण रोड, कुमठा, मुरुडेश्वर, भटकळ, मुुकांबीका रोड बैंदूर, कुंदापुरा, उडुपी, मुल्की आणि सुरतकल.
(याशिवाय सुरत ते रोहा दरम्यान उधना जंक्शन, वलसाड, वापी, पालघर, वसई रोड, भिवंडी रोड, पनवेल आणि पेण या स्थानकांवरही गाडी थांबेल).
(गाडीची रचना):
या एक्सप्रेसला एकूण २० डबे (Coaches) असणार आहेत:
२ टायर एसी (2 Tier AC) – १ डबा
३ टायर एसी (3 Tier AC) – ७ डबे
स्लीपर क्लास (Sleeper) – ६ डबे
जनरल क्लास (General) – ४ डबे
एसएलआर (SLR/D) – २ डबे
प्रवाशांनी या सुविधेचा लाभ घ्यावा, असे आवाहन कोकण रेल्वेचे मुख्य जनसंपर्क अधिकारी (CPRO) सुनील बी. नारकर यांनी प्रसिद्धी पत्रकाद्वारे केले आहे. गाड्यांच्या विस्तृत वेळापत्रकासाठी प्रवासी www.enquiry.indianrail.gov.in या संकेतस्थळाला भेट देऊ शकतात किंवा कोकण रेल्वेचे ‘KR Mirror’ ॲप डाऊनलोड करू शकतात.
*सावंतवाडीच्या Baby’s World मध्ये धमाकेदार SALE सुरू…*
—————————
*लहान मुलांच्या कपड्यांवर आता मिळवा भारी सूट*
*️ 30% 40% 50% पर्यंत सूट*
ऑफर कालावधी : 15 मे ते 30 मे
*येथे मिळतील *
फ्रॉक व ड्रेस स्वेटर शर्ट व टी-शर्ट लेगिंग्ज शाळेच्या बॅग रेनकोट आणि मुलामुलींसाठी इतर आकर्षक साहित्य ✨
✅ बेस्ट क्वालिटी ✅ स्वस्त दरात उत्तम खरेदी
✅ मुलांना आवडेल अशी फॅशन ✅ पूर्ण विश्वास, पूर्ण समाधान
* आजच संपर्क करा : +91 94054 96776*
/——–/——-/——/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
*वेबसाईट* : hindustanlivenh@gmail.com
*आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
*व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
9422054887,8275659563