सावंतवाडी दि.१०: शहरातील गजबजलेल्या कॉसमॉस बिल्डिंग परिसरात आज सकाळी भरवस्तीत एका महिलेची सोन्याची साखळी (चैन) लांबवल्याची खळबळजनक घटना घडली आहे. सकाळी ८ वाजण्याच्या सुमारास ही घटना घडली असून यामुळे परिसरात भीतीचे वातावरण पसरले आहे.
मिळालेल्या माहितीनुसार, स्थानिक रहिवासी रंजना ठाकूर या सकाळी आपल्या घरासमोरील बागेत फुले काढत होत्या. दरम्यान, मोटरसायकलवरून दोन अज्ञात चोरटे तिथे आले. त्यांनी ठाकूर यांना पत्ता विचारण्याचा बहाणा केला आणि काही समजण्याच्या आत त्यांच्या गळ्यातील सोन्याची चैन जबरदस्तीने हिसकावून दुचाकीवरून वेगाने पोबारा केला.
चोरटे सीसीटीव्हीत कैद; परप्रांतीय असण्याची शक्यता
हा सर्व प्रकार परिसरातील सीसीटीव्ही कॅमेऱ्यात कैद झाला आहे. चोरट्यांनी केलेल्या पेहरावावरून ते परप्रांतीय असण्याची दाट शक्यता वर्तवली जात आहे.
पोलिसांकडून तपास सुरू
या घटनेची माहिती मिळताच स्थानिक नगरसेविका नीलम नाईक यांनी तात्काळ सावंतवाडी पोलिसांशी संपर्क साधून घटनेची कल्पना दिली. माहिती मिळताच पोलिसांनी तातडीने घटनास्थळी धाव घेत प्राथमिक पाहणी केली आणि रीतसर पंचनामा केला. पोलीस सध्या सीसीटीव्ही फुटेजच्या आधारे या अज्ञात चोरट्यांचा माग काढत असून त्यांचा शोध घेत आहेत. दरम्यान, शहरातील वाढत्या चोऱ्या लक्षात घेता पोलिसांनी या चोरट्यांचा तात्काळ बंदोबस्त करावा, अशी जोरदार मागणी आता स्थानिक नागरिकांमधून केली जात आहे.
🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563