📌 ‘ग्रो बीग’ ही सामाजिक नाही तर खासगी संस्था; १ महिन्याचे भाडे बुडवले, १ रूमची परवानगी घेऊन ३ रूमचा वापर!
सावंतवाडी दि.१३: “ग्रो बीग टेक्नॉलॉजी ही कोणतीही सामाजिक संस्था नसून एक खासगी संस्था आहे. १५ दिवसांचे भाडे भरून त्यांनी तब्बल दीड महिना नगरपरिषदेच्या जागेचा वापर केला. एका रूमची परवानगी असताना बेकायदेशीरपणे तीन रूम वापरल्या. नगरपरिषदेचे उत्पन्न वाढवण्यासाठी मी प्रयत्न करत असताना, माझ्यावर टीका न करता मायकल डिसोजा थेट सावंतवाडी राजघराण्यावर आणि माझ्या कुटुंबावर नाहक आरोप करत आहेत. हे अजिबात खपवून घेतले जाणार नाही, याप्रकरणी आम्ही त्यांच्यावर मानहानीचा दावा दाखल करणार आहोत,” असा घणाघाती पलटवार नगराध्यक्षा युवराज्ञी श्रद्धाराजे भोंसले यांनी केला. सावंतवाडीत आयोजित पत्रकार परिषदेत त्या बोलत होत्या.
🛑 नगराध्यक्षा श्रद्धाराजे भोंसले यांनी पत्रकार परिषदेत मांडलेले मुख्य मुद्दे:
१ रूमची परवानगी, ३ रूमचा वापर: जिमखाना येथील नगरपरिषदेच्या सांस्कृतिक वस्तूसंग्रहालयाच्या इमारतीत पाहणी दरम्यान काही चुकीच्या गोष्टी समोर आल्या. १५ दिवसांसाठी ५० हजार भाडे आणि ९ हजार GST ठरला होता. मात्र, दीड महिना झाला तरी कंपनी तिथेच आहे. विचारणा केली असता प्रशासनाला खोटी माहिती देण्यात आली.
भाडे थकवले: या खासगी कंपनीने केवळ १५ दिवसांचे भाडे भरले असून उर्वरित १ महिन्याचे भाडे अद्याप दिलेले नाही.
राजघराण्याला का ओढता?: “मी राजकारणात लोकांची कामे करायला आणि सावंतवाडीचा विकास करायला आले आहे. माझ्यावर नगराध्यक्षा म्हणून टीका करा, पण माझ्या कुटुंबावर आणि राजघराण्यावर का बोलता? सावंतवाडीच्या विकासासाठी राजघराण्याने नेहमीच आपल्या जमिनी दिल्या आहेत.”
पुराव्यांचे आव्हान: “अनेकांनी आमच्यावर आरोप केले, पण त्यात सत्य असेल तर त्यांनी पुरावे समोर आणावेत. नगरपरिषदेच्या इमारतीत काय चालतंय यावर लक्ष ठेवणे माझी जबाबदारी आहे.”
मल्टिस्पेशालिटी हॉस्पिटल: मल्टिस्पेशालिटी हॉस्पिटलबाबत मुंबईत अनेक सकारात्मक बैठका झाल्या आहेत. विकासकामांत येणाऱ्या अडचणींवर मात करण्यासाठी आमची टीम सज्ज आहे.
👥 पत्रकार परिषदेला उपस्थित पदाधिकारी:
यावेळी सभापती सुधीर आडीवरेकर, आनंद नेवगी, प्रतिक बांदेकर, मोहिनी मडगावकर, दिपाली भालेकर, नगरसेविका निलम नाईक, दुलारी रांगणेकर, सुकन्या टोपले, सुनिता पेडणेकर आदी उपस्थित होते.
🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563