सावंतवाडी दि.१४: दोन वर्षांपूर्वी एका रात्रीत बांधण्यात आलेल्या सरमळे येथील सपतनाथ मंदिराच्या द्वितीय वर्धापन दिनानिमित्त तसेच महाशिवरात्रनिमित्त आज शनिवारी १४ फेब्रुवारी पासून ते १५ फेब्रुवारी पर्यत विविध कार्यक्रमांचे आयोजन करण्यात आले आहे. बांदा – दाणोली या जिल्हा मार्गावरील नवसाला पावणारा आणि हाकेला धावणारा अशी ख्याती असलेल्या श्री देव सपतनाथच्या या उत्सवाला भाविकांची अलोट गर्दी होणार आहे.यानिमित्त शनिवारी सकाळी ९ वाजता ग्रामदैवत सातेरी भगवती मंदिरातील देवदवतांचे पालखी, तरंग काठीसह सवाद्य मिरवणुकीने सपथनाथ मंदिरामध्ये आगमन, सकाळी १० वाजता गणपती पूजन पुण्याहवाचन, आचार्य वरण, सपतनाथ व परिवार देवतावर अभिषेक व पूजा, सकाळी ११ वाजता वरद शंकर पूजा, अग्नी पूजन, होम हवन, पूर्णाहुती, दुपारी १ वाजता वाजता देवतांची महाआरती त्यानंतर महाप्रसाद होणार आहे. संध्याकाळी ६:३० वाजता बाल गोपाळ मंडळाचे (शेरवाळेवाडी ओटवणे) यांचे भजन, सायंकाळी ७:३० वाजता गोवा येथील घुमट आरती, रात्री ८:३० वाजता सातेरी प्रासादिक मंडळाचे (सातूळी) भजन, रात्री ९:३० वाजता श्री देव रवळनाथ नवतरुण प्रासादिक मंडळ, (ओटवणे) यांचे भजन, रात्री १०:३० वाजतता बावळाट ग्रामस्थ मंडळाचे भजन, रात्री ११:३० वाजता सुधीर दळवी प्रस्तुत चेंदवणकर दशावतार नाट्य मंडळ (कवठी) यांचा नाट्यप्रयोग होणार आहे.रविवारी दुपारी १२ वाजता सवाद्य पालखी तरंगकाठीसह देवतांचे नजीकच्या तेरेखोल नदी पात्रात तीर्थस्नान, दुपारी १ वाजता उपस्थित सर्व भाविकांना तरंगकाठीसह देवतांचा आशीर्वाद कौल संध्याकाळी ७ वाजता ग्रामस्थांची भजने होणार आहेत. भाविकांनी या कार्यक्रमाला उपस्थित रहावे असे आवाहन श्री देवी सातेरी भगवती देवस्थानचे मानकरी, देवस्थान कमिटी आणि सरमळे ग्रामस्थांनी केले आहे.
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563
