सावंतवाडी-दोडामार्ग तालुका सेवानिवृत्त कर्मचारी संघाला८० वर्षे पूर्ण केलेल्या सभासदांचा होणार गौरव; आमदार दीपक केसरकर यांची प्रमुख उपस्थिती
सावंतवाडी दि.१८: सावंतवाडी-दोडामार्ग तालुके सेवानिवृत्त कर्मचारी संघ, सावंतवाडी यांच्या वतीने शुक्रवार, दि. २० फेब्रुवारी २०२६ रोजी सकाळी १०.३० वाजता वार्षिक सभा आणि ‘पेन्शनर्स डे’ कार्यक्रमाचे आयोजन करण्यात आले आहे. हा कार्यक्रम सावंतवाडी गार्डन येथील सैनिक मुलींचे वसतिगृह व विश्रामगृह हॉल मध्ये संपन्न होणार आहे.
कार्यक्रमाचे उद्घाटन आणि मार्गदर्शन माजी शालेय शिक्षण राज्यमंत्री आमदार श्री. दीपक भाई केसरकर यांच्या हस्ते होणार आहे. याप्रसंगी प्रमुख पाहुणे म्हणून सावंतवाडी नगरपालिकेचे प्रभारी नगराध्यक्ष अॅड. श्री. अनिल निरवडेकर, सेवानिवृत्त उपशिक्षणाधिकारी श्री. परशुराम बा. चव्हाण आणि जीवनरक्षा हॉस्पिटलचे डॉ. शंकर सावंत (M.S. Ayu) उपस्थित राहणार आहेत.
या कार्यक्रमाचे मुख्य आकर्षण म्हणजे संघटनेच्या ज्या सदस्यांनी २०२४-२५ या आर्थिक वर्षात वयाची ८० वर्षे पूर्ण केली आहेत, अशा सर्व सभासदांचा मान्यवरांच्या हस्ते विशेष सत्कार करण्यात येणार आहे. पात्र सभासदांनी आपली नावे जन्म तारखेसह संघटनेकडे त्वरित नोंदवावीत, असे आवाहन करण्यात आले आहे.
संघटनेचे अध्यक्ष श्री. लक्ष्मीकांत पणदूरकर, सचिव श्री. संभाजी कांबळे आणि खजिनदार श्री. सुभाष गोवेकर यांनी सर्व सभासद बंधु-भगिनींना या कार्यक्रमास मोठ्या संख्येने उपस्थित राहण्याचे आवाहन केले आहे. सभेच्या सांगतेनंतर सर्व उपस्थितांसाठी भोजनाची व्यवस्था करण्यात आली आहे.
🛑/–/–🛑/–/–🛑/—/🛑/—🛑
*अधिक माहितीसाठी खालील लिंक पहा* akhandhindustanlive.com————————◾ *अखंड हिंदुस्तान लाईव्ह न्यूज*_____________🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱8275659563,9422054887