सावंतवाडीत ‘स्वच्छता पर्व’: संत गाडगे महाराज जयंतीनिमित्त महास्वच्छता मोहीम आणि ‘पेहेल’ ई-कचरा अभियान
सावंतवाडी दि.१८: स्वच्छतेचे अग्रदूत संत गाडगे महाराज यांच्या जयंतीचे औचित्य साधून सावंतवाडी नगरपरिषदेने शहरात भव्य ‘महास्वच्छता मोहीम’ आणि ‘पेहेल २०२६’ ई-कचरा संकलन अभियान आयोजित केले आहे. दि. २० ते २३ फेब्रुवारी २०२६ या कालावधीत संपूर्ण शहर स्वच्छतेच्या या उपक्रमात न्हाऊन निघणार आहे. यासाठी चार दिवसीय महास्वच्छता मोहीम नगर परिषदेच्या वतीने राबवणार येणार असल्याचे प्रभारी नगराध्यक्ष अॅड अनिल निरवडेकर यांनी सांगितले.
सावंतवाडी नगर परिषदेचे प्रभारी नगराध्यक्ष अॅड अनिल निरवडेकर यांच्या अध्यक्षतेखाली दि. १७ फेब्रुवारी रोजी झालेल्या नियोजन बैठकीनुसार, शहरात २० ते २३ फेब्रुवारी दरम्यान ही मोहीम राबवली जाईल. शहरातील प्रत्येक प्रभागातील अशा ३ ठिकाणांची निवड करण्यात आली आहे, जिथे सर्वाधिक कचरा आढळतो. रस्ते साफसफाई, झाडीझुडपे काढणे आणि ‘जीव्हीपी पॉइंट’ (कचरा कुंडीमुक्त ठिकाणे) स्वच्छ करणे यावर भर दिला जाणार आहे. या मोहिमेत मुख्याधिकारी, नगरसेवक, पालिकेचे कर्मचारी, शाळा-महाविद्यालये, सामाजिक संस्था, महिला बचत गट आणि सार्वजनिक मंडळे प्रत्यक्ष मैदानात उतरणार आहेत.
‘पेहेल २०२६’: ई-कचऱ्याचे शास्त्रोक्त व्यवस्थापन
पर्यावरण रक्षणासाठी आणि ई-कचऱ्याबाबत जनजागृती करण्यासाठी २१ आणि २२ फेब्रुवारी रोजी सकाळी ९.०० ते दुपारी १.०० या वेळेत ‘पेहेल २०२६’ अभियान राबवले जाणार आहे. सावंतवाडी नगरपरिषद, पूर्णम इकोव्हिजन फाउंडेशन आणि पर्यावरण संरक्षण गतिविधी यांच्या संयुक्त विद्यमाने हे अभियान होत आहे.
या अभियानाचे वैशिष्ट्य म्हणजे संकलित झालेल्या ई-कचऱ्यापैकी जे लॅपटॉप किंवा संगणक दुरुस्त करण्यायोग्य असतील, ते दुरुस्त करून ग्रामीण भागातील गरजू शाळांना शैक्षणिक कार्यासाठी दिले जाणार आहेत. उर्वरित टाकाऊ कचरा ‘MPCB’ च्या अधिकृत रिसायकलिंग केंद्रात पाठवला जाईल.
शहरातील ११ संकलन केंद्रे: नागरिकांनी आपला ई-कचरा खालील ठिकाणी जमा करावा: १) मिलाग्रीस हायस्कूल २) जि. प. शाळा क्र. ४ ३) वि. स. खांडेकर हायस्कूल ४) राणी पार्वतीदेवी हायस्कूल ५) भोसले नॉलेज सिटी ६) उपवनसंरक्षक कार्यालय (सालईवाडा) ७) समाज मंदिर ८) फिश मार्केट ९) घनकचरा प्रक्रिया केंद्र १०) जिमखाना मैदान ११) ज्येष्ठ नागरिक संघ (शिरोडा नाका).
“सावंतवाडीला स्वच्छ, हरित आणि शाश्वत बनवण्यासाठी नागरिकांनी, गृहनिर्माण सोसायट्यांनी आणि व्यापारी प्रतिष्ठानांनी या दोन्ही उपक्रमांत उत्स्फूर्तपणे सहभागी व्हावे,” असे आवाहन सावंतवाडी नगर परिषदेचे प्रभारी नगराध्यक्ष ऍड अनिल निरवडेकर आणि नगरपरिषद प्रशासनाकडून करण्यात आले आहे.
🛑/–/–🛑/–/–🛑/—/🛑/—🛑
*अधिक माहितीसाठी खालील लिंक पहा* akhandhindustanlive.com————————◾ *अखंड हिंदुस्तान लाईव्ह न्यूज*_____________🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱8275659563,9422054887
