सावंतवाडी टर्मिनससाठी कोकणवासीयांची शिवजयंतीच्या मुहूर्तावर ऑनलाईन तक्रार मोहीम सुरू
सावंतवाडी दि.१९: गेली १० वर्षे रखडलेल्या सावंतवाडी रेल्वे टर्मिनसच्या प्रश्नावर आता कोकणवासीय आक्रमक झाले आहेत. छत्रपती शिवाजी महाराज यांच्या जयंतीचे औचित्य साधून, केवळ चर्चा न करता प्रत्यक्ष कृती करण्याचा निर्धार करत शिवप्रेमी आणि चाकरमान्यांनी थेट प्रधानमंत्री कार्यालयाकडे (PMO) ऑनलाईन तक्रारी नोंदवण्याची धडक मोहीम हाती घेतली आहे.
१० वर्षांचा वनवास संपवण्यासाठी ‘एकजूट’
सावंतवाडी रेल्वे टर्मिनसचे काम २०१४ च्या मंजूर ठरावानुसार अद्याप पूर्ण झालेले नाही. यामुळे वसई, कल्याण, पुणे यांसारख्या शहरांतून अतिरिक्त गाड्या सोडण्यावर मर्यादा येत आहेत. “केवळ स्थानके बाहेरून चकाचक असून उपयोग नाही, तर तांत्रिक कामे आणि टर्मिनसची इमारत पूर्ण होणे गरजेचे आहे,” अशी भावना या मोहिमेद्वारे व्यक्त करण्यात येत आहे.
पंतप्रधानांना पाठवलेला मुख्य मसुदा
या मोहिमेत सहभागी होणारे नागरिक PMO च्या पोर्टलवर जाऊन विशेष मसुदा सादर करत आहेत. त्यातील प्रमुख मागण्या खालीलप्रमाणे आहेत:
डिसेंबर २०१४ चा ठराव: २१.२१ कोटींच्या मंजूर ठरावानुसार प्रलंबित कामे तातडीने पूर्ण करावीत.
टप्पा २ ची कामे: अतिरिक्त लूप लाईन, आरओबी (ROB), पूर्व दिशेकडील टर्मिनस इमारत आणि रेल्वे वॉटरिंग सिस्टम पूर्ण करणे.
निधीची तरतूद: २०२६-२७ च्या रेल्वे अर्थसंकल्पातून आवश्यक निधी उपलब्ध करून देऊन कामाला गती देणे.
मोहिमेतील पहिले ‘शिलेदार’
या मोहिमेची सुरुवात करत अनेक जागरूक नागरिकांनी आपल्या तक्रारी नोंदवून त्यांचे ‘ग्रीव्हन्स नंबर’ (Grievance Number) सार्वजनिक केले आहेत. यामध्ये प्रामुख्याने खालील व्यक्तींचा समावेश आहे: १. सागर तळवडेकर (Grievance No: 0028814) २. गौरव पेडणेकर (Grievance No: 0028824) ३. रुपेश परब (Grievance No: 0028830) ४. महेंद्र काळोजी (Grievance No: 0028832) ५. राजेश तळेकर (Grievance No: 0028851) ६. कुलदीप गवस (Grievance No: 0028871) ७. रामकृष्ण मुंज (Grievance No: 0028843) ८. प्रसन्न कलमस्ते (Grievance No: 0028881)
कोकणी जनतेला आवाहन
सावंतवाडी टर्मिनस पूर्ण क्षमतेने सुरू झाल्यास गणेशोत्सव आणि इतर सुट्ट्यांच्या काळात होणारी प्रवाशांची गैरसोय दूर होईल. त्यामुळे जास्तीत जास्त कोकणवासीयांनी आणि मुंबई-पुण्यातील चाकरमान्यांनी या ऑनलाईन तक्रार मोहिमेत सहभागी होऊन केंद्र सरकारचे लक्ष वेधावे, असे आवाहन या मोहिमेच्या माध्यमातून करण्यात आले आहे.
🛑/–/–🛑/–/–🛑/—/🛑/—🛑
*अधिक माहितीसाठी खालील लिंक पहा* akhandhindustanlive.com————————◾ *अखंड हिंदुस्तान लाईव्ह न्यूज*_____________🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱8275659563,9422054887