सावंतवाडी दि.२०:तालुक्यातील मळगाव मध्ये छत्रपती शिवाजी महाराजांची जयंती उत्साहपूर्ण वातावरणात साजरी करण्यात आली. गावात शिवभक्तांनी मोठ्या श्रद्धेने आणि उत्साहाने विविध कार्यक्रमांचे आयोजन करून शिवरायांना अभिवादन केले.
रेडी येथील ऐतिहासिक यशवंतगडावर प्रज्वलित करण्यात आलेली शिवज्योत पहाटे शिवभक्तांनी धावत आणत मळगावमध्ये मोठ्या उत्साहात पोहोचवली. शिवज्योतीच्या आगमनावेळी ढोल-ताशांच्या गजरात आणि “जय भवानी, जय शिवाजी”च्या घोषणांनी परिसर दुमदुमून गेला.
मळगाव येथील छत्रपती शिवाजी महाराज चौकात भिल्लवाडी गृपकडून शिवरायांच्या पुतळ्यावर सकाळी अभिषेक करून विधीवत पूजा करण्यात आली. यावेळी ग्रामस्थ, युवक, महिला आणि लहान मुलांनी मोठ्या संख्येने उपस्थित राहून शिवरायांना अभिवादन केले. ढोलपथकाच्या गजरात शिवज्योतीचे स्वागत करण्यात आले.
यानंतर दिवसभर विविध सांस्कृतिक कार्यक्रमांचे आयोजन करण्यात आले. यामध्ये लहान मुलांसाठी वकृत्व स्पर्धा, शिवरायांच्या जीवनावर आधारित वेशभूषा स्पर्धा, महिलांसाठी खेळ-स्पर्धा तसेच पारंपरिक पैठणी खेळ यांचा समावेश होता. या कार्यक्रमांना ग्रामस्थांचा उत्स्फूर्त प्रतिसाद लाभला.
रात्री पारंपरिक दशावतार नाटक सादर करण्यात आले. या नाटकाद्वारे धार्मिक आणि सांस्कृतिक परंपरेचे जतन करत शिवभक्तांना सांस्कृतिक मेजवानी मिळाली.
शिवजयंतीच्या निमित्ताने सर्व गावांमध्ये शिवभक्तांनी एकत्र येऊन शिवरायांच्या विचारांचे स्मरण केले आणि त्यांच्या स्वराज्याच्या कार्यातून प्रेरणा घेण्याचा संकल्प व्यक्त केला.
🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563