सावंतवाडी पंचायत समिती उपसभापतीपदी भाजपकडून गौरव मुळीक यांच्या नावावर शिक्कामोर्तब

सावंतवाडी दि.०९: पंचायत समितीच्या रिक्त असलेल्या सभापती आणि उपसभापती पदासाठी आज निवडणूक प्रक्रिया पार पडत आहे. या निवडीमध्ये भाजपकडून उपसभापती पदासाठी मळगाव पंचायत समिती मतदार संघाचे सदस्य गौरव मुळीक यांच्या नावावर शिक्कामोर्तब करण्यात आले आहे. दरम्यान, सभापती पद हे अनुसूचित जातीसाठी आरक्षित असल्याने तळवडे विभागाच्या सदस्या सुष्मिता जाधव यांची निवड आधीच निश्चित मानली जात आहे.
​नेत्यांकडून नावावर शिक्कामोर्तब
भाजपचे ज्येष्ठ नेते खासदार नारायण राणे, प्रदेशाध्यक्ष आमदार रवींद्र चव्हाण आणि पालकमंत्री नितेश राणे यांनी गौरव मुळीक यांच्या नावावर अधिकृत मोहर उमटवली. या निवडीची घोषणा होताच सावंतवाडी येथील भाजप कार्यालयात मुळीक यांचे जंगी स्वागत व अभिनंदन करण्यात आले.
​कार्यकर्त्यांमध्ये उत्साहाचे वातावरण
यावेळी जिल्हा सरचिटणीस महेश सारंग, पंचायत समिती गटनेते महेश धुरी, मंदार कल्याणकर, नगरपरिषद सभापती आनंद नेवगी, मधुकर देसाई, चौकुळ सरपंच गुलाबराव गावडे, पंचायत समिती सदस्य प्रशांत सुकी, सदस्या प्राजक्ता केळुसकर, नेहा कांबळी यांसह अनेक पदाधिकारी व कार्यकर्ते उपस्थित होते.
​निवडणूक बिनविरोध होण्याची शक्यता
सावंतवाडी पंचायत समितीमध्ये सुष्मिता जाधव या अनुसूचित जातीच्या एकमेव सदस्या असल्याने त्यांची सभापतीपदी निवड निश्चित आहे. आता भाजपने उपसभापती पदासाठी गौरव मुळीक यांचे नाव जाहीर केल्यामुळे ही निवडणूक केवळ औपचारिकता उरली असून, दोन्ही पदे बिनविरोध निवडून येतील हे आता स्पष्ट झाले आहे.
🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563