सावंतवाडी दि.११: सावंतवाडी शहरात फिरून अगरबत्ती विक्रीचा व्यवसाय करणारे परिचित युवक तेजस खटावकर (रा. आकेरी) यांचे आकस्मिक निधन झाले. बुधवारी आकेरी येथील त्यांच्या राहत्या घरात त्यांचा मृतदेह आढळून आला. प्राथमिक अंदाजानुसार, हृदयविकाराच्या तीव्र झटक्याने त्यांचा मृत्यू झाला असावा, अशी शक्यता वर्तवण्यात येत आहे.
तेजस खटावकर हे सावंतवाडी शहरात गेल्या अनेक वर्षांपासून चालत फिरून अगरबत्ती विकण्याचा व्यवसाय करत होते. आपल्या मनमिळाऊ स्वभावामुळे ते शहरात सर्वांना परिचित होते. अनेक राजकीय पदाधिकारी आणि स्थानिकांशी त्यांचे जवळचे संबंध होते. सर्वांना नावाने ओळखणे आणि आपुलकीने संवाद साधणे ही त्यांची खासियत होती, ज्यामुळे अनेक नागरिक त्यांच्याकडून आवर्जून अगरबत्ती खरेदी करत असत.
मिळालेल्या माहितीनुसार, गेल्या १०-१५ दिवसांपासून तेजस यांची मानसिक प्रकृती बिघडली होती. ते काहीसे आक्रमक झाले होते, त्यामुळे कुटुंबीय त्यांना उपचारासाठी रुग्णालयात नेण्याचा प्रयत्न करत होते. मात्र, त्यांनी कोणाचेही ऐकले नाही. गेल्या चार दिवसांपासून ते आकेरी येथील एका घरात वास्तव्यास होते. आज सकाळी ग्रामस्थांना त्यांचा मृतदेह आढळून आला.
या घटनेची माहिती मिळताच ग्रामस्थांनी पोलीस आणि त्यांच्या नातेवाईकांना पाचारण केले. तपासणीअंती त्यांचा मृत्यू झाल्याचे स्पष्ट झाले. या प्रकरणी कुडाळ पोलीस ठाण्यात आकस्मिक मृत्यूची नोंद करण्यात आली आहे. त्यांच्या पश्चात आई, वडील आणि भाऊ असा परिवार आहे. त्यांच्या निधनाने सावंतवाडीतील व्यापारी वर्ग आणि परिचित नागरिकांमध्ये हळहळ व्यक्त होत आहे.
🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563