मालवण (कट्टा)दि.१४: कोकण ही संतांची भूमी म्हणून ओळखली जाते. प. पू. भालचंद्र महाराज, प. पू. राऊळ महाराज आणि प. पू. राणे महाराज यांसारख्या महान संतांच्या परंपरेतील एक तेजस्वी व्यक्तिमत्व, प. पू. सुवर्ण उर्फ हसरे महाराज यांनी आज, शुक्रवारी सायंकाळी ४ वाजून १६ मिनिटांनी आपला देह ठेवला. त्यांच्या निधनाचे वृत्त समजताच संपूर्ण कोकणसह पश्चिम महाराष्ट्र, गोवा आणि बेळगाव परिसरातील भक्तपरिवारावर शोककळा पसरली आहे.
चार दशकांचा आध्यात्मिक प्रवास
गेली सुमारे ४० वर्षे हसरे महाराज आपल्या नावाप्रमाणेच हसतमुख चेहऱ्याने भक्तांच्या आयुष्यातील अंधार दूर करण्याचे कार्य करत होते. अत्यंत साधा स्वभाव, प्रेमळ वागणूक आणि अध्यात्मिक अधिकार यामुळे त्यांनी असंख्य भक्तांना जीवनाची नवी दिशा दिली. प. पू. राणे महाराजांच्या देहत्यागानंतर पोरक्या झालेल्या भक्तपरिवाराला हसरे महाराजांनी आपल्या मायेने आणि मार्गदर्शनाने सावरले होते. त्यांच्या जाण्याने आध्यात्मिक क्षेत्राची मोठी हानी झाली असून भक्त परिवार पुन्हा एकदा पोरका झाला आहे.
आज सकाळी अंत्यसंस्कार झाला
प. पू. सुवर्ण उर्फ हसरे महाराज यांच्या पार्थिवावर उद्या, शनिवार दिनांक १४ मार्च २०२६ रोजी सकाळी १०:०० वाजता अंत्यसंस्कार करण्यात आला. हा विधी श्री राम मंदिर, प. पू. राणे महाराज मठ (कुसरवेवाडी), कट्टा, मालवण येथे पार पडला.
त्यांच्या निधनाबद्दल विविध स्तरांतून श्रद्धांजली वाहिली जात असून, त्यांनी दिलेला भक्तीचा मार्ग आणि सद्गुरुकृपेची शिदोरी भक्तांच्या मनात सदैव जिवंत राहील.
🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563