सावंतवाडी दि.०१: शिक्षणाला कंटाळून एका १७ वर्षीय तरुणाने इमारतीच्या गॅलरीतून उडी मारून आत्महत्या केल्याची हृदयद्रावक घटना सावंतवाडीतील बिरोडकरटेंब येथे घडली आहे. तन्मय गावडे (रा. चौकुळ, सध्या रा. बिरोडकरटेंब, सावंतवाडी) असे या मृत तरुणाचे नाव आहे. या घटनेमुळे परिसरात हळहळ व्यक्त होत असून कुटुंबावर शोककळा पसरली आहे.
नेमकी घटना काय?
मिळालेल्या माहितीनुसार, मंगळवारी रात्री तन्मयने आपल्या राहत्या घराच्या गॅलरीतून उडी मारली. उडी मारल्यामुळे त्याच्या पायाला गंभीर दुखापत होऊन फ्रॅक्चर झाले होते. घटनेनंतर तन्मयच्या वडिलांनी तातडीने सावंतवाडी पोलिसांशी संपर्क साधला. पोलीस तात्काळ घटनास्थळी दाखल झाले आणि पोलीस वाहनाने तन्मयला सावंतवाडी उपजिल्हा रुग्णालयात दाखल करण्यात आले.
उपचारादरम्यान मृत्यू
तन्मयची प्रकृती चिंताजनक होती आणि तो बेशुद्ध अवस्थेत होता. त्यामुळे प्राथमिक उपचार करून त्याला अधिक उपचारासाठी गोवा-बांबोळी येथील रुग्णालयात हलवण्यात आले. मात्र, दुर्दैवाने उपचारादरम्यान रात्री उशिरा त्याची प्राणज्योत मालवली.
सुसाईड नोट सापडली
आत्महत्येसारखे टोकाचे पाऊल उचलण्यापूर्वी तन्मयने एक चिठ्ठी लिहून ठेवली होती. पोलिसांनी ही चिठ्ठी हस्तगत केली असून, त्यामध्ये त्याने “मला आता शिकायचे नाही, मी आत्महत्या करणार आहे. माझ्या मरणास कोणालाही जबाबदार धरू नये,” असे नमूद केले आहे.
शिक्षणाच्या वाढत्या तणावातून एका उमद्या तरुणाने आपले जीवन संपवल्याने सावंतवाडी शहरासह चौकुळ परिसरातून तीव्र दुःख व्यक्त करण्यात येत आहे. सावंतवाडी पोलीस या प्रकरणाचा अधिक तपास करत आहेत.
🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563