सावंतवाडी दि.१७ : शहरातील रस्त्यांची गेल्या तीन महिन्यांपासून झालेली दुरवस्था आणि गॅस पाईपलाईनच्या कामामुळे नागरिकांना होणारा त्रास यामुळे नगरसेवक देव्या सुर्याजी यांनी आक्रमक पवित्रा घेत मोती तलाव परिसरातील गॅस पाईपलाईनचे काम बंद पाडले आहे. जोपर्यंत जुने काम पूर्ण करून रस्ते सुस्थितीत आणले जात नाहीत, तोपर्यंत नवीन काम करू देणार नाही, असा स्पष्ट इशारा त्यांनी महाराष्ट्र नॅचरल गॅस लिमिटेड (MNGL) कंपनीला दिला आहे.
तीन महिन्यांपासून रस्त्यांची दुरवस्था
सालईवाडा भागातील रस्ते तीन महिन्यांपूर्वी गॅस पाईपलाईनसाठी खणण्यात आले होते. मात्र, काम पूर्ण झाल्यानंतर रस्ते पूर्ववत न केल्यामुळे नागरिकांना मोठा मनस्ताप सहन करावा लागत आहे. नगरसेवक श्री. सुर्याजी यांनी एमएनजीएलच्या अधिकाऱ्यांना सोबत घेऊन निंबाळकर पीर, कामत नगर, कळसुलकर स्कुल आणि दैवज्ञ मंदिर ते युको बँक या परिसरातील रस्त्यांची पाहणी केली.
नगरसेवकांच्या मागण्या:
रस्ते चुकीच्या पद्धतीने बुजविल्यामुळे पादचाऱ्यांना चालणे कठीण झाले असून, महिलांचे अपघातांचे प्रमाण वाढले आहे.रस्त्यावरील मातीचे ढीग तातडीने समांतर करावेत.
मातीने बुजवलेली गटारे पुन्हा सुस्थितीत आणावीत.
रस्ता डांबरीकरण होईपर्यंत धूळ उडू नये म्हणून रस्त्यावर नियमित पाणी मारावे.
मुख्याधिकाऱ्यांना सुनावले खडेबोल
यावेळी नगरसेवक सुर्याजी यांनी मुख्याधिकाऱ्यांशी फोनवरून संवाद साधत संताप व्यक्त केला. शहरातील परिस्थिती पाहता, जोपर्यंत खोदून ठेवलेले मार्ग पूर्णपणे दुरुस्त केले जात नाहीत, तोपर्यंत पाईपलाईनचे पुढील काम सुरू होऊ देणार नाही, असा इशारा त्यांनी दिला. यानंतर मुख्याधिकाऱ्यांनी तातडीने कंपनीच्या अधिकाऱ्यांना फोन करून, “आधी जुने काम पूर्ण करा, त्यानंतरच पुढील काम सुरू करा,” असे स्पष्ट आदेश दिले.
यावेळी नगरपालिकेकडून खडीकरण व डांबरीकरणासाठीचे पैसे कंपनीकडून जमा करून घेण्यात आल्याची माहिती देण्यात आली असून, आता रस्ते दुरुस्तीच्या कामाकडे सर्वांचे लक्ष लागले आहे. या आंदोलनावेळी मेहर पडते, ॲड. प्रथमेश प्रभू, श्री. सावंत यांच्यासह स्थानिक नागरिक मोठ्या संख्येने उपस्थित होते.
🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com ———————————–
◾ *अखंड हिंदुस्तान लाईव्ह न्यूज*_____________________
🪐 *वेबसाईट* : hindustanlivenh@gmail.com _____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563