सिंधुदुर्ग दि.२१: राज्यात आणि जिल्ह्यात महिला व बालकांवरील अत्याचाराच्या घटना घडत असताना मौन बाळगणाऱ्या भाजप महिला जिल्हाध्यक्ष श्वेता कोरगावकर अचानक आरक्षणाच्या मुद्द्यावर बोलू लागल्या आहेत, ही बाब लक्षवेधी आहे. त्यांना जर ‘डिलिमिटेशन’चा (मतदारसंघ पुनर्रचना) अर्थ समजत नसेल, तर त्यांनी जरूर एक चर्चा सत्र आयोजित करावे, आम्ही त्यांना ते सविस्तर समजून सांगू, असा टोला सिंधुदुर्ग जिल्हा महिला काँग्रेस अध्यक्षा सौ. साक्षी वंजारी यांनी लगावला आहे.
साक्षी वंजारी यांनी प्रसिद्धीस दिलेल्या पत्रकात भाजप आणि शिंदे सेनेच्या कार्यपद्धतीवर कडक शब्दांत ताशेरे ओढले आहेत.
भाजपच्या भूमिकेवर प्रश्नचिन्ह
साक्षी वंजारी म्हणाल्या की, “इतके दिवस जिल्ह्यातील गंभीर सामाजिक आणि कायदेशीर विषयांवर भाजप महिला अध्यक्षांचे मौन का होते? केवळ आरक्षणाच्या मुद्द्यावर राजकारण करण्यासाठी समोर येण्यापेक्षा, महिला आरक्षणातील तांत्रिक त्रुटी समजून घेणे आवश्यक आहे. महिलांनी तर उलट या मुद्द्यावर ठोस भूमिका घेणाऱ्या काँग्रेसचे आभार मानले पाहिजेत.”
केसरकर समर्थकांचे आंदोलन म्हणजे अज्ञान
सावंतवाडीत शिंदे सेनेच्या कार्यकर्त्यांनी केलेल्या आंदोलनाचा समाचार घेताना वंजारी म्हणाल्या:
नाशिकमधील ‘भोंदू बाबा’ प्रकरणात एका विद्यमान आमदाराचे नाव येणे ही गंभीर बाब आहे.
विरोधी पक्ष म्हणून प्रश्न उपस्थित करणे हे आमचे कर्तव्य आहे, मात्र त्याला हिंसक आंदोलनांनी उत्तर देणे ही सिंधुदुर्गची संस्कृती नाही.
मंत्री दीपक केसरकर यांनी स्वतः राजीनामा देऊन निष्पक्ष चौकशीला सामोरे जावे, जेणेकरून ते निर्दोष सिद्ध होतील.
‘३९ आमदारांचे नाव घेऊन केसरकरांनीच संशय वाढवला’
“या प्रकरणात फक्त माझेच नाव का? ३९ आमदार यात आहेत,” असे वक्तव्य करून केसरकरांनी एकप्रकारे या प्रकरणाची व्याप्ती स्वतःच मान्य केल्यासारखे दिसत आहे. सुजाण जनता हे सर्व पाहत आहे आणि त्यांच्या या वक्तव्याची नोंद जनतेने घेतली आहे, असेही वंजारी यांनी पत्रकात नमूद केले.
“रूल ६६ काय आहे हे सत्ताधाऱ्यांच्या कार्यकर्त्यांनी आधी समजून घ्यावे. अज्ञानातून पुतळे जाळण्यापेक्षा अभ्यासू वृत्तीने राजकारण करणे काळाची गरज आहे.”
— सौ. साक्षी वंजारी (अध्यक्ष, सिंधुदुर्ग महिला काँग्रेस)
🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563