आंबोली दि.२६: नांगरतास परिसरात आज सकाळी एका अज्ञात वाहनाने जोरदार धडक दिल्याने एका गव्याचा जागीच मृत्यू झाला. या भीषण अपघातामुळे परिसरात हळहळ व्यक्त होत असून, वन्यप्राण्यांच्या सुरक्षेचा प्रश्न पुन्हा एकदा गंभीर बनला आहे.
मिळालेल्या माहितीनुसार, ही घटना आज रविवारी सकाळी सात वाजण्याच्या सुमारास नांगरतास येथील स्थानिक रहिवासी ओंकार अशोक गावडे यांच्या घराच्या परिसरात घडली. रस्ता ओलांडत असताना भरधाव वेगाने आलेल्या अज्ञात वाहनाने गव्याला जोरदार धडक दिली. ही धडक इतकी भीषण होती की, गव्याचा जागीच अंत झाला.
घटनेची माहिती मिळताच स्थानिक नागरिकांनी घटनास्थळी धाव घेतली. यानंतर तातडीने वनविभागाच्या अधिकाऱ्यांना पाचारण करण्यात आले. वनविभागाचे पथक घटनास्थळी दाखल झाले असून, मृत गव्याचा पंचनामा करण्याची प्रक्रिया सुरू आहे. पुढील कायदेशीर सोपस्कार पूर्ण केल्यानंतर गव्यावर अंत्यसंस्कार केले जाणार असल्याचे समजते.
आंबोली परिसरात वन्यप्राण्यांचा वावर मोठा असून, यापूर्वीही अशा प्रकारचे अपघात घडले आहेत. घाटातील वाढती वाहतूक आणि वाहनांचा वेग यामुळे वन्यजीवांचे प्राण धोक्यात येत असून, वनविभागाने यावर ठोस उपाययोजना करावी, अशी मागणी स्थानिकांमधून केली जात आहे.
🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563