आंबोली दि.१२: पर्यटनासाठी प्रसिद्ध असलेल्या आंबोली घाटातून एक धक्कादायक घटना समोर आली आहे. आंबोली गावठणवाडी येथील राजाराम रघुनाथ कुडतरकर (वय ३१) या डंपर चालकाने मुख्य दरडीच्या ठिकाणाहून सुमारे १२०० फूट खोल दरीत उडी मारून आपली जीवनयात्रा संपवली. मंगळवारी ही घटना उघडकीस आली असून, रेस्क्यू टीमच्या मदतीने मृतदेह बाहेर काढण्यात यश आले आहे.
असा लागला घटनेचा छडा
राजाराम चालवत असलेला डंपर घाटात एकाच ठिकाणी रात्रभर उभा होता. डंपर मालक मायकल डिसोजा यांना संशय आल्याने त्यांनी परिसराची पाहणी केली. डंपर जागेवरच असल्याने त्यांनी तातडीने ड्रोन कॅमेऱ्याच्या साहाय्याने दरीत शोध घेण्यास सुरुवात केली. यावेळी १२०० फूट खोल दरीत राजारामचा मृतदेह दिसून आला. ड्रोन कॅमेऱ्यात केवळ हात आणि पाय दिसत असल्याने शोधकार्याला वेग आला.
रेस्क्यू टीमचे साहसी अभियान
घटनेची माहिती मिळताच सह्याद्री ॲडव्हेंचर अँड रेस्क्यू टीम मदतीसाठी धावून आली. उत्तम नार्वेकर, मायकल डिसोजा आणि प्रथमेश गावडे यांनी खोल दरीत उतरून मृतदेहापर्यंत पोहोचले. राजु राऊळ, राकेश अमृस्कर, दिपक मेस्त्री, फास्कू देसा, गुरु सावंत, संतान अल्मेडा, सहदेव सनाम, अमरेश गावडे आणि रमेश मोहीते या सदस्यांच्या अथक परिश्रमातून मृतदेह दरीतून वर काढण्यात आला.
मानसिक तणावातून टोकाचे पाऊल?
राजारामचे पाच वर्षांपूर्वी लग्न झाले होते, मात्र काही कारणास्तव पत्नी सोबत राहत नव्हती. याच विरहातून त्याचे मानसिक संतुलन बिघडले असावे आणि त्यातूनच त्याने हे टोकाचे पाऊल उचलल्याचा प्राथमिक अंदाज वर्तवण्यात येत आहे. राजाराम स्वभावाने अत्यंत शांत आणि मनमिळावू होता. त्याच्या जाण्याने परिसरात हळहळ व्यक्त होत आहे. त्याच्या पश्चात आई आणि भाऊ असा परिवार आहे.
पोलिस तपास सुरू
घटनेची माहिती मिळताच सावंतवाडी पोलीस ठाण्याचे पोलीस निरीक्षक अमोल चव्हाण यांनी घटनास्थळी भेट देऊन पाहणी केली. तसेच आंबोली पोलीस दूरक्षेत्राचे हवालदार मनीष शिंदे घटनास्थळी उपस्थित होते. या प्रकरणी अधिक तपास पोलीस करत आहेत.
🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*🪐 *वेबसाईट* : hindustanlivenh@gmail.com 🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :📱9422054887,8275659563