सिंधुदुर्गनगरी (ओरोस) दि.१७: सिंधुदुर्गातील पत्रकारांच्या हक्काच्या घरांचे स्वप्न आता प्रत्यक्षात उतरत आहे. पालकमंत्री नितेश राणे यांच्या संकल्पनेतून ओरोस (सिंधुदुर्ग नगरी) येथे साकारत असलेल्या ‘सिंधुदर्पण’ पत्रकार गृहनिर्माण प्रकल्पाचे भूमिपूजन आज अत्यंत उत्साहपूर्ण आणि जल्लोषात पार पडले.
यावेळी बोलताना पालकमंत्री नितेश राणे यांनी, “हा प्रकल्प उत्कृष्ट दर्जासह आणि वेळेत पूर्ण करण्याची संपूर्ण जबाबदारी माझी आहे,” अशी ग्वाही दिली. तसेच “केंद्रीय मंत्री नारायण राणे यांनी जोडलेली माणसं जपणं आणि त्यांनी सुरू ठेवलेला विकासाचा वारसा पुढे नेणं हीच माझी जबाबदारी आहे,” असे प्रतिपादनही त्यांनी केले.
विकासाचा वारसा पुढे नेणार: पालकमंत्री नितेश राणे
पत्रकारांविषयी आत्मीयता व्यक्त करताना पालकमंत्री राणे म्हणाले की, सिंधुदुर्गच्या जनतेने राणे कुटुंबावर नेहमीच भरभरून प्रेम केले आहे. राणेसाहेबांनी मुख्यमंत्री आणि मंत्री म्हणून हजारो लोकांचे संसार उभे केले. पत्रकारांसाठी एका दर्जेदार गृहनिर्माण प्रकल्पाची गरज होती, ती पूर्ण करण्यासाठी आम्ही कटिबद्ध आहोत.
आपल्या खास शैलीत बोलताना त्यांनी प्रशासनाला संवेदनशील राहण्याचे आवाहन केले आणि म्हटले, “आमच्याकडे आउटगोइंग फ्री आहे आणि इनकमिंग बंद आहे… म्हणजे लोकांकडून काही घेण्याचा विषयच येत नाही, तर फक्त लोकांच्या अडचणी सोडवणे हेच आमचे काम आहे.”
राज्यासाठी आदर्श प्रकल्प: मान्यवरांचे गौरवोद्गार
जिल्हाधिकारी तृप्ती धोडमिसे: “काही तांत्रिक कारणांमुळे हा प्रकल्प पूर्वी रखडला होता, मात्र २०२३-२४ नंतर त्याला प्रशासकीय गती मिळाली. राज्यात पत्रकारांसाठी अशा स्वरूपाचा गृहनिर्माण प्रकल्प उभारणारा सिंधुदुर्ग हा पहिलाच जिल्हा ठरत आहे.”
एस. एम. देशमुख (मुख्य विश्वस्त, मराठी पत्रकार परिषद): “या ऐतिहासिक प्रकल्पाचे संपूर्ण श्रेय पालकमंत्री नितेश राणे यांना जाते. हा प्रकल्प संपूर्ण महाराष्ट्रासाठी एक आदर्श वस्तुपाठ ठरेल.”
प्रमोद कामत (अध्यक्ष, जिल्हा परिषद): “हा प्रकल्प केवळ इमारतींचा समूह नसून पत्रकार बांधवांच्या कुटुंबांना सुरक्षितता आणि स्थैर्य देणारा एक महत्त्वाचा टप्पा आहे.”
गुणवंत पाल्यांचा गौरव आणि मान्यवरांची उपस्थिती
या सोहळ्याचे आणखी एक वैशिष्ट्य म्हणजे, कार्यक्रमादरम्यान पत्रकारांच्या गुणवंत पाल्यांचा प्रशस्तीपत्र आणि स्मृतिचिन्ह देऊन गौरव करण्यात आला, ज्यामुळे सोहळ्याला एक कौटुंबिक आणि भावनिक किनार लाभली.
कार्यक्रमाला उपस्थित प्रमुख मान्यवर:
या सोहळ्याला जिल्हा बँकेचे अध्यक्ष मनीष दळवी, भाजप जिल्हाध्यक्ष प्रभाकर सावंत, पत्रकार परिषदेचे विश्वस्त शरद पाबळे, सिंधुदुर्ग जिल्हा पत्रकार संघाचे अध्यक्ष उमेश तोरसकर, ‘सिंधुदर्पण’ गृहनिर्माण संस्थेचे चेअरमन संतोष राऊळ, सचिव दिलीप खडपकर यांच्यासह गणेश जेठे, संतोष वायंगणकर, शशी सावंत, शेखर सामंत, गजानन नाईक, सागर चव्हाण हरिश्चंद्र पवार, नरेंद्र देशपांडे रमेश बोंद्रे आणि जिल्ह्यातील पत्रकार व नागरिक मोठ्या संख्येने उपस्थित होते.
हा भूमिपूजन सोहळा सिंधुदुर्गातील पत्रकारितेच्या इतिहासात हक्काच्या घरांच्या स्वप्नपूर्तीचा एक ऐतिहासिक क्षण ठरला आहे.
#######################
*सावंतवाडीच्या Baby’s World मध्ये धमाकेदार SALE सुरू…*
—————————
*लहान मुलांच्या कपड्यांवर आता मिळवा भारी सूट* 😍
*🛍️ 30% 40% 50% पर्यंत सूट*
📅 ऑफर कालावधी : 15 मे ते 30 मे
*येथे मिळतील 👇*
👗 फ्रॉक व ड्रेस🧥 स्वेटर👕 शर्ट व टी-शर्ट👖 लेगिंग्ज🎒 शाळेच्या बॅग🧥 रेनकोट आणि मुलामुलींसाठी इतर आकर्षक साहित्य ✨
✅ बेस्ट क्वालिटी ✅ स्वस्त दरात उत्तम खरेदी
✅ मुलांना आवडेल अशी फॅशन ✅ पूर्ण विश्वास, पूर्ण समाधान
*📞 आजच संपर्क करा : +91 94054 96776*
🛑/——–/🛑——-/🛑——🛑/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563