कुडाळ, २७ : देशात सातत्याने वाढणारी महागाई आणि केंद्र सरकारच्या पोकळ आश्वासनांच्या निषेधार्थ आज कुडाळ शहरात शिवसेना (उद्धव बाळासाहेब ठाकरे) पक्षाच्या वतीने एक अनोखा आणि अत्यंत आक्रमक धडक मोर्चा काढण्यात आला. शिवसेना जिल्हाप्रमुख तथा माजी आमदार वैभव नाईक यांच्या नेतृत्वाखाली निघालेल्या या मोर्चामुळे कुडाळ शहराचा परिसर चांगलाच गाजला. “सखी सैय्या तो खूब ही कमात है, महंगाई डायन खाए जात है…” या प्रसिद्ध गाण्याच्या सुरावटी आणि केंद्रातील मोदी सरकारच्या जुन्या भाषणांच्या ऑडिओ क्लिपने संपूर्ण आंदोलन परिसर दणाणून सोडला होता.
कुडाळ येथील जिजामाता चौक ते कुडाळ बसस्थानक दरम्यान काढण्यात आलेल्या या मोर्चामध्ये शिवसैनिकांनी आणि आंदोलकांनी केंद्र सरकारविरोधात जोरदार घोषणाबाजी केली. या आंदोलनाचे मुख्य आकर्षण ठरले ते म्हणजे पंतप्रधान नरेंद्र मोदी यांच्या जुन्या भाषणांची वाजवली गेलेली ऑडिओ क्लिप. “पेट्रोल के दाम कम हुए की नही हुए? डिझेल के दाम कम हुए की नही हुए? महंगाई कम हुई की नही हुई?” या पंतप्रधानांच्याच जुन्या प्रश्नांचा पाढा ऐकवत शिवसैनिकांनी सरकारची चांगलीच कोंडी केली आणि त्यांच्यावर कडाडून टीका केली. एका बाजूला महागाई सर्वसामान्यांचे कंबरडे मोडत आहे आणि दुसऱ्या बाजूला सरकार मात्र केवळ आश्वासने देण्यात धन्यता मानत आहे, असा आरोप यावेळी आंदोलकांनी केला.
यावेळी उपस्थित जनसमुदायाला संबोधित करताना माजी आमदार वैभव नाईक यांनी केंद्र सरकारच्या आर्थिक धोरणांवर तीव्र शब्दांत प्रहार केला. आंतरराष्ट्रीय बाजारपेठेत डॉलरचा भाव सातत्याने वाढत असून रुपयाचा दर घसरत चालला आहे, अशी टीका करत पंतप्रधान डॉलरची ही घोडदौड आणि रुपयाची घसरण थांबवण्यात पूर्णपणे अपयशी ठरल्याचा आरोप त्यांनी केला. त्यातच आता पेट्रोल आणि डिझेलचा मोठ्या प्रमाणात तुटवडा भासत असून सर्वसामान्यांना इंधन मिळणे कठीण झाले आहे, याकडे त्यांनी लक्ष वेधले.
पुढे बोलताना नाईक यांनी आगामी शेती हंगामाबाबत गंभीर चिंता व्यक्त केली. शेतकऱ्यांचा हंगाम अगदी तोंडावर आला असून शेतीकामांसाठी पेट्रोल-डिझेलची अत्यंत गरज भासणार आहे; अशा अवस्थेत बाजारात इंधनच उपलब्ध नसेल तर शेतकऱ्यांनी शेती कशी करायची, असा संतप्त सवाल त्यांनी उपस्थित केला. महागाईसोबतच सध्या गाजत असलेल्या ‘नीट’ (NEET) परीक्षा पेपरफुटीचा विषयही त्यांनी यावेळी लावून धरला. या पेपरफुटीमुळे देशातील लाखो प्रामाणिक विद्यार्थ्यांचे भवितव्य अंधारात ढकलले गेले असून त्यांचे मोठे नुकसान झाले असल्याचे त्यांनी सांगितले. आता या वाढत्या महागाईवर आणि समस्यांवर सरकार कसे आणि कधी नियंत्रण मिळवणार, याकडे जनतेचे लक्ष लागले आहे.
या धडक मोर्चामध्ये माजी आमदार परशुराम उपरकर, शिवसेना उपजिल्हाप्रमुख अमरसेन सावंत, युवा सेना जिल्हाप्रमुख मंदार शिरसाट, तालुका प्रमुख कृष्णा धुरी, संतोष शिरसाट, संतोष कांदळकर, माजी पंचायत समिती सदस्य अतुल बंगे, युवासेना तालुका प्रमुख योगेश धुरी, पंचायत समिती सदस्य अर्चना बंगे, ममता राऊळ, बबन बोभाटे, गुरु सडेकर, अमित राणे यांच्यासह शिवसेनेचे प्रमुख पदाधिकारी, महिला आघाडी, युवासेना आणि कार्यकर्ते मोठ्या संख्येने उपस्थित होते.
*सावंतवाडीच्या Baby’s World मध्ये धमाकेदार SALE सुरू…*
—————————
*लहान मुलांच्या कपड्यांवर आता मिळवा भारी सूट* 😍
*🛍️ 30% 40% 50% पर्यंत सूट*
📅 ऑफर कालावधी : 15 मे ते 30 मे
*येथे मिळतील 👇*
👗 फ्रॉक व ड्रेस🧥 स्वेटर👕 शर्ट व टी-शर्ट👖 लेगिंग्ज🎒 शाळेच्या बॅग🧥 रेनकोट आणि मुलामुलींसाठी इतर आकर्षक साहित्य ✨
✅ बेस्ट क्वालिटी ✅ स्वस्त दरात उत्तम खरेदी
✅ मुलांना आवडेल अशी फॅशन ✅ पूर्ण विश्वास, पूर्ण समाधान
*📞 आजच संपर्क करा : +91 94054 96776*
🛑/——–/🛑——-/🛑——🛑/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563