सावंतवाडी दि.१६: शहरात गॅस पाईपलाईनच्या कामादरम्यान गॅस कंपनीचा अत्यंत बेजबाबदार आणि धक्कादायक कारभार चव्हाट्यावर आला आहे. रामेश्वर प्लाझा परिसरात खोदकाम करताना फुटलेली ब्रिटिशकालीन ‘भीडाची’ (लोखंडी) जलवाहिनी दुरुस्त करण्यासाठी कंपनीने चक्क प्लास्टिक पाईपचा वापर करून वेळ मारून नेण्याचा प्रयत्न केला. हा प्रकार उघडकीस आल्यानंतर नागरिकांमधून संताप व्यक्त होत असून, नगरपरिषदेच्या ढिसाळ नियोजनावरही प्रश्नचिन्ह उपस्थित केले जात आहे.
नेमका प्रकार काय? गेल्या काही दिवसांपासून सावंतवाडी शहरात गॅस पाईपलाईन टाकण्याचे काम युद्धपातळीवर सुरू आहे. गुरुवारी रामेश्वर प्लाझा परिसरात खोदाई सुरू असताना पिण्याच्या पाण्याची मुख्य वाहिनी फुटली. ही वाहिनी ब्रिटीशकालीन असून ती अतिशय मजबूत मानली जाते. मात्र, कंपनीच्या कर्मचाऱ्यांनी ही वाहिनी पूर्ववत करताना कोणताही तांत्रिक विचार न करता लोखंडी पाईपला प्लास्टिकचा तुकडा जोडून त्यावर माती लोटण्याचा प्रयत्न केला.
स्थानिकांचा आक्षेप अन् काम रोखले गॅस कंपनीचा हा ‘जुगाड’ स्थानिक नागरिकांच्या लक्षात येताच त्यांनी तातडीने यावर आक्षेप घेतला. याबाबत मुख्याधिकारी विनायक औंधकर यांच्याकडे तक्रार करण्यात आली. परिस्थितीचे गांभीर्य ओळखून मुख्याधिकाऱ्यांनी पालिकेचे अधिकारी वैभव सरडे यांना घटनास्थळी पाठवले. त्यांनी प्रत्यक्ष पाहणी करून वरिष्ठ अधिकाऱ्यांशी चर्चा होईपर्यंत सदर काम थांबवण्याचे आदेश दिले आहेत.
गॅस कंपनीचा अजब तर्क: एककीडे तांत्रिक निकष धाब्यावर बसवल्याचा आरोप होत असताना, गॅस कंपनीच्या अधिकाऱ्यांनी मात्र आपली चूक मान्य करण्याऐवजी अजब सारवासारव केली. “आमचा प्लास्टिक पाईप भीडाच्या पाईपपेक्षा जास्त टिकेल,” असा अजब दावा कंपनीच्या वतीने करण्यात आला. मात्र, अशा प्रकारच्या तात्पुरत्या दुरुस्तीमुळे भविष्यात मोठी पाणी गळती होण्याची आणि रस्ता खचण्याची भीती व्यक्त केली जात आहे.
नगरपरिषदेचा कारभार रडारवर शहरात ५७ कोटींच्या नळपाणी पुरवठा योजनेवरून आधीच सत्ताधारी महायुतीमध्ये (भाजप-शिवसेना) आरोप-प्रत्यारोप सुरू असताना, या नवीन प्रकरणामुळे खळबळ उडाली आहे.शहरात खोदाई सुरू असताना नगरपालिकेकडे कोणताही तांत्रिक आराखडा उपलब्ध नाही का?गॅस कंपनीच्या मनमानीवर देखरेख ठेवण्यासाठी पालिकेची यंत्रणा अपयशी ठरली आहे का?असे सवाल आता सावंतवाडीकर विचारत आहेत.सध्या याठिकाणी काम थांबवण्यात आले असले तरी, गॅस कंपनीच्या या अनागोंदी कारभारामुळे संपूर्ण शहरात संतापाचे वातावरण आहे. आता प्रशासन कंपनीवर काय कारवाई करणार, याकडे सर्वांचे लक्ष लागले आहे.
“ब्रिटिशकालीन पाईपलाईन ही शहराच्या पाणीपुरवठ्याचा कणा आहे. अशा प्रकारे प्लास्टिकचा जोड देऊन काम दडपणे हे भविष्यात धोक्याचे ठरू शकते. जोपर्यंत योग्य तांत्रिक पद्धतीने दुरुस्ती होत नाही, तोपर्यंत काम करू दिले जाणार नाही.”— स्थानिक नागरिक
🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com ———————————–◾ *अखंड हिंदुस्तान लाईव्ह न्यूज*_____________________🪐 *वेबसाईट* : hindustanlivenh@gmail.com _____________________🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :📱9422054887,8275659563