सावंतवाडी,दि.२७: पारंपरिक वारसा आणि आधुनिकतेचा मेळ घालत सावंतवाडी शहराच्या सौंदर्यात आणि पर्यटनात मैलाचा दगड ठरणाऱ्या ऐतिहासिक ‘मोती तलाव पुनरुज्जीवन आणि विकास प्रकल्पाचे’ नुकतेच भव्य सादरीकरण करण्यात आले.महाराष्ट्राचे बंदरे व मत्स्यव्यवसाय विकास मंत्री नितेश राणे यांच्या विशेष पुढाकाराने या बैठकीचे आयोजन करण्यात आले होते.
या महत्त्वपूर्ण सादरीकरणासाठी सावंतवाडीचे आमदार दीपक केसरकर, सावंतवाडी नगर परिषदेच्या नगराध्यक्ष श्रद्धाराजे सावंत भोसले आणि युवराज लखमराजे सावंत भोसले यांना आमंत्रित करण्यात आले होते. हा उपक्रम व्यापक जनहितासाठी शासन आणि राजघराणे यांच्या एकत्रित प्रयत्नांचे एक अद्वितीय प्रतीक आहे, असा विश्वास यावेळी मंत्री नितेश राणे यांनी व्यक्त केला.
आजच्या काळात महत्त्वाची वारसा पर्यटन केंद्रे म्हणून ओळखल्या जाणाऱ्या पारंपरिक शहरांच्या बदलत्या गरजा लक्षात घेऊन ही व्यापक दूरदृष्टी योजना तयार करण्यात आली आहे. नामवंत संस्था ‘थर्टी स्क्वेअर’ आणि ‘आरजेबी-सीपीएल’ (रतन जे. बटलिबोई कन्सल्टंट्स प्रा. लि.) यांच्या भागीदारीतून, तसेच त्यांचे पर्यावरण भागीदार ‘एज्युकेटेड एन्व्हायर्नमेंट’ (ईडन एलएलपी) यांच्या तांत्रिक सहकार्याने हा आराखडा सादर करण्यात आला.हा संपूर्ण प्रकल्प ‘लोकांसाठी, जागेसाठी, पाण्यासाठी’ या तीन मुख्य मार्गदर्शक तत्त्वांवर आधारित आहे. मोती तलाव हा केवळ एक पाण्याचा साठा नसून, तो शहरातून वाहणाऱ्या पाण्याचे नैसर्गिक संकलन केंद्र आहे. हे ऐतिहासिक महत्त्व ओळखून, या प्रस्तावात तलावाच्या काठावरील भिंतींची स्वच्छता, संवर्धन आणि स्थिरीकरण करून तलावाची संपूर्ण परिसंस्था पुनर्संचयित करण्यावर विशेष भर देण्यात आला आहे. यामुळे सावंतवाडीची सांस्कृतिक आणि सौंदर्यात्मक ओळख तर जगेलच, सोबतीला विचारपूर्वक आधुनिक विकासही साधला जाईल.
स्थानिक वैशिष्ट्यांचा गौरव करत शाश्वत आणि सांस्कृतिकदृष्ट्या जागतिक पर्यटकांना आकर्षित करणे, ही या प्रकल्पाची मध्यवर्ती संकल्पना आहे. यासाठी तलाव परिसरात फूड पार्क, आधुनिक नौकाविहार सुविधा आणि सांस्कृतिक कार्यक्रमांसाठी भव्य उत्सव चौक उभारला जाईल. तसेच, कोकणची पारंपरिक लोककला असलेल्या ‘दशावतार नाटक’ आणि इतर स्थानिक कला प्रकारांना हक्काचे व्यासपीठ मिळवून देण्यासाठी विशेष रंगमंडप आणि पारंपरिक घाटांच्या संकल्पनेतून प्रेरित शांत तलावाकाठच्या परिसराची निर्मिती केली जाणार आहे.
मोती तलावाचा हा प्रस्तावित पुनरुज्जीवन प्रकल्प म्हणजे सावंतवाडीसाठी एक प्रगतीशील दृष्टिकोन आहे. हा प्रकल्प केवळ पर्यटन वाढवणार नाही, तर पर्यावरणीय जबाबदारी पाळत स्थानिक पातळीवर मोठ्या आर्थिक संधी आणि उपजीविका निर्माण करेल. वारसा आणि विकास, समुदाय आणि पर्यटन यांचा योग्य समतोल साधणारा हा प्रकल्प सावंतवाडीच्या भविष्याला नवी दिशा देणारा ठरेल, असा सूर या बैठकीत उमटला.
############################
*सावंतवाडीच्या Baby’s World मध्ये धमाकेदार SALE सुरू…*
—————————
*लहान मुलांच्या कपड्यांवर आता मिळवा भारी सूट* 😍
*🛍️ 30% 40% 50% पर्यंत सूट*
📅 ऑफर कालावधी : 15 मे ते 30 मे
*येथे मिळतील 👇*
👗 फ्रॉक व ड्रेस🧥 स्वेटर👕 शर्ट व टी-शर्ट👖 लेगिंग्ज🎒 शाळेच्या बॅग🧥 रेनकोट आणि मुलामुलींसाठी इतर आकर्षक साहित्य ✨
✅ बेस्ट क्वालिटी ✅ स्वस्त दरात उत्तम खरेदी
✅ मुलांना आवडेल अशी फॅशन ✅ पूर्ण विश्वास, पूर्ण समाधान
*📞 आजच संपर्क करा : +91 94054 96776*
🛑/——–/🛑——-/🛑——🛑/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563