— वाढदिवसानिमित्त विशेष अभिष्टचिंतन !

सावंतवाडीच्या शैक्षणिक क्षेत्रात जवळपास ७९ वर्षांची देदीप्यमान परंपरा असलेल्या ‘सावंतवाडी शिक्षण प्रसारक मंडळ’ या ऐतिहासिक संस्थेच्या अध्यक्षपदाची धुरा आता एका तरुण, उच्चविद्याविभूषित आणि उमद्या नेतृत्वाच्या खांद्यावर आली आहे. ते नाव म्हणजे विक्रांत विकासभाई सावंत!
महाराष्ट्र राज्याचे माजी आरोग्य मंत्री (कै.) भाईसाहेब सावंत यांचे नातू आणि संस्थेचे माजी कार्यक्षम अध्यक्ष (कै.) विकासभाई सावंत यांचे सुपुत्र असलेल्या विक्रांत सावंत यांच्या रूपाने या संस्थेला तिसऱ्या पिढीचे सक्षम नेतृत्व लाभले आहे. नुकत्याच झालेल्या सिंधुदुर्ग जिल्हा परिषदेच्या पंचवार्षिक निवडणुकीत जिल्ह्यात दुसऱ्या क्रमांकाची सर्वाधिक मते मिळवून विजयी झालेले विक्रांतजी आज आपला वाढदिवस अत्यंत साधेपणाने आणि सामाजिक उपक्रमांनी साजरा करत आहेत. या निमित्ताने त्यांच्या आजवरच्या प्रवासाचा आणि भविष्यातील संकल्पनांचा हा अखंड हिंदुस्तान लाईव्ह न्यूज चॅनल कडून घेतलेला वेध…

थोरामोठ्यांच्या नेतृत्वाचा जाज्वल्य आणि समृद्ध वारसा
सावंतवाडी शिक्षण प्रसारक मंडळाचा इतिहास सन १८६५ पासूनचा आहे. या संस्थेच्या अध्यक्षपदाची धुरा महाराष्ट्र राज्याचे माजी मुख्यमंत्री (कै.) पी. के. सावंत यांच्यासह अनेक दिग्गजांनी सांभाळली आहे. यामध्ये सुभेदार मेजर विष्णू सावंत, अनंतराव कदम, यशवंतराव शृंगारे, बी. एस. देसाई, सखाराम सावंत, माजी आमदार प्रतापराव भोसले, ॲड. अ. ल. पाटणकर आणि वामनराव कदम यांसारख्या थोर व्यक्तींचा समावेश आहे.
यानंतर भाईसाहेब सावंत यांनी ३२ वर्षे आणि विकासभाई सावंत यांनी ३४ वर्षे आपल्या रक्ताचे पाणी करून या संस्थेला एका वेगळ्या उंचीवर नेले. अशा या महान नेत्यांच्या खुर्चीवर बसून सेवा करण्याची मोठी जबाबदारी आता विक्रांत सावंत यांच्यावर आली आहे. स्वतः विक्रांतजी म्हणतात:
“या खुर्चीवर बसणे म्हणजे काटेरी मुकुट परिधान करण्यासारखे आहे. ज्या खुर्चीवर मुख्यमंत्री आणि थोर नेते बसले, तिचा मान राखून संस्थेची आणि सावंतवाडीच्या शैक्षणिक परंपरेची निस्वार्थ सेवा करणे हेच माझे अंतिम ध्येय आहे.”
ग्रामीण भागासाठी ‘केजी ते पीजी’ शिक्षणाची गंगा
संस्थेचे संस्थापक भाईसाहेब आणि विकासभाई यांनी केवळ सावंतवाडी शहरापुरते मर्यादित न राहता दोडामार्ग आणि चौकूळसारख्या दुर्गम, डोंगराळ भागातही शिक्षणाची दारे खुली केली.
चौकूळ येथे पदवीपर्यंतचे शिक्षण: गेल्या सात वर्षांपूर्वी चौकूळसारख्या भागात अकरावी-बारावीनंतर पदवीपर्यंतचे (ग्रॅज्युएशन) शिक्षण सुरू करण्यात आले. स्थानिक ग्रामस्थ आणि गावकर मंडळी आजही पदरमोड करून, दारोदारी जाऊन या शिक्षणासाठी मदत गोळा करतात, ज्याचा विक्रांतजींना सार्थ अभिमान वाटतो.
दोडामार्ग येथे अत्याधुनिक इमारत: दोडामार्ग येथील विद्यार्थ्यांसाठी सध्या अत्याधुनिक इमारतीचे काम सुरू असून, येथे शेजारच्या गोवा राज्यातील विद्यार्थीही शिक्षणाचा लाभ घेत आहेत. ‘लोकांनी दिलेल्या देणगीतून आणि विश्वासातून उभी राहिलेली ही संस्था आहे’ अशी कृतज्ञता ते व्यक्त करतात.
नव्या युगाचे शिक्षण: ‘एआय’ (AI) आणि आधुनिक तंत्रज्ञानाचा वापर
सिंधुदुर्गचे पालकमंत्री तथा मत्स्य व बंदर विकास मंत्री नीतेश राणे यांनी विक्रांत सावंत यांच्या उच्चशिक्षित नेतृत्वाचे कौतुक करताना तंत्रज्ञानाच्या वापराबाबत मोठी अपेक्षा व्यक्त केली आहे. आज जगभरात आर्टिफिशियल इंटेलिजन्स (AI) च्या माध्यमातून शिक्षणात मोठे प्रयोग होत आहेत. अमेरिकेत बसलेला शिक्षक सावंतवाडीतील मुलांना डिजिटल माध्यमातून शिकवू शकतो.
पालकमंत्री नीतेश राणे यांच्या मते, विक्रांत सावंत यांच्यासारखा तरुण आणि तंत्रस्नेही सहकारी पुढे आल्यामुळे सिंधुदुर्गच्या शिक्षण क्षेत्रात ‘नवी क्रांती’ घडून येईल आणि शाळांमध्ये ‘एआय’चा प्रभावी वापर निश्चितपणे केला जाईल. या परिवर्तनासाठी त्यांनी विक्रांतजींना पूर्ण पाठिंबा दर्शवला आहे.
पायाभूत सुविधा, क्रीडा क्रांती आणि नवे संकल्प
सावंतवाडी विधानसभा मतदारसंघाचे आमदार व माजी शालेय शिक्षण मंत्री दीपक केसरकर यांनीही विक्रांत सावंत यांच्या पाठीवर कौतुकाची थाप दिली आहे. विकासभाईंनी पाहिलेली स्वप्ने पूर्ण करण्यासाठी केसरकरांनी त्यांना सदैव साथ देण्याचे आश्वासन दिले आहे. नूतन अध्यक्ष म्हणून विक्रांतजींनी अनेक महत्त्वाचे संकल्प सोडले आहेत:
राणी पार्वतीदेवी प्रशालेचा विकास: राणी पार्वतीदेवी प्रशालेमध्ये पहिली ते चौथीचे वर्ग सुरू करण्याचा विकासभाईंचा मानस पूर्णत्वास नेणे ही विक्रांतजींची पहिली प्राथमिकता आहे.
आधुनिक क्रीडा सुविधा (टर्फ): ‘आरपीडी’ हायस्कूलची ओळख खेळाडूंसाठी आहे. इथले हॉकी खेळाडू राष्ट्रीय स्तरावर चमकले आहेत. आधी टर्फ नसताना चिखलात खेळणारे हे खेळाडू आता आधुनिक क्रीडा सुविधां अभावी मागे राहू नयेत, म्हणून त्यांना आंतरराष्ट्रीय दर्जाचे ‘टर्फ’ आणि योग्य ‘लॉन्च पॅड’ मिळवून देण्याचा १००% प्रयत्न विक्रांतजी करणार आहेत.
MPSC, UPSC आणि निवासी शाळा: कोकण विभागाचा निकाल नेहमीच १००% लागतो. या गुणवंत विद्यार्थ्यांना स्पर्धा परीक्षांचे योग्य मार्गदर्शन मिळावे म्हणून संस्थेच्या वतीने लवकरच एमपीएससी, यूपीएससी अभ्यासक्रम मार्गदर्शन केंद्र आणि निवासी शाळा उपक्रम सुरू केला जात आहे. जेणेकरून इथली मुले भविष्यात आयएएस, आयपीएस, डॉक्टर आणि वकील बनू शकतील.
ज्येष्ठांचा आदर आणि ‘कॅप्टन’ म्हणून वाढलेली जबाबदारी
विक्रांत सावंत हे नेतृत्व केवळ आधुनिक विचारांचे नाही तर संस्कारांची जपणूक करणारे आहे. ते म्हणतात, “मी अध्यक्ष जरी असलो तरी हे नाममात्र पद आहे. मी प्रत्येक निर्णय माझ्यासोबत असलेल्या ज्येष्ठ मंडळींच्या मार्गदर्शनानेच घेतो.” आज त्यांच्या पाठीशी सी. एल. नाईक, व्ही. बी. नाईक (वय ८६-८७), चं. मु. सावंत (वय ८८-९०) यांच्यासारखे अनुभवी मार्गदर्शक आणि प्रतिष्ठित शिक्षक, डॉक्टर, वकील, सीए उभे आहेत. या ज्येष्ठांनी एका तरुणाला ‘कॅप्टन’ म्हणून स्वीकारल्यामुळे आपली जबाबदारी अधिक वाढल्याची जाणीव त्यांना आहे.
माजगाव जि.प. मतदारसंघाचे गतिमान नेतृत्व
शैक्षणिक क्षेत्रासोबतच विक्रांत सावंत यांना माजगाव जिल्हा परिषद मतदारसंघाचे नेतृत्व करण्याची संधी मिळाली आहे. गावचा सर्वांगीण विकास साधताना सर्वसामान्य नागरिकांना दर्जेदार सेवा-सुविधा पुरवण्याचा त्यांचा मानस आहे. त्यांच्या या विकासकामांना सर्वपक्षीय नेत्यांकडून आणि जनतेकडून भरभरून पाठिंबा मिळत आहे.
सावंतवाडी शिक्षण प्रसारक मंडळाला लाभलेला ७९ वर्षांचा गौरवशाली वारसा विक्रांत विकासभाई सावंत यांच्या सुरक्षित आणि दूरदृष्टीच्या हातात सोपवला गेला आहे. त्यांच्या वाढदिवसानिमित्त, त्यांनी घेतलेला हा शैक्षणिक व सामाजिक विकासाचा ध्यास यशस्वी होवो, हीच सदिच्छा!
तरुण, डॅशिंग आणि उच्चविद्याविभूषित नेतृत्व विक्रांत विकासभाई सावंत यांना वाढदिवसाच्या हार्दिक आणि मनःपूर्वक शुभेच्छा!

🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563