सावंतवाडी दि.२६: तालुक्यातील आंबोली आणि गेळे येथील प्रसिद्ध पर्यटन व थंड हवेचे ठिकाण असलेल्या ‘कावळेशेत पॉईंट’च्या नावाखाली ग्राहकांची मोठी फसवणूक करण्याचा प्रकार समोर आला आहे. दुसऱ्याच गावची जमीन दाखवून ग्राहकांची दिशाभूल करणाऱ्या ‘साईच्छा डेव्हलपर्स’ या कंपनीचा डाव गेळेचे सरपंच सागर ढोकरे आणि स्थानिक ग्रामस्थांनी सतर्कता दाखवत उधळून लावला. याप्रकरणी कंपनीच्या अधिकाऱ्यांना कडक शब्दांत समज देण्यात आली असून, फसवणूक न थांबवल्यास कायदेशीर कारवाईचा इशारा देण्यात आला आहे.
​काय आहे नेमका प्रकार?
​‘साईच्छा डेव्हलपर्स’ नावाच्या कंपनीकडून त्यांच्या ‘रुद्रा व्हॅली’ या प्रोजेक्टसाठी जमीन विक्रीचे काम सुरू आहे. गेळेतील कावळेशेत पॉईंट परिसरात या कंपनीचे सेल्समन बॅनर लावून ग्राहकांना माहिती देत होते. यावेळी ते ग्राहकांना दरीतील शिरशिंगे गावची जागा दाखवून, ही जागा आंबोली तसेच कावळेशेत पॉईंटचाच भाग असल्याचा खोटा दावा करत होते. कंपनीने आपल्या जाहिरातीतही या प्रोजेक्टचा उल्लेख चुकीच्या पद्धतीने ‘रुद्रा व्हॅली प्रोजेक्ट आंबोली, कावळेशेत’ असा केला आहे.
​सरपंच आणि ग्रामस्थांची धाडसी कारवाई
​हा दिशाभूल करण्याचा प्रकार सुरू असतानाच गेळे गावचे सरपंच सागर ढोकरे आणि आनंद गावडे नेमके त्या ठिकाणी पोहोचले. त्यांनी सेल्समनकडे चौकशी केली असता हा सगळा खोटा कारभार आणि फसवणुकीचा प्रकार उघडकीस आला.

​गावांची बदनामी खपवून घेणार नाही!
​मिळालेल्या माहितीनुसार, आंबोली किंवा गेळे गावातील एकाही शेतकऱ्याने साईच्छा डेव्हलपर्स किंवा रुद्रा व्हॅली प्रोजेक्टसाठी आपली एक इंचही जागा विकलेली नाही. असे असताना केवळ स्वतःचा आर्थिक फायदा करून घेण्यासाठी या कंपनीकडून आंबोली आणि गेळे या दोन्ही नामांकित गावांच्या नावाचा चुकीचा वापर केला जात आहे, ज्यामुळे गावांची विनाकारण बदनामी होत आहे.
​कायदेशीर कारवाईचा इशारा
​स्थानिक ग्रामस्थांनी या प्रकारावर तीव्र आक्षेप घेतला आहे. साईच्छा डेव्हलपर्सने ‘रुद्रा व्हॅली’ प्रोजेक्टसाठी आंबोली आणि कावळेशेत पॉईंट या नावांचा गैरवापर करून लोकांची दिशाभूल करणे त्वरित थांबवावे, अशी तंबी ग्रामस्थांनी दिली आहे. हा फसवणुकीचा प्रकार न थांबल्यास भविष्यात कंपनीविरोधात पोलीस ठाण्यात अधिकृत तक्रार दाखल करून योग्य ती कायदेशीर कारवाई करण्याचा निर्धारही गावSub-committee व ग्रामस्थांनी व्यक्त केला आहे.

​”वास्तविक पाहता, शिरशिंगे गावचा आंबोली किंवा गेळे येथील कावळेशेत पॉईंटशी दूरवरचाही संबंध नाही. शिरशिंगे हे दरीतील एक स्वतंत्र गाव आहे, तर आंबोली आणि गेळे हे डोंगरावरील प्रसिद्ध थंड हवेचे ठिकाण आहे. दोन्ही ठिकाणचे हवामान, वनसंपदा आणि प्राणी संपदा यात जमीन-आस्मानाचा फरक आहे.”
– सागर ढोकरे (सरपंच, गेळे)

*सावंतवाडीच्या Baby’s World मध्ये धमाकेदार SALE सुरू…*
—————————
*लहान मुलांच्या कपड्यांवर आता मिळवा भारी सूट* 😍
*🛍️ 30% 40% 50% पर्यंत सूट*
📅 ऑफर कालावधी : 15 मे ते 30 मे
*येथे मिळतील 👇*
👗 फ्रॉक व ड्रेस🧥 स्वेटर👕 शर्ट व टी-शर्ट👖 लेगिंग्ज🎒 शाळेच्या बॅग🧥 रेनकोट आणि मुलामुलींसाठी इतर आकर्षक साहित्य ✨
✅ बेस्ट क्वालिटी ✅ स्वस्त दरात उत्तम खरेदी
✅ मुलांना आवडेल अशी फॅशन ✅ पूर्ण विश्वास, पूर्ण समाधान
*📞 आजच संपर्क करा : +91 94054 96776*
🛑/——–/🛑——-/🛑——🛑/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563

सावंतवाडी दि.२६: देशसेवेचा दैदिप्यमान वारसा लाभलेले, १९६५ आणि १९७१ च्या भारत-पाकिस्तान युद्धातील वीरयोद्धे आणि सातार्डा येथील निवृत्त सैनिक हवालदार चंद्रकांत जयराम पवार (वय ८२) यांचे नुकतेच दुःखद निधन झाले. त्यांच्या निधनाने सातार्डा परिसरासह संपूर्ण सिंधुदुर्ग जिल्ह्यातून तीव्र हळहळ व्यक्त होत आहे. पत्रकार हरिश्चंद्र पवार व इंजिनिअर जयराम (बाळा) पवार यांचे ते वडील होत.

🔹 २६ वर्षे देशसेवा, १५ वर्षे एसटी महामंडळात सेवा:
लहान वयातच सैन्यात दाखल झालेल्या चंद्रकांत पवार यांनी ‘आर्मी सर्व्हिस कोर’ (ASC) मध्ये तब्बल २६ वर्षे देशसेवा केली. निवृत्तीनंतर त्यांनी राज्य परिवहन महामंडळात (MSRTC) बस चालक म्हणून १५ वर्षे सेवा बजावली. कणकवली विभागांतर्गत देवगड, मालवण, कुडाळ, सावंतवाडी आणि वेंगुर्ले अशा विविध डेपोंमध्ये त्यांनी कर्तव्य चोख बजावले होते.

🔹 सैनिकी गणवेश आणि देशप्रेमाची अखंड ज्योत:
वयाच्या ८२ व्या वर्षीही स्वातंत्र्य दिन व प्रजासत्ताक दिनी ते कडक इस्त्रीचा युनिफॉर्म, पॉलिश केलेला बेल्ट आणि बूट घालून सैनिकी थाटात ध्वजाला सॅल्यूट देत असत. त्यांचा हा उत्साह तरुणांसाठी नेहमीच प्रेरणादायी ठरत होता. गावातील सार्वजनिक रस्त्यासाठी त्यांनी थेट उपोषणाचीही तयारी दर्शवली होती, इतके ते समाजकार्यात अग्रेसर होते.

🔹 शोककुल वातावरणात अंत्यसंस्कार:
महिन्याभरापूर्वीच त्यांच्या पत्नी कै. चंद्रावती पवार यांचे निधन झाले होते. त्यानंतर आता पवार कुटुंबियांवर हा दुःखाचा पहाड कोसळला आहे. सातार्डा येथील तरचावाडा वैकुंठ स्मशानभूमीत अत्यंत शोकाकुल वातावरणात त्यांच्यावर अंत्यसंस्कार करण्यात आले.

🔹 मान्यवरांची मोठी उपस्थिती:
त्यांच्या अंतिम यात्रेत सावंतवाडी नगर परिषदेचे उपनगराध्यक्ष अॅड. अनिल निरवडेकर, पंचायत समिती सदस्य उदय पारिपत्ये, निवृत्त अधिकारी राजा वाडीकर, निवृत्त मालवण गटविकास अधिकारी श्याम चव्हाण, निवृत्त गोवा उपजिल्हाधिकारी काशिनाथ सातार्डेकर, पणजी महा न पचे दीपक सातार्डेकर, हुमरस पोलीस पाटील सुरेश चव्हाण, निवृत्त हायस्कूल मुख्याध्यापक ज्ञानेश्वर मांजरेकर, नारायण बागकर, ज्येष्ठ नागरिक प्रभाकर मांजरेकर, गजानन शिरसाट, धनंजय केरकर, चर्मकार समाजाचे बांधव पी.बी.चव्हाण, संत रोहिदास सहकारी पतसंस्थेचे व्हाइस चेअरमन बाबुराव चव्हाण, गणेश म्हापणकर, दिलीप इन्सुलकर, सुभाष बांबुळकर, उत्तम चव्हाण, महेश चव्हाण, महेश मोचेमाडकर, संदेश मोचेमाडकर,एकनाथ चव्हाण, विजय होडावडेकर,सुधाकर बांदेकर, अशोक चव्हाण, कृष्णा आसोलकर, योगेश्वर कडू, अविनाश होडावडेकर, संग्राम मोरे,अशोक पिळणकर, सतिश काळसेकर संतोष पवार,सत्यदीप सातार्डेकर तुळशीदास पवार,शेखर पवार,सेंट्रल बँकेचे शाखा व्यवस्थापक श्री. सावंत पोलीस अधिकारी शेखर दाभोलकर, किशोर पाटणकर आदींसह शेकडो नागरिक अंत्ययात्रेत सहभागी झाले होते.
प्रशांत भूमी स्मशानभूमीत अंत्यसंस्कार झाल्यानंतर त्यांना समाज बांधवांच्या वतीने श्रद्धांजली अर्पण करण्यात आली यावेळी पीबी चव्हाण यांनी त्यांच्या जीवनातील पैलवान प्रकाश झोत टाकला महिन्यापूर्वी महिन्याभरापूर्वी त्यांची पत्नी कै चंद्रावती पवार ह्याचे दुखत निधन झाले होते त्यानंतर पवार कुटुंबियांवर चंद्रकांत पवार यांच्या मृत्यूने दुःखाचा पहाड कोसळला असल्याचा उल्लेख त्यांनी यावेळी बोलताना केला यांच्यासह शेकडो ग्रामस्थ, विविध क्षेत्रांतील मान्यवरांनी आणि समाज बांधवांनी उपस्थित राहून या वीरयोद्ध्याला साश्रू नयनांनी श्रद्धांजली वाहिली.देशसेवेसाठी समर्पित राहिलेल्या या महान सुपुत्राला भावपूर्ण श्रद्धांजली! 💐🙏

###########################

*सावंतवाडीच्या Baby’s World मध्ये धमाकेदार SALE सुरू…*
—————————
*लहान मुलांच्या कपड्यांवर आता मिळवा भारी सूट* 😍
*🛍️ 30% 40% 50% पर्यंत सूट*
📅 ऑफर कालावधी : 15 मे ते 30 मे
*येथे मिळतील 👇*
👗 फ्रॉक व ड्रेस🧥 स्वेटर👕 शर्ट व टी-शर्ट👖 लेगिंग्ज🎒 शाळेच्या बॅग🧥 रेनकोट आणि मुलामुलींसाठी इतर आकर्षक साहित्य ✨
✅ बेस्ट क्वालिटी ✅ स्वस्त दरात उत्तम खरेदी
✅ मुलांना आवडेल अशी फॅशन ✅ पूर्ण विश्वास, पूर्ण समाधान
*📞 आजच संपर्क करा : +91 94054 96776*
🛑/——–/🛑——-/🛑——🛑/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563

सातार्डा दि.२४: सावंतवाडी तालुक्यातील सातार्डा येथील निवृत्त माजी सैनिक हवालदार चंद्रकांत जयराम पवार (वय ८२) यांचे आज (रविवार, २४ मे) दुपारी अल्पशा आजाराने दुःखद निधन झाले. देशसेवा आणि समाजसेवेसाठी आपले आयुष्य समर्पित करणाऱ्या या ज्येष्ठ सैनिकाच्या निधनाने सातार्डा परिसरासह संपूर्ण सिंधुदुर्ग जिल्ह्यात हळहळ व्यक्त होत आहे. ते ज्येष्ठ पत्रकार हरिश्चंद्र पवार व इंजिनिअर जयराम (बाळा) पवार यांचे वडील होत.

१९७१ च्या युद्धातील सहभाग आणि ३२ वर्षांची देशसेवा
हवालदार चंद्रकांत पवार हे अगदी लहान वयातच भारतीय सैन्यदलात दाखल झाले होते. त्यांनी सैन्यदलाच्या ‘एएससी’ (आर्मी सव्हिर्स कोर) मध्ये हवालदार पदावर तब्बल ३२ वर्षे प्रदीर्घ आणि उल्लेखनीय सेवा बजावली. विशेष म्हणजे, १९७१ च्या ऐतिहासिक भारत-पाकिस्तान युद्धात त्यांनी सक्रिय सहभाग घेतला होता. सैन्यदलाचा त्यांना प्रचंड अभिमान होता.

एसटी महामंडळात १५ वर्षे चालक म्हणून सेवा
सैन्यदलातून सेवानिवृत्त झाल्यानंतरही त्यांची सेवावृत्ती थांबली नाही. त्यांनी राज्य परिवहन महामंडळात (MSRTC) ‘एसटी बस चालक’ म्हणून १५ वर्षे यशस्वी सेवा केली. या काळात त्यांनी सिंधुदुर्ग जिल्ह्यातील कणकवली विभागीय कार्यालयांतर्गत (DC Office) देवगड, मालवण, कुडाळ, सावंतवाडी आणि वेंगुर्ले डेपोत कर्तव्यदक्ष चालक म्हणून काम केले होते.

देशभक्तीचा कडक शिस्तीचा आदर्श
सेवानिवृत्तीनंतरही त्यांच्यातील सैनिक कायम जागृत होता. दरवर्षी स्वातंत्र्य दिन आणि प्रजासत्ताक दिनी ते सातार्डा ग्रामपंचायतीच्या ध्वजारोहण कार्यक्रमाला न चुकता उपस्थित राहत. सैन्यात असताना जवान आणि अधिकारी ज्याप्रमाणे आपल्या बेल्टला व शूजला पॉलिश करत, कडक इस्त्रीचा युनिफॉर्म घालत; अगदी त्याच उत्साहात आणि शिस्तीत ते सैनिकी गणवेश परिधान करून ध्वजाला कडक सॅल्यूट ठोकण्यासाठी जात असत. त्यांचा हा उत्साह तरुण पिढीसाठी नेहमीच प्रेरणादायी ठरला.

समाजसेवेसाठी सदैव तत्पर
सार्वजनिक कार्यात आणि समाजसेवेत ते नेहमीच अग्रभागी असायचे. गावातील सार्वजनिक रस्ता मंजूर व्हावा आणि त्याचे काम व्हावे, यासाठी थेट उपोषण आंदोलन करण्याची तयारीही त्यांनी दाखविली होती.

सोमवारी सकाळी ११:३० वाजता अंत्यसंस्कार
त्यांच्या पश्चात दोन मुलगे, चार मुली, सुना, जावई, भाऊ, बहीण, वहिनी, पुतणे, नातवंडे आणि पतवंडे असा मोठा आप्तपरिवार आहे.

स्व. चंद्रकांत पवार यांचे पार्थिव अंतिम दर्शनासाठी सातार्डा येथील त्यांच्या निवासस्थानी ठेवण्यात येणार आहे. त्यानंतर सोमवार, दिनांक २५ मे २०२६ रोजी सकाळी ११:३० वाजता त्यांच्या मूळ गावी सातार्डा येथील ‘तरचावाडा वैकुंठ स्मशानभूमीत’ त्यांच्या पार्थिवावर अंत्यसंस्कार करण्यात येणार आहेत.
🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563

आंबोली येथे झालेल्या पहिल्या सहकारी पतसंस्थांच्या अधिवेशनाचे उद्घाटन करताना सिंधुदुर्ग जिल्हा बँकेचे अध्यक्ष मनीष दळवी सोबत जिल्हा फेडरेशनचे अध्यक्ष सुनील राऊळ, बाबुराव कविटकर, रवींद्र मडगांवकर, समीर वंजारी, जॉय डान्टस, रमेश बोंद्रे आदी.

सावंतवाडी, दि. २३: “गुणात्मक दृष्ट्या विचार केल्यास आपल्या कोकणात सहकार क्षेत्र खूप मोठे आहे. या सहकाराला अधिक प्रगतीशील आणि आधुनिक रूप द्यायचे असेल, तर सहकार क्षेत्रातील घटकांना प्रशिक्षणाची मोठी गरज आहे,” असे प्रतिपादन सिंधुदुर्ग जिल्हा मध्यवर्ती सहकारी बँकेचे अध्यक्ष मनिष दळवी यांनी केले. सिंधुदुर्ग सैनिक स्कूल येथे, सिंधुदुर्ग जिल्हा सहकारी पतसंस्था फेडरेशन मर्या. आणि माननीय जिल्हा उपनिबंधक, सहकारी संस्था, सिंधुदुर्ग यांच्या संयुक्त विद्यमाने आयोजित ‘जिल्हास्तरीय पतसंस्था अधिवेशन २०२६’ च्या मार्गदर्शन शिबिरात ते मुख्य मार्गदर्शक म्हणून बोलत होते.

आपल्या मार्गदर्शनात पुढे बोलताना मनिष दळवी म्हणाले की, पतसंस्थांमध्ये ठेवी ठेवणाऱ्या ठेवीदारांचा आणि कर्ज घेणाऱ्या कर्जदारांचा पतसंस्थांकडे बघण्याचा दृष्टिकोन अत्यंत सकारात्मक आणि मोठा आहे. सर्वसामान्य जनतेपर्यंत पोहोचण्याचे पतसंस्था हे एक मोठे माध्यम आहे. आजच्या डिजिटल बँकिंगच्या युगात जर पतसंस्थांची गुणवत्ता टिकवून ठेवायची असेल, तर प्रशिक्षण अत्यंत महत्त्वाचे आहे. आपल्या पतसंस्थेची प्रगती करत असताना तिचा पाया मजबूत असणे गरजेचे आहे, हे सर्वांनी लक्षात ठेवले पाहिजे. पी. एफ. आणि डॉन्ट्स यांनी लावलेले सहकाराचे रोपटे आता मोठे झाले आहे. फेडरेशनचे अध्यक्ष सुनील राऊळ यांनी या रोपट्याची चांगल्या प्रकारे जपणूक करून त्याला मोठे केले आहे, अशा शब्दांत दळवी यांनी राऊळ यांच्या कार्याचा गौरव केला. तसेच फेडरेशनच्या माध्यमातून सर्वांनी मिळून एकत्र येत उत्कृष्ट सेवा देण्याचा प्रयत्न करूया, असे आवाहनही त्यांनी केले.

भविष्यातही अशा अधिवेशनांना जिल्हा बँकेकडून सदैव सहकार्य राहील, असे आश्वासन मनिष दळवी यांनी दिले. तसेच या अधिवेशनाला ‘मोठ्या भावाच्या’ भूमिकेतून जिल्हा बँकेच्या वतीने १ लाख रुपयांची आर्थिक मदत त्यांनी जाहीर केली. यापुढेही जिल्हा बँकेकडून विनामोबदला सहकार्य केले जाईल, असे त्यांनी स्पष्ट केले. दरम्यान, कार्यक्रमाच्या सुरुवातीला प्रास्ताविक पर भाषणात बोलताना सिंधुदुर्ग जिल्हा फेडरेशनचे अध्यक्ष सुनील राऊळ म्हणाले की, अशा प्रकारचे अधिवेशन सिंधुदुर्ग जिल्ह्यात प्रथमच होत आहे. सहकाराच्या माध्यमातून सर्वांची सेवा करणे हे आपले मुख्य कर्तव्य आहे. या शिबिराच्या माध्यमातून पतसंस्थांच्या प्रतिनिधींना योग्य मार्गदर्शन मिळणे आणि वेगवेगळ्या विषयांचे ज्ञान संपादन करणे अत्यंत महत्त्वाचे आहे.

या अधिवेशनाला आणि आंबोली येथे झालेल्या पहिल्या सहकारी पतसंस्थांच्या अधिवेशनाचे उद्घाटन करताना सिंधुदुर्ग जिल्हा बँकेचे अध्यक्ष मनीष दळवी यांच्यासोबत जिल्हा फेडरेशनचे अध्यक्ष सुनील राऊळ, बाबुराव कविटकर, रवींद्र मडगांवकर, समीर वंजारी, जॉय डान्टस, रमेश बोंद्रे आदींसह जिल्ह्यातील सहकारी पतसंस्थांचे पदाधिकारी, संचालक, सचिव आणि कर्मचारी मोठ्या संख्येने उपस्थित होते.

*सावंतवाडीच्या Baby’s World मध्ये धमाकेदार SALE सुरू…*
—————————
*लहान मुलांच्या कपड्यांवर आता मिळवा भारी सूट* 😍
*🛍️ 30% 40% 50% पर्यंत सूट*
📅 ऑफर कालावधी : 15 मे ते 30 मे
*येथे मिळतील 👇*
👗 फ्रॉक व ड्रेस🧥 स्वेटर👕 शर्ट व टी-शर्ट👖 लेगिंग्ज🎒 शाळेच्या बॅग🧥 रेनकोट आणि मुलामुलींसाठी इतर आकर्षक साहित्य ✨
✅ बेस्ट क्वालिटी ✅ स्वस्त दरात उत्तम खरेदी
✅ मुलांना आवडेल अशी फॅशन ✅ पूर्ण विश्वास, पूर्ण समाधान
*📞 आजच संपर्क करा : +91 94054 96776*
🛑/——–/🛑——-/🛑——🛑/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563

📍 सावंतवाडी दि.२३: शहरातील कोलगाव झिरंगवाडी भागात सध्या भटक्या कुत्र्यांचा उपद्रव प्रचंड वाढला असून, यामुळे स्थानिक नागरिक आणि लहान मुलांमध्ये भीतीचे वातावरण पसरले आहे. या पार्श्वभूमीवर शिवसेनेच्या नगरसेविका ॲड. सायली दुभाषी यांनी सावंतवाडी नगरपालिकेचे प्रभारी मुख्याधिकारी विनायक औंधकर यांची भेट घेऊन त्यांना तात्काळ कारवाई करण्यासाठी निवेदन दिले.

⚠️ नागरिकांचा जीव मुठीत!
मुलांना धोका: शाळकरी मुलांच्या सायकलमागे हे श्वान धावून जात असल्याने अपघाताची भीती निर्माण झाली आहे.

मॉर्निंग वॉकला जाणाऱ्यांवर हल्ले: पहाटे फिरण्यासाठी बाहेर पडणाऱ्या नागरिकांच्या अंगावरही कुत्री धावून जात आहेत.

वाहनांचे नुकसान: हे भटके कुत्रे इमारती आणि घराबाहेर पार्क केलेल्या दुचाकी व इतर वाहनांचे नुकसान करत आहेत.
⚖️ सर्वोच्च न्यायालयाच्या आदेशाचा हवाला:
सर्वोच्च न्यायालयाने भटक्या कुत्र्यांच्या बंदोबस्ताबाबत मार्गदर्शक आदेश पारित केले आहेत. त्यानुसार सावंतवाडी नगरपालिकेने या भटक्या कुत्र्यांना पकडून त्यांची रवानगी तात्काळ आश्रयगृहात (Dog Shelter) करावी, अशी मागणी ॲड. सायली दुभाषी यांनी केली आहे.

*सावंतवाडीच्या Baby’s World मध्ये धमाकेदार SALE सुरू…*
—————————
*लहान मुलांच्या कपड्यांवर आता मिळवा भारी सूट* 😍
*🛍️ 30% 40% 50% पर्यंत सूट*
📅 ऑफर कालावधी : 15 मे ते 30 मे
*येथे मिळतील 👇*
👗 फ्रॉक व ड्रेस🧥 स्वेटर👕 शर्ट व टी-शर्ट👖 लेगिंग्ज🎒 शाळेच्या बॅग🧥 रेनकोट आणि मुलामुलींसाठी इतर आकर्षक साहित्य ✨
✅ बेस्ट क्वालिटी ✅ स्वस्त दरात उत्तम खरेदी
✅ मुलांना आवडेल अशी फॅशन ✅ पूर्ण विश्वास, पूर्ण समाधान
*📞 आजच संपर्क करा : +91 94054 96776*
🛑/——–/🛑——-/🛑——🛑/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563