पुणे (प्रतिनिधी)दि.२३:
महाराष्ट्र राज्य प्राथमिक शिक्षक मध्यवर्ती संघटना आणि अखिल महाराष्ट्र प्राथमिक शिक्षक संघाच्या वतीने राज्याचे शिक्षण आयुक्त सचिनेंद्र प्रताप सिंह (IAS) तसेच प्राथमिक शिक्षण संचालक शरद गोसावी यांची सदिच्छा भेट घेऊन शिक्षकांच्या प्रलंबित व न्याय्य मागण्यांबाबत सविस्तर चर्चा करण्यात आली. शिक्षकांच्या पदोन्नतीत सेवाज्येष्ठांवर कोणताही अन्याय होऊ नये, ही या भेटीमागील प्रमुख भूमिका होती. या बैठकीत एकूण ९ प्रमुख मुद्द्यांवर सकारात्मक चर्चा झाली.
संघटनेच्या प्रमुख मागण्या आणि सद्यस्थिती:
🔹 टीईटी परीक्षा मुदतवाढ व पदोन्नती: शिक्षकांच्या सर्व पदोन्नत्या सेवाज्येष्ठतेनुसारच व्हाव्यात आणि न्यायालयीन निर्णयाचा आधार घेऊन टीईटी उत्तीर्ण होण्यासाठी शिक्षकांना दोन वर्षांची मुदतवाढ मिळावी. तसेच पदोन्नतीसाठी निम्न सेवेची गणना करताना टीईटी अर्हतेची तारीख १ सप्टेंबर २०२५ ऐवजी १ सप्टेंबर २०२६ अशी ग्राह्य धरण्यात यावी.
🔹 जाचक अटी रद्द करणे व पदवीधर वेतनश्रेणी: उच्चश्रेणी मुख्याध्यापक आणि केंद्रप्रमुख यांना ‘शिक्षण विस्तार अधिकारी’ पदावर पदोन्नती देताना लागू केलेली निकटतम पदावरील ३ वर्षांची अट रद्द करावी. तसेच नागपूर खंडपीठाच्या आदेशानुसार सर्व विषय शिक्षकांना पदवीधर वेतनश्रेणी लागू करावी, ज्यावर शिक्षण संचालकांनी शासन स्तरावर सविस्तर कळवण्याचे आश्वासन दिले.
🔹 निवड श्रेणी व विद्यार्थ्यांचे प्रश्न: उच्च न्यायालय संभाजीनगरच्या निर्णयानुसार हिंगोली जिल्ह्यातील पात्र शिक्षकांना निवड श्रेणीचा लाभ तात्काळ दिला जावा. तसेच ज्या विद्यार्थ्यांकडे नोंदणीकृत ओळख क्रमांक उपलब्ध नाहीत, अशा विद्यार्थ्यांची शाळांनिहाय माहिती सादर करण्याचे निर्देश शिक्षण आयुक्तांनी दिले आहेत, जेणेकरून स्थानिक प्रशासनाला योग्य त्या सूचना देता येतील.
🔹 विशेष रजा, वाहतूक भत्ता व गुणांची अट: उन्हाळी सुट्टीत जनगणना व ‘एसआयआर’ सर्वेक्षण केलेल्या शिक्षकांना ४५ दिवसांची विशेष अर्जित रजा मिळावी यासाठी शासन स्तरावर सकारात्मक पत्रव्यवहार करण्याचे आश्वासन मिळाले. मात्र, या कामासाठी स्वतंत्र मानधन असल्याने वाहतूक भत्त्याबाबत थेट निर्णय घेता येणार नसल्याचे प्रशासनाने स्पष्ट केले. याशिवाय, सेवाज्येष्ठ शिक्षकांसाठी टीईटी गुणांची अट शिथिल करण्याबाबत इतर राज्यांचा आढावा घेऊन अभ्यासपूर्ण प्रस्ताव शासनास पाठवण्याचे प्रशासनाने मान्य केले.
शिष्टमंडळाची उपस्थिती:
या महत्त्वपूर्ण बैठकीत अखिल महाराष्ट्र प्राथमिक शिक्षक संघाचे राज्य सरचिटणीस कल्याण लवांडे, राज्य उपाध्यक्ष व्ही. डी. देशमुख, हिंगोली जिल्ह्यातील पदाधिकारी गोपाल साहू, अनिल राठोड, राजकुमार गाडे, रामचंद्र हरीमकर, रामदास गोरे व इतर शिक्षक प्रतिनिधी मोठ्या संख्येने उपस्थित होते. शिक्षण संचालक आणि आयुक्त स्तरावर सर्व मागण्यांवर सकारात्मक चर्चा झाली असून, शिक्षकांचे प्रश्न लवकरच मार्गी लागतील, असा विश्वास संघटनेने व्यक्त केला आहे.*******************
*सावंतवाडीच्या Baby’s World मध्ये धमाकेदार SALE सुरू…*
—————————
*लहान मुलांच्या कपड्यांवर आता मिळवा भारी सूट* 😍
*🛍️ 30% 40% 50% पर्यंत सूट*
📅 ऑफर कालावधी : 15 मे ते 30 मे
*येथे मिळतील 👇*
👗 फ्रॉक व ड्रेस🧥 स्वेटर👕 शर्ट व टी-शर्ट👖 लेगिंग्ज🎒 शाळेच्या बॅग🧥 रेनकोट आणि मुलामुलींसाठी इतर आकर्षक साहित्य ✨
✅ बेस्ट क्वालिटी ✅ स्वस्त दरात उत्तम खरेदी
✅ मुलांना आवडेल अशी फॅशन ✅ पूर्ण विश्वास, पूर्ण समाधान
*📞 आजच संपर्क करा : +91 94054 96776*
🛑/——–/🛑——-/🛑——🛑/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563
डिचोली दि.२२: तालुक्यातील चिकणे-कुडणे परिसरात घडलेल्या शैला संजय घाडी (वय ५८) यांच्या निर्घृण हत्येप्रकरणातील फरार संशयिताला अटक करण्यात डिचोली पोलिसांना यश आले आहे. सागर रमेश राऊळ (वय ३४, रा. सावंतवाडी) असे अटक केलेल्या संशयिताचे नाव आहे. मृत महिलेच्या धाकट्या मुलीशी विवाह करण्यास नकार दिल्याचा राग मनात धरून संशयिताने हा खून केल्याची प्राथमिक माहिती पोलिसांनी दिली.
सावंतवाडी दि.२१: जनतेच्या प्रश्नांवर गंभीर चर्चा सुरू असताना, शासकीय बैठकीचे गांभीर्य पायदळी तुडवून बांधकाम विभागाचा एक जबाबदार अधिकारी चक्क आपल्या मोबाईलवर ‘मटक्याचे आकडे’ पाहण्यात मग्न असल्याचा धक्कादायक प्रकार सावंतवाडीत उघडकीस आला आहे. या प्रकाराचा व्हिडिओ सोशल मीडियावर तुफान व्हायरल झाला असून, संबंधित अधिकाऱ्याच्या बेजबाबदार वर्तणुकीबद्दल तीव्र संताप व्यक्त केला जात आहे.
नवी दिल्ली दि.२१: अखिल भारतीय काँग्रेस कमिटीचे (AICC) सरचिटणीस आणि खासदार के. सी. वेणुगोपाल यांनी महाराष्ट्रातील विविध जिल्ह्यांच्या काँग्रेस जिल्हाध्यक्षांची अधिकृत घोषणा केली आहे. पक्षाने जारी केलेल्या यादीत कोकण, पश्चिम महाराष्ट्र आणि विदर्भातील महत्त्वाच्या जिल्ह्यांमध्ये संघटनात्मक फेरबदल करत नवीन आणि अनुभवी नेत्यांना संधी दिली आहे.
📍 सावंतवाडी दि.२०:सावंतवाडीत सर्व धर्मीय नागरिक सण-उत्सव नेहमीच गुण्यागोविंदाने आणि शांततेत साजरे करतात. मात्र, सध्या शहरात सुरू असलेल्या विजेच्या तीव्र लपंडावामुळे नागरिकांमध्ये प्रचंड नाराजी आहे. या वीज समस्येमुळे जर कायदा व सुव्यवस्थेचा प्रश्न निर्माण झाला, तर त्याला थेट वीज वितरण कंपनी (महावितरण) जबाबदार राहील, असा इशारा शांतता समितीच्या सदस्यांनी दिला आहे.