सावंतवाडी दि.०५:जिल्ह्यात गेल्या काही दिवसांपासून थंडावलेली अवैध धंद्यांविरोधातील कारवाई पुन्हा एकदा जोमाने सुरू झाली आहे. स्थानिक गुन्हे अन्वेषण शाखेच्या (एलसीबी) पथकाने सावंतवाडी शहरात धडक कारवाई करत मटक्याचे आकडे घेणाऱ्या एका इसमासह त्याच्या मालकावर गुन्हा दाखल केला आहे. या कारवाईमुळे अवैध धंदेवाल्यांचे धाबे दणाणले असून, एलसीबी पुन्हा सक्रिय झाल्याची चर्चा जिल्ह्यात रंगली आहे.
सावंतवाडी शहरातील जुना बाजार परिसरात नेल्सन लुईस (वय ४९) हा इसम फिरून मटक्याच्या चिठ्ठ्या गोळा करत असल्याची गोपनीय माहिती एलसीबीला मिळाली होती. या माहितीच्या आधारे पथकाने सापळा रचून नेल्सन याला रंगेहात पकडले. त्याच्याकडून मटक्याचे साहित्य आणि ३१ हजार रुपयांची रोख रक्कम जप्त करण्यात आली आहे. याप्रकरणी त्याचा मालक सुनील आडीवरेकर याच्यावरही पोलिसांनी कारवाईचा बडगा उगारला आहे.
या कारवाईत स्थानिक गुन्हे अन्वेषण शाखेचे पीएसआय भोसले, एएसआय राठोड आणि हवालदार राठोड यांच्या पथकाने सहभाग घेतला. दोन्ही संशयितांविरुद्ध सावंतवाडी पोलीस ठाण्यात जुगार प्रतिबंधक कायद्यान्वये गुन्हा दाखल करण्याची प्रक्रिया उशिरापर्यंत सुरू होती.
कारवाईत खंड पडल्याने संशयाचे वातावरण
सिंधुदुर्ग जिल्ह्याचे पालकमंत्री नितेश राणे यांनी जिल्ह्यातील तरुण पिढीला व्यसनाधीनतेपासून वाचवण्यासाठी अवैध धंद्यांविरुद्ध मोहीम उघडली होती. त्यानंतर काही काळ पोलिसांनी जोरदार धाडसत्र राबवले, मात्र मधल्या काळात हे सत्र अचानक शांत झाले होते. शहरात खुलेआम अवैध धंदे सुरू झाल्याने पोलिसांच्या भूमिकेवर प्रश्नचिन्ह उपस्थित केले जात होते. मात्र, कुडाळमधील गांजा आणि मटका कारवाईनंतर आता सावंतवाडीत झालेल्या या कारवाईमुळे ‘खाकी’ पुन्हा मैदानात उतरल्याचे स्पष्ट झाले आहे.
सीमावर्ती भागातून अवैध धंद्यांचे जाळे
सावंतवाडी हे गोवा आणि कर्नाटक सीमेला लागून असल्याने या भागातून मोठ्या प्रमाणावर गांजा, दारू आणि इतर अवैध मालाची तस्करी होत असल्याची चर्चा आहे. एलसीबीच्या या धडक कारवाईमुळे नागरिकांच्या अपेक्षा उंचावल्या असून, जिल्ह्यातून अवैध धंद्यांचे समूळ उच्चाटन करण्यासाठी हे धाडसत्र कायम राहणार का? याकडे सर्वांचे लक्ष लागले आहे.
🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563