सावंतवाडी दि.०५: कणकवलीतील चोरीची घटना ताजी असतानाच चोरट्यांनी आता आपला मोर्चा सावंतवाडी शहराकडे वळवला आहे. शनिवारी मध्यरात्री अज्ञात चोरट्यांनी शहराच्या मध्यवर्ती भागात असलेल्या नगरपरिषद कॉम्प्लेक्स (इंदिरा गांधी व्यापारी संकुल) मधील तब्बल ६ दुकानांचे कुलूप तोडून धाडसी चोरी केली, तर ४ दुकानांमध्ये चोरीचा प्रयत्न केला. या घटनेत एकूण ७ हजार रुपयांची रोकड लंपास करण्यात आली असून, वाढत्या चोऱ्यांमुळे व्यापाऱ्यांमध्ये भीतीचे वातावरण पसरले आहे.
मिळालेल्या माहितीनुसार, रविवारी पहाटे ३ वाजेच्या सुमारास चोरट्यांनी या गजबजलेल्या व्यापारी संकुलाला लक्ष्य केले. पहाटेच्या शांततेचा फायदा घेत चोरट्यांनी एकामागून एक दुकानांची कुलपे तोडली. यामध्ये एका दुकानातून ५ हजार रुपये आणि एका बेकरीतून २ हजार रुपये अशी एकूण ७ हजार रुपयांची रोकड चोरीला गेली आहे.
आज सकाळी जेव्हा व्यापारी संकुलात आले, तेव्हा हा प्रकार उघडकीस आला. दुकानांची कुलपे तुटलेली आणि सामान अस्ताव्यस्त पडलेले पाहून परिसरात खळबळ उडाली. व्यापारी संघटनेचे पदाधिकारी पुंडलिक दळवी यांनी तातडीने या घटनेची माहिती सावंतवाडी पोलीस ठाण्याला दिली.
पोलीस यंत्रणा सतर्क; श्वान पथका पाचारण
घटनेची माहिती मिळताच पोलीस निरीक्षक अमोल चव्हाण, उपनिरीक्षक सरदार पाटील, हवालदार मंगेश शिंगाडे, शिंदे आणि धोत्रे यांनी तातडीने घटनास्थळी धाव घेत पंचनामा केला. चोरीचे गांभीर्य ओळखून पोलिसांनी श्वान पथक आणि फॉरेन्सिक टीमलाही पाचारण केले होते. परिसरातील सीसीटीव्ही फुटेजच्या आधारे पोलिसांनी संशयितांचा माग काढण्यास सुरुवात केली आहे.
व्यापाऱ्यांकडून कडक बंदोबस्ताची मागणी
जिल्ह्यात गेल्या २४ तासांत आधी कणकवली आणि आता सावंतवाडीत झालेल्या सलग चोऱ्यांमुळे पोलिसांच्या सुरक्षा व्यवस्थेवर प्रश्नचिन्ह निर्माण झाले आहे. चोरट्यांनी पोलिसांना दिलेले हे एक प्रकारचे आव्हान मानले जात आहे.
“शहरातील सुरक्षिततेसाठी रात्रीची पोलीस गस्त वाढवावी आणि या चोरट्यांचा तातडीने छडा लावावा,” अशी मागणी स्थानिक व्यापाऱ्यांनी केली आहे.
दरम्यान, “सीसीटीव्ही फुटेजमधून महत्त्वाचे धागेदोरे हाती लागण्याची शक्यता असून लवकरच आरोपींना अटक केली जाईल,” असा विश्वास पोलीस प्रशासनाने व्यक्त केला आहे.
🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563