वेंगुर्ले दि.१७: शिरोडा परिसरात दुर्मिळ आणि आंतरराष्ट्रीय बाजारपेठेत कोट्यवधींचे मूल्य असलेल्या ‘अंबरग्रीस’ची (ब्ल्यू व्हेल माशाची उलटी) बेकायदेशीर विक्री करण्याचा प्रयत्न वनविभागाने उधळून लावला आहे. १६ एप्रिल २०२६ रोजी सायंकाळी करण्यात आलेल्या या मोठ्या कारवाईत सुमारे ९.१२० किलो अंबरग्रीस जप्त करण्यात आले असून, त्याची बाजार किंमत तब्बल ७ कोटी रुपये आहे. याप्रकरणी चार संशयितांना ताब्यात घेण्यात आले असून संपूर्ण जिल्ह्यात एकच खळबळ उडाली आहे.
बनावट ग्राहक बनवून रचला सापळा
शिरोडा परिसरात काही व्यक्ती अंबरग्रीस विक्रीसाठी येणार असल्याची गोपनीय माहिती सावंतवाडी वनक्षेत्रपाल फिरते पथकाचे श्री. सचिन शिडतुरे यांना मिळाली होती. त्यानुसार उपवनसंरक्षक मिलीश शर्मा, विभागीय वनअधिकारी (दक्षता) संजय वाघमोडे आणि सहाय्यक वनसंरक्षक डॉ. सुनील लाड यांच्या मार्गदर्शनाखाली विविध पथके तयार करण्यात आली.
वनविभागाच्या पथकाने स्वतः बनावट ग्राहक बनून संशयितांशी संपर्क साधला आणि सापळा रचला. गुरुवारी सायंकाळी ७ च्या सुमारास व्यवहार निश्चित झाला असतानाच, वनविभागाने छापा टाकून या टोळीला रंगेहाथ पकडले.
चौघांना अटक; ९ किलो मुद्देमाल जप्त
या कारवाईत पोलिसांनी खालील संशयितांना अटक केली आहे: १. रणजित रामचंद्र नायर (वय ४०, रा. परबगाव-शिरोडा) २. गुरुनाथ नाईक (वय ७०, रा. परबगाव-शिरोडा) ३. विभव आडारकर (वय ३५, रा. शिरोडा) ४. निलेश मनोहर पांडजी (वय ३३, रा. रेडी) यांच्या ताब्यातून ९.१२० किलो वजनाचे अंबरग्रीस जप्त करण्यात आले आहे. हे अंबरग्रीस सुमारे ७ कोटी रुपयांना विकण्याचा त्यांचा प्रयत्न होता. ब्ल्यू व्हेल हा प्राणी वन्यजीव संरक्षण कायद्याच्या ‘अनुसूची १’ मध्ये येत असल्याने, त्याच्या शरीरातील पदार्थांची विक्री करणे हा गंभीर गुन्हा आहे.
कारवाईत सहभागी पथक
सदरची धाडसी कारवाई वनक्षेत्रपाल सचिन शिडतुरे, अमित कटके (दोडामार्ग), वनपाल सावळा कांबळे (मठ), महेश पाटील, वनरक्षक ब्रम्हकुमार भोजने, संग्राम पाटील, अनिकेत माने, रवींद्र पाटील, ऋषीका होले आणि चालक नितीन सावंत यांनी यशस्वी केली.
वनाधिकाऱ्यांचे आवाहन: “अंबरग्रीस किंवा कोणत्याही वन्यप्राण्यांचे अवयव, उपपदार्थ यांची तस्करी करणे कायद्याने गुन्हा आहे. असे प्रकार आढळल्यास तात्काळ वनाधिकाऱ्यांशी संपर्क साधावा,” असे आवाहन वनविभागाकडून करण्यात आले आहे.
🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com ———————————–
◾ *अखंड हिंदुस्तान लाईव्ह न्यूज*_____________________
🪐 *वेबसाईट* : hindustanlivenh@gmail.com _____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563