देवगड दि.२२: तालुक्यातील पडवणे समुद्रकिनारी एका २५ वर्षीय अनोळखी युवतीचा मृतदेह मंगळवारी सायंकाळी सव्वासहा वाजण्याच्या सुमारास आढळून आला. या घटनेमुळे संपूर्ण परिसरात खळबळ उडाली असून, देवगड पोलीस स्थानकात याची नोंद करण्यात आली आहे.
घटनेचा तपशील:
पडवणे समुद्रकिनारी एका युवतीचा मृतदेह असल्याची माहिती स्थानिक नागरिक शैलेश लवू चौगुले यांनी गावच्या पोलीस पाटील समृद्धी समीर परकर यांना फोनद्वारे दिली. पोलीस पाटील यांनी तत्काळ ही माहिती देवगड पोलीस स्थानकाला कळवली. माहिती मिळताच देवगडचे पोलीस निरीक्षक शाम बुवा, सहाय्यक पोलीस निरीक्षक सुप्रिया बंगडे आणि हवालदार आशिष कदम यांनी तातडीने घटनास्थळी धाव घेत पंचनामा केला.
मृत युवतीचे वर्णन:
वय: अंदाजे २५ वर्षे.
उंची: सुमारे साडेचार फूट.
पेहराव: अंगात गुलाबी रंगाचा पूर्ण हाताचा टॉप, निळसर रंगाची जीन्स पॅण्ट आणि पायात जांभळ्या-पांढऱ्या रंगाचे बूट.
इतर माहिती: तिचे केस बांधलेल्या अवस्थेत होते.
पोलिसांचे आवाहन: या घटनेची फिर्याद पोलीस पाटील समृद्धी परकर यांनी दिली आहे. संबंधित मृत युवतीबाबत कोणाकडेही काही माहिती असल्यास त्यांनी तत्काळ देवगड पोलीस स्थानकाशी संपर्क साधावा, असे आवाहन पोलीस प्रशासनाकडून करण्यात आले आहे. या प्रकरणाचा अधिक तपास सहाय्यक पोलीस निरीक्षक सुप्रिया बंगडे करत आहेत.
🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563