विद्यार्थ्यांसह शाळेला आणि कला शिक्षिकांना मिळाले प्रतिष्ठेचे पुरस्कार
मुंबई दि.२४: रंगोत्सव सेलिब्रेशनद्वारे आयोजित आंतरराष्ट्रीय कला स्पर्धेत स्टेपिंग स्टोन ग्लोबल स्कूलच्या विद्यार्थ्यांनी आपल्या कलागुणांची चुणूक दाखवत नेत्रदीपक यश संपादन केले आहे. विविध वयोगटांतील विद्यार्थ्यांनी कलरिंग, कोलाज मेकिंग, मास्क मेकिंग, स्केचिंग आणि फिंगर अँड थंब यांसारख्या विविध स्पर्धांमध्ये सहभाग घेत आंतरराष्ट्रीय स्तरावर शाळेचा नावलौकिक केला आहे.
या स्पर्धेत इयत्ता ७ वीची विद्यार्थिनी कु. हिना सारंग हिने कलरिंग स्पर्धेत प्रथम क्रमांक पटकावत मिनी प्रोजेक्टर व चषक मिळविला. त्याचप्रमाणे इयत्ता ६ वीतील कु. अवनी शेर्लेकर हिने कलरिंग स्पर्धेत द्वितीय, इयत्ता ४ थीतील कु. अवधूत चितारी याने कलरिंग स्पर्धेत द्वितीय, तर इयत्ता ३ रीतील कु. विवान सावंत याने मास्क मेकिंग स्पर्धेत द्वितीय क्रमांक पटकावत अनुक्रमे क्रिकेट किट आणि साऊंड बार सारखी आकर्षक बक्षिसे मिळवली. इयत्ता २ रीतील कु. श्रवी पावसकर व कु. सावी कुडतरकर यांनी आपापल्या गटात चौथा क्रमांक मिळवून विशेष नैपुण्य सिद्ध केले.
या स्पर्धेत अनेक विद्यार्थ्यांनी ‘आर्ट मेस्ट्रो अवॉर्ड’, ‘इसेन्ट्रिक परफॉर्मन्स अवॉर्ड’ आणि ‘इलेक्ट्रिक परफॉर्मर अवॉर्ड’ मिळवले. यामध्ये कु. तनिष्क पवार, कु. श्री कोरगावकर, कु. प्रत्यूषा घोगले, कु. भूमी नानोस्कर, कु. वरद राणे, कु. वेद बेळगावकर, कु. सार्थक मालवणकर, कु. नवेली जाधव आणि कु. फेथ फर्नांडिस यांचा समावेश आहे. याव्यतिरिक्त, कु. हर्ष साटेलकर, कु. राबिया जमादार, कु. माज पटेल, कु. पृथ्वीराज गवस, कु. कुशल तांडेल, कु. स्वरा वालावलकर, कु. आधिश गोवेकर, कु. अधृत गोवेकर, कु. कुशल सबनीस, कु. सायली बांदेकर, कु. राधेय मोरजकर, कु. पर्णिका देसाई आणि कु. प्रिन्सी राजपुरोहित यांनी विविध प्रकारच्या स्पर्धांमध्ये आंतरराष्ट्रीय पदके पटकावली आहेत. कु. भुवन दळवी व कु. शौर्य राणे यांना उत्तेजनार्थ पारितोषिके मिळाली आहेत.
विद्यार्थ्यांच्या या यशाचे श्रेय शाळेच्या कला शिक्षिका सौ. सुषमा पालव यांच्या मार्गदर्शनाला जाते. त्यांच्या अथक परिश्रमामुळेच विद्यार्थ्यांना हे यश मिळाले असून, रंगोत्सव सेलिब्रेशनतर्फे सौ. सुषमा पालव यांना ‘मेंटर्स ऑफ एक्सेलेन्स अवॉर्ड’ देऊन गौरविण्यात आले. तसेच, शाळेच्या या सर्वांगीण कामगिरीची दखल घेत संस्थेला ‘ग्लोबल स्कूल अवॉर्ड’ जाहीर करण्यात आला आहे.
विद्यार्थ्यांच्या या यशाबद्दल शाळेचे संस्थापक श्री. रुजुल पाटणकर आणि मुख्याध्यापिका सौ. प्राची साळगावकर यांनी विशेष कौतुक केले असून, सर्व यशस्वी विद्यार्थ्यांचे अभिनंदन करून त्यांच्या उज्ज्वल भविष्यासाठी शुभेच्छा दिल्या आहेत.
🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*🪐 *वेबसाईट* : hindustanlivenh@gmail.com 🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :📱9422054887,8275659563