खड्डे बुजवण्यासह स्ट्रीट लाईटच्या कामाला धडाक्यात सुरुवात!
📍 सावंतवाडी दि.०३: गणेश चतुर्थीपासून सावंतवाडी शहरातील रस्त्यांवर पडलेले खड्डे आणि बंद असलेले स्ट्रीट लाईट यावरून नागरिकांमध्ये प्रचंड संताप व्यक्त होत होता. सोशल मीडियावर नगरपरिषद प्रशासन आणि लोकप्रतिनिधींवर जोरदार टीका होत असताना, अखेर उपनगराध्यक्ष ॲड. अनिल निरवडेकर यांनी या समस्येची गंभीर दखल घेतली आहे.
उपप्रमुखांच्या थेट आदेशानंतर सावंतवाडी शहरात विकास व दुरुस्तीच्या कामांचा धडाका सुरू झाला आहे:
🔹 मुख्य बाजारपेठेत खड्डे बुजवण्यास सुरुवात: मोर डोंगरी परिसरात खड्ड्यांमुळे दुचाकीस्वारांचे अपघात घडले होते. याचे फोटो-व्हिडिओ व्हायरल झाल्यानंतर उपनगराध्यक्षांनी तात्काळ खड्डे बुजवण्याचे निर्देश दिले. त्यानुसार मुख्य बाजारपेठेत काम वेगाने सुरू झाले आहे.
🔹 ‘फुरसे’ दंशाच्या घटनेनंतर तातडीने स्ट्रीट लाईट: सर्वोदय नगर भागात अंधारामुळे घराबाहेर बसलेल्या नागरिकाला विषारी फुरसे प्राण्याने दंश केल्याची गंभीर घटना घडली होती. नागरिकांच्या तक्रारीनंतर सर्वोदय नगर, कंटक पांदण आणि माठेवाडा भागातील अंधारमय रस्त्यांवर नवीन स्ट्रीट लाईट बसवण्याचे काम सुरू करण्यात आले आहे.
प्रशासनाने तातडीने अंमलबजावणी करत कामाला गती दिल्याने सावंतवाडीतील नागरिकांमधून समाधान व्यक्त केले जात आहे.
