सावंतवाडी दि.२०: आगामी विधानसभा निवडणुकीच्या पार्श्वभूमीवर शिवसेना पक्षाने संघटनात्मक बांधणी अधिक मजबूत करण्यासाठी पावले उचलण्यास सुरुवात केली आहे. याचाच एक भाग म्हणून शिवसेना जिल्हा सचिव श्री. परीक्षित मांजरेकर यांची सावंतवाडी-दोडामार्ग-वेंगुर्ला विधानसभा ‘शिवसेना बिएलए (Booth Level Agent) प्रमुख’ म्हणून महत्त्वपूर्ण नियुक्ती करण्यात आली आहे.
ही नियुक्ती शिवसेनेचे मुख्य नेते तथा उपमुख्यमंत्री एकनाथ शिंदे, खासदार डॉ. श्रीकांत शिंदे, शालेय शिक्षणमंत्री दीपक केसरकर, आमदार निलेश राणे आणि जिल्हाप्रमुख संजू परब यांच्या मार्गदर्शनाखाली व आदेशानुसार करण्यात आली आहे.
संघटनात्मक कौशल्याची पावती
परीक्षित मांजरेकर यांनी आजवर जिल्हा सचिव म्हणून काम करताना तळागाळातील कार्यकर्त्यांशी दांडगा संपर्क ठेवला आहे. त्यांच्या याच संघटन कौशल्याची दखल घेत पक्षाने त्यांच्यावर विधानसभा स्तरावरील बूथ यंत्रणा सक्षम करण्याची मोठी धुरा सोपवली आहे. सावंतवाडी, दोडामार्ग आणि वेंगुर्ला या तिन्ही तालुक्यातील बुथ प्रमुखांचे जाळे विणणे आणि निवडणूक प्रक्रियेत बुथ स्तरावर पक्षाची पकड मजबूत करणे, ही त्यांची मुख्य जबाबदारी असणार आहे.
जिल्हाप्रमुख संजू परब यांच्याकडून अभिनंदन
मांजरेकर यांच्या नियुक्तीची घोषणा होताच शिवसेना जिल्हाप्रमुख संजू परब यांनी त्यांचे पुष्पगुच्छ देऊन अभिनंदन केले व पुढील राजकीय वाटचालीस शुभेच्छा दिल्या. यावेळी बोलताना मांजरेकर म्हणाले की, “पक्षाने माझ्यावर जो विश्वास दाखवला आहे, तो सार्थ ठरवत आगामी काळात महायुती आणि शिवसेनेची ताकद प्रत्येक घराघरात पोहोचवण्यासाठी मी कटिबद्ध राहीन.”
या नियुक्तीबद्दल जिल्ह्यातील शिवसेना पदाधिकारी, लोकप्रतिनिधी आणि कार्यकर्त्यांकडून परीक्षित मांजरेकर यांच्यावर अभिनंदनाचा वर्षाव होत आहे.
🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563
सावंतवाडी दि.२०: शहराच्या आध्यात्मिक वैभवात आज एका नवीन अध्यायाची भर पडली आहे. येथील पोलीस स्टेशनच्या समोर नूतन बांधण्यात आलेल्या ‘औदुंबर स्वामी मंदिराचा’ प्राणप्रतिष्ठा सोहळा अत्यंत मंगलमय आणि उत्साही वातावरणात संपन्न झाला. या सोहळ्यामुळे संपूर्ण पोलीस ठाणे परिसर आणि सावंतवाडी शहर भक्तीरसात न्हाऊन निघाले होते.
बेळगाव दि.२०:अंमली पदार्थ विक्री विरोधात बेळगाव पोलिसांनी मोठी कारवाई करत सुमारे २ लाख ६० हजार रुपये किमतीचे हेरॉईन जप्त केले आहे. या प्रकरणी सावंतवाडी येथील एका तरुणासह दोघांना अटक करण्यात आली असून, सीसीबी (शहर गुन्हे शाखा) पोलिसांनी ही कारवाई केली.अखेरीस ज्येष्ठ पत्रकार सीताराम गावडे यांचा संशय तंतोतंत खरा ठरला,गोवा व कर्नाटक राज्यातील अंमली पदार्थांच्या अवैध धंद्याचे सिंधुदुर्ग कनेक्शन वेळोवेळी उघड होत आहे.
सावंतवाडी दि.२०: शहरात गेल्या १७ दिवसांपासून सुरू असलेल्या भव्य लेदर बॉल क्रिकेट स्पर्धेने रविवारी क्रीडाप्रेमींच्या डोळ्यांचे पारणे फेडले. एस.एन.आर.आर. ग्रुप आयोजित आणि सावंतवाडी भाजपा पुरस्कृत या स्पर्धेत स्थानिक ‘ओम स्पोर्ट्स’ संघाने आपल्या अष्टपैलू खेळाच्या जोरावर विजेतेपदावर नाव कोरले. भाजपाचे राज्य युवा नेते विशाल परब यांच्या प्रमुख उपस्थितीत हा बक्षीस वितरण सोहळा जल्लोषात पार पडला.
दोडामार्ग दि.१९: अक्षय तृतीयेच्या सणासुदीच्या दिवशीच दोडामार्ग तालुक्यावर शोककळा पसरली आहे. पणजीहून धाराशिवकडे जाणाऱ्या एसटी बसने सासोली-हेदूस येथे दिलेल्या धडकेत कुडासे-वानोशी येथील दिलीप हळणकर (वय ५८) यांचा जागीच मृत्यू झाला.
सावंतवाडी दि.१९: तालुक्यातील पारपोली गावचे ग्रामदैवत श्री पावणाई रवळनाथ मंदिर परिसराचे रूप आता पालटणार आहे. शालेय शिक्षणमंत्री तथा आमदार दीपक केसरकर यांच्या विशेष प्रयत्नातून या सुशोभीकरणासाठी १० लाख रुपयांचा निधी मंजूर करण्यात आला आहे.
सावंतवाडी दि.१९: तळकोकणच्या लाल मातीतील संघर्षाला जिद्दीची जोड देत, सावंतवाडी येथील महेंद्रा अकॅडेमीची विद्यार्थिनी दया पालव हिने पोलीस होण्याचे आपले स्वप्न साकार केले आहे. दयाची ठाणे ग्रामीण पोलीस दलात निवड झाली असून, तिच्या या यशामुळे एका सामान्य शेतकरी कुटुंबातील मुलीने यशाचे उत्तुंग शिखर गाठल्याची भावना व्यक्त होत आहे. संघर्षातून खाकी वर्दीपर्यंतचा प्रवास दया पालव ही एका सामान्य शेतकरी कुटुंबातील आहे. घरची परिस्थिती बेताची असूनही तिने कधीही परिस्थितीसमोर हार मानली नाही. स्पर्धा परीक्षेचा कठीण मार्ग, शारीरिक मेहनत आणि अभ्यासातील सातत्य यांच्या जोरावर तिने हे यश मिळवले आहे. कष्टाला योग्य मार्गदर्शनाची जोड मिळाल्यास यश नक्की मिळते, हेच दयाने आपल्या कर्तृत्वातून सिद्ध केले आहे. परिसरातून कौतुकाचा वर्षाव दयाच्या या निवडीची बातमी समजताच सावंतवाडी आणि परिसरातून तिच्यावर अभिनंदनाचा वर्षाव होत आहे. महेंद्रा अकॅडेमीच्या शिक्षकांनी, नातेवाईकांनी आणि मित्रपरिवाराने तिचे तोंडभरून कौतुक केले आहे. ग्रामीण भागातील आणि विशेषतः शेतकरी कुटुंबातील मुली अशा प्रकारे मोठ्या पदावर विराजमान होत असल्याने इतर तरुण-तरुणींसाठी ती एक प्रेरणास्थान ठरली आहे. महेंद्रा अकॅडेमीचे यशस्वी पाऊल विद्यार्थ्यांच्या स्वप्नांना दिशा देणाऱ्या महेंद्रा अकॅडेमीसाठी हा सुवर्णक्षण ठरला आहे. संस्थेचे संचालक महेंद्र पेडणेकर यांनी दयाच्या यशाबद्दल आनंद व्यक्त करताना म्हटले की, “दयाचे यश हे तिच्या अथक परिश्रमाचे फळ आहे. तिने घेतलेली ही भरारी पोलीस भरतीची तयारी करणाऱ्या अनेक तरुणांना उंच झेप घेण्याची प्रेरणा देईल. तिच्या पुढील उज्ज्वल वाटचालीस आमच्या खूप शुभेच्छा!” दया पालव हिच्या या यशामुळे कोकणच्या सुपुत्रीने पुन्हा एकदा आपल्या जिद्दीच्या जोरावर ‘खाकी’ मिळवून जिल्ह्याचा नावलौकिक वाढवला आहे.
सावंतवाडी दि.१९: सावंतवाडीत भाजपने काढलेल्या रॅलीवरून राजकीय वातावरण तापले आहे. सिंधुदुर्ग जिल्हा महिला काँग्रेस अध्यक्षा सौ. साक्षी वंजारी यांनी भाजपच्या ‘क्रेडिट पॉलिटिक्स’चा समाचार घेताना सडकून टीका केली आहे.
कुडाळ दि.१८ : अणाव बामणवाडी मधील अजित अणावकर यांच्या घराशेजारी शुक्रवार दिनांक १७ एप्रिल रोजी रात्री साडेदहा वाजता दुर्मिळ खवलेमांजर आढळून आले. अणावकर याची माहिती वनपाल- कसाल यांना दिली. त्यानंतर वन क्षेत्रपाल कडावल यांच्या मार्गदर्शनाखाली वनविभागातील कर्मचारी प्रकाश शिंदे, प्रियांका पाटील, वनरक्षक कसाल ऊत्तम कांबळे, पंकज घाडी, ऊदय परब, प्रशांत जाधव, प्रवीण पवार, बाबुराव कांबळे, सुनिल आंगणे यांनी घटनास्थळी धाव घेत त्या खवले मांजराला जेरबंद केले. त्यांना अणाव बामणवाडीमधील ग्रामस्थ अजित अणावकर, राजन जडये, विपुल हडकर, पार्थ अणावकर यांनी मदत केली. वैद्यकीय तपासणीनंतर खवलेमांजरास परिक्षेत्र अधिकारी कडावल यांच्या मार्गदर्शनाखाली नैसर्गिक अधिवासात सोडून देण्यात आले.