दक्षिण कोकणच्या काशीत आंबा महोत्सव आणि सोमनाथ मंदिराच्या लाईव्ह दर्शनाचा त्रिवेणी संगम
देवगड दि.११: दक्षिण कोकणची काशी म्हणून प्रसिद्ध असलेल्या श्री क्षेत्र कुणकेश्वर येथे सोमवारी भक्ती, श्रद्धा आणि पर्यटनाचा अभूतपूर्व संगम पाहायला मिळाला. हजारो देवगड हापूस आंब्यांची भव्य आरास, स्थानिक शेतकऱ्यांसाठी आयोजित आंबा महोत्सव आणि गुजरातमधील सोमनाथ मंदिराचे थेट प्रक्षेपण यामुळे संपूर्ण कुणकेश्वर नगरी भक्तिमय वातावरणात न्हाऊन निघाली होती.
हापूसची आरास आणि आंबा महोत्सव
२०१७ मध्ये सुरू झालेल्या हापूस आरास उपक्रमाला यंदा १० वर्षे पूर्ण झाली. या निमित्ताने मंदिराच्या गाभाऱ्यात आणि सभामंडपात हजारो हापूस आंब्यांची आकर्षक मांडणी करण्यात आली होती. यंदाच्या आरासचे विशेष आकर्षण म्हणजे जगातील सर्वात महागडा मानला जाणारा जपानचा ‘मियाझाकी’ आंबा!
देवस्थान ट्रस्टचे अध्यक्ष एकनाथ तेली यांच्या संकल्पनेतून यंदा ‘आंबा महोत्सवा’चेही आयोजन करण्यात आले होते. पर्यटकांना अस्सल देवगड हापूस मिळावा आणि शेतकऱ्यांना व्यासपीठ मिळावे यासाठी १० मोफत स्टॉल्स उपलब्ध करून देण्यात आले होते. आंबापोळी, आंबावडी आणि आंबा शेक यांसारख्या पदार्थांना पर्यटकांनी भरभरून प्रतिसाद दिला.
‘मागितला एक पदरी, दिले दोन’: भावूक नवसपूर्ती
डोंबिवली येथील म्हात्रे कुटुंबीयांच्या श्रद्धेचा एक हृदयस्पर्शी प्रसंग यावेळी पाहायला मिळाला. तीन वर्षांपूर्वी म्हात्रे आजींनी नातवाला मुलगा व्हावा म्हणून मुलाच्या वजनाएवढे पेढे अर्पण करण्याचा नवस केला होता. ईश्वराच्या कृपेने त्यांना दोन नातवंडे (नंदेश आणि शिवांग) झाली. आज दोन्ही मुलांचे वजन करून त्या वजनाएवढे पेढे आणि फळे अर्पण करत म्हात्रे कुटुंबीयांनी आपली नवसपूर्ती केली.
सोमनाथ मंदिराचे थेट दर्शन
राज्य शासनाच्या सांस्कृतिक विभागाच्या पुढाकाराने गुजरातमधील श्री सोमनाथ मंदिरातील पूजा आणि दर्शनाचे थेट प्रक्षेपण कुणकेश्वर मंदिर परिसरात एलईडी स्क्रीनवर दाखवण्यात आले. दोन महान ज्योतिर्लिंगांचे एकाच वेळी दर्शन घडल्याने भाविकांनी समाधान व्यक्त केले.
सरपंचांच्या तत्परतेचे कौतुक
कुणकेश्वरमधील एका घरात शॉर्ट सर्किटमुळे लागलेली आग विझवण्यासाठी सरपंच महेश ताम्हणकर यांनी दाखवलेल्या प्रसंगावधानाबद्दल तहसीलदार रमेश पवार यांच्या हस्ते त्यांचा विशेष सत्कार करण्यात आला.
या सोहळ्याला तहसीलदार रमेश पवार, देवस्थानचे पदाधिकारी, ग्रामस्थ आणि मोठ्या संख्येने पर्यटक उपस्थित होते. संपूर्ण परिसर हापूसच्या सुगंधाने आणि ‘हर हर महादेव’च्या जयघोषाने दुमदुमून गेला होता.
🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563
कुडाळ दि.११:“वृक्ष लागवड करून फक्त फोटो काढण्यापुरते मर्यादित न राहता, लावलेले प्रत्येक झाड जगवण्याची जबाबदारी आपण घेतली पाहिजे. निसर्गाचे चक्र बिघडल्याने आज हवामान बदलाचे संकट उभे ठाकले आहे. यावर मात करण्यासाठी शाश्वत विकास आणि पर्यावरण रक्षण यांचा समतोल राखणे ही काळाची गरज आहे,” असे प्रतिपादन माजी शालेय शिक्षण मंत्री आ. दीपक केसरकर यांनी केले.
सावंतवाडी दि.११: विदुषी पद्मश्री माणिक वर्मा यांच्या जन्मशताब्दी वर्षाच्या सांगता निमित्ताने सावंतवाडीत सुरांची खास मेजवानी रंगणार आहे. स्व. श्रीमंत कमलाबाई दत्ताजीराव भोसले तळीकर प्रतिष्ठानच्या वतीने ‘माणिक मोती’ या विशेष संगीत मैफिलीचे आयोजन करण्यात आले आहे.
कुरुक्षेत्र (हरियाणा)दि.११: येथे संपन्न झालेल्या अखिल भारतीय प्राथमिक शिक्षक संघाच्या बैठकीत शिक्षकांसाठी अत्यंत महत्त्वाचे निर्णय घेण्यात आले आहेत.
सावंतवाडी दि.११ -: शहराच्या सीमेवर असणाऱ्या न.प.च्या कचरा डेपोला आज दुपारच्या वेळी आग लागली. यामुळे परिसरात धुराचे लोट वाहू लागले होते. न.प. अधिकारी, कर्मचाऱ्यांनी तात्काळ घटनास्थळी दाखल होत आगीवर नियंत्रण मिळवले.
सावंतवाडी दि.१०: येथील बॅ. नाथ पै सभागृहात, सम्राट क्लब इंटरनॅशनल (राज्य-१) आणि सम्राट क्लब मये यांच्या वतीने २०व्या ‘सम्राट संगीत सितारा’ स्पर्धेच्या प्राथमिक फेरीचे दिमाखात उद्घाटन करण्यात आले.
सिंधुदुर्ग दि.०९: जिल्ह्यात गेल्या तीन दिवसांपासून अवकाळी पावसाने अक्षरशः थैमान घातले आहे. शनिवारी सायंकाळी आचरा परिसराला सोसाट्याच्या वाऱ्यासह आणि गडगडाटासह आलेल्या मुसळधार पावसाने झोडपून काढले. या वादळाचा मोठा तडाखा आचरा गावाला बसला असून अनेक ठिकाणी झाडे उन्मळून पडल्याने घरे, दुकाने आणि वीज यंत्रणेचे लाखो रुपयांचे नुकसान झाले आहे.
सावंतवाडी दि.०९: सम्राट क्लब इंटरनॅशनल – राज्य १ आणि सम्राट क्लब मये यांच्या संयुक्त विद्यमाने आयोजित ‘२० व्या सम्राट संगीत सितारा’ या राज्यस्तरीय गायन स्पर्धेच्या प्राथमिक फेरीचा भव्य उद्घाटन समारंभ उद्या, रविवार १० मे २०२६ रोजी आयोजित करण्यात आला आहे.
सावंतवाडी दि.०९: सिंधुदुर्ग धर्मप्रांताचे केंद्र असलेल्या सावंतवाडी येथील ऐतिहासिक आणि नूतनीकरण केलेल्या ‘मिलाग्रिस कॅथेड्रल’चा (महामंदिर) भव्य उद्घाटन व आशीर्वाद सोहळा शनिवारी अत्यंत भक्तीमय वातावरणात संपन्न झाला. गेल्या पाच वर्षांपासून सुरू असलेले नूतनीकरणाचे काम पूर्णत्वास आल्यानंतर आयोजित या सोहळ्यासाठी ख्रिस्तधर्मीय जगतातील अनेक आर्चबिशप, बिशप आणि हजारो भाविक उपस्थित होते.
