सावंतवाडी दि.०२: गेल्या दीड वर्षांपासून बंद अवस्थेत असलेल्या सावंतवाडी येथील पर्यटन सुविधा केंद्राच्या सुरक्षेचा प्रश्न ऐरणीवर आला आहे. या केंद्रातील महागड्या वस्तू चोरण्याचा प्रयत्न करत असताना सावंतवाडी पोलिसांनी आज पहाटे दोन तरुणांना रंगेहात पकडून त्यांच्याकडून मुद्देमाल जप्त केला. या कारवाईमुळे पोलिसांचे कौतुक होत असले तरी, कोट्यवधींच्या या वास्तूची होत असलेली दुरवस्था पाहून नागरिकांमधून संताप व्यक्त केला जात आहे.
बुधवारी पहाटे ३:३० वाजण्याच्या सुमारास ‘तीन मूशी’ परिसरात पोलीस हवालदार कोरगावकर आणि कर्मचारी सुरेश पाटील गस्तीवर असताना त्यांना एक वाहन संशयास्पदरीत्या जाताना दिसले. पोलिसांनी सदर वाहन थांबवून तपासणी केली असता, त्यात एक महागडा ‘एसी कॉम्प्रेसर’ आढळून आला. या मालाबाबत विचारणा केली असता, वाहनातील उमेश नाईक (३१, रा. माणगाव कालेली) आणि सोहम पिळणकर (१९, रा. सालईवाडा, सावंतवाडी) यांना कोणतीही अधिकृत कागदपत्रे किंवा समाधानकारक उत्तरे देता आली नाहीत. अखेर, हा माल पर्यटन सुविधा केंद्रातून चोरल्याचे निष्पन्न झाल्याने पोलिसांनी दोघांवरही गुन्हा दाखल करून त्यांना ताब्यात घेतले आहे.
एकेकाळी हॉटेल व्यवसायासाठी भाड्याने दिलेली ही वास्तू कराराची मुदत संपल्यापासून दुर्लक्षित आहे. सध्या या केंद्राला मोकाट गुरांच्या अड्ड्याचे स्वरूप आले असून, आता चोरांनीही आपला मोर्चा तिथे वळवल्याने प्रशासनाच्या कार्यक्षमतेवर प्रश्नचिन्ह उपस्थित केले जात आहे. ही शासकीय मालमत्ता वाचवण्यासाठी सावंतवाडी नगरपरिषदेने तातडीने उपाययोजना कराव्यात, अशी मागणी स्थानिक रहिवाशांकडून केली जात आहे. पोलीस हवालदार सुरेश पाटील या प्रकरणाचा अधिक तपास करत आहेत.
🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563
सावंतवाडी दि.०२: शहराच्या स्वच्छतेसाठी आणि प्लास्टिक मुक्तीसाठी सावंतवाडी नगरपालिकेने एक अतिशय कौतुकास्पद आणि अनोखे पाऊल उचलले आहे. शहरात बसवण्यात आलेल्या ‘बॉटल क्रश मशीन’मध्ये प्लास्टिकची रिकामी बॉटल टाकणाऱ्या नागरिकांना आता चक्क एक चॉकलेट गिफ्ट म्हणून मिळणार आहे. शहराला ‘कुठेही प्लास्टिक न फेकणारे शहर’ बनवण्यासाठी पालिकेने ही पर्यावरणपूरक मोहीम हाती घेतली असून, या उपक्रमाचे सर्वत्र कौतुक होत आहे.
सावंतवाडी,दि.०२: येथील भोसले संस्थांनचे युवराज लखमराजे भोसले यांचा वाढदिवस आज सामाजिक, शैक्षणिक आणि राजकीय क्षेत्रातील विविध मान्यवरांच्या उपस्थितीत अत्यंत उत्साहात साजरा करण्यात आला.
रत्नागिरी दि.०२: कागदावर ‘समृद्धी’, पण कोकणच्या नशिबी फक्त ‘मरणयाती’! देश बुलेट ट्रेनच्या गप्पा मारत असताना, मुंबईला आंतरराष्ट्रीय पर्यटन स्थळ गोव्याशी जोडणारा राष्ट्रीय महामार्ग (NH-66) गेल्या १८ वर्षांपासून रखडलाय. मार्च २०२६ ची डेडलाईन हुकली, त्यानंतर दिलेली ३१ मेची मुदतही संपली, पण काम अजूनही अपूर्णच!
📍 आंबोली दि. ०१: घाटात आज निसर्गाचे रौद्र रूप पाहायला मिळाले! अचानक आलेल्या वादळी पावसामुळे घाटात तीन मोठी झाडे उन्मळून पडली, ज्यामुळे पर्यटकांची आणि वाहनधारकांची मोठी तारांबळ उडाली.
मालवण (वायरी)दि.०१: तालुक्यातील वायरी भूतनाथ येथे एक धक्कादायक घटना घडली आहे. गेल्या १० वर्षांपासून येथे भाड्याच्या खोलीत एकटाच राहणाऱ्या रुपेश विष्णू कुरले (वय ३९) या तरुणाने आपल्या राहत्या घरी पंख्याला बेडशीटच्या साहाय्याने गळफास लावून आत्महत्या केली.