सावंतवाडी दि.३१: राज्याचे परिवहन मंत्री प्रताप सरनाईक आज सावंतवाडी दौऱ्यावर आले होते. यावेळी त्यांनी स्थानिक बस स्थानकाची पाहणी करून प्रवाशांच्या सोयीसाठी २० नव्या बसगाड्या सावंतवाडी आगाराला देण्याची महत्त्वपूर्ण घोषणा केली.

केसरकरांकडून जंगी स्वागत
परिवहन मंत्र्यांचे सावंतवाडीत आगमन होताच माजी मंत्री तथा आमदार दीपक केसरकर यांनी त्यांचे उत्साहात स्वागत केले. यावेळी उभय नेत्यांमध्ये परिवहन विभागाच्या स्थानिक प्रश्नांवर चर्चा झाली.

बस स्थानकाची पाहणी
मंत्री सरनाईक यांनी प्रत्यक्ष बस स्थानकावर जाऊन तेथील सोयीसुविधांचा आढावा घेतला. प्रवाशांना उत्तम सेवा मिळावी आणि बस स्थानकाचा दर्जा सुधारावा, यासाठी त्यांनी प्रशासनाला आवश्यक सूचना केल्या. सावंतवाडीसाठी नवीन गाड्या उपलब्ध करून दिल्याने येथील वाहतूक कोंडी सुटण्यास आणि प्रवाशांचा प्रवास सुखकर होण्यास मदत होणार आहे.

यांची होती उपस्थिती
या कार्यक्रमाप्रसंगी अनेक मान्यवर आणि पदाधिकारी उपस्थित होते:

दीपक केसरकर (आमदार),संजू परब (शिवसेना जिल्हाप्रमुख),गणेशप्रसाद गवस (दोडामार्ग तालुकाप्रमुख),दिनेश गावडे (सावंतवाडी तालुकाप्रमुख),बबन राणे, बाबू कुडतरकर, अशोक दळवी,सुस्मिता जाधव (सभापती) यावेळी मोठ्या संख्येने शिवसैनिक आणि पदाधिकारी उपस्थित होते. नव्या गाड्यांच्या घोषणेमुळे सावंतवाडीकरांमध्ये आनंदाचे वातावरण आहे.

🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563

पुन्हा दीपक केसरकरांवर टीका नको, अन्यथा पळता भुई थोडी करेन! शिवसेनेचे जिल्हाप्रमुख संजू परब यांचा रुपेश राऊळांना थेट इशारा

सावंतवाडी दि.३१ :आडाळी मायनिंग प्रकरणात आमदार दीपक केसरकर यांच्यावर करण्यात आलेले आरोप फेटाळून लावत, शिवसेनेचे जिल्हाप्रमुख संजू परब यांनी शिवसेनेचे (उद्धव ठाकरे गट) रुपेश राऊळ यांच्यावर अत्यंत तिखट शब्दांत हल्लाबोल केला आहे. “पुन्हा केसरकरांच्या विरोधात पत्रकार परिषद घेतल्यास पळता भुई थोडी करेन,” असा थेट आणि जाहीर इशाराच परब यांनी आज सावंतवाडीत आयोजित पत्रकार परिषदेत दिला.

📌 बातमीतील महत्त्वाचे मुद्दे:
केसरकरांचा मायनिंगशी संबंध नाही: आडाळी येथील मायनिंग उत्खननात आमदार दीपक केसरकर यांची कोणतीही संशयास्पद भूमिका किंवा संबंध नाही. त्यांना नाहक बदनाम करण्याचा प्रयत्न केला जात आहे.

राऊळांची टीका म्हणजे ‘हास्यजत्रा’: रुपेश राऊळ यांनी केलेली टीका म्हणजे ‘हास्यजत्रे’तील विनोदी कलाकारासारखी आहे, असा टोला परब यांनी लगावला.

‘२५ वर्षांत काय केले, धंदा काय?’ परबांचा सवाल: रुपेश राऊळ यांनी गेली २५ वर्षे राजकारणात राहून स्वतः काय केले? त्यांचा नेमका व्यवसाय काय? हे त्यांनी जनतेसमोर जाहीर करावे.

…तर ऐकून घेणार नाही: “हा इशारा समजा किंवा धमकी, पण यापुढे आमच्या नेत्यांवर झालेली चिखलफेक अजिबात खपवून घेतली जाणार नाही,” असे संजू परब यांनी स्पष्ट केले.

⚠️ पार्श्वभूमी: काल सावंतवाडीत झालेल्या पत्रकार परिषदेत रुपेश राऊळ यांनी आडाळी मायनिंग प्रकरणात आमदार दीपक केसरकर यांचा हात असल्याचा आरोप केला होता. त्याला चोख प्रत्युत्तर देण्यासाठी आज संजू परब यांनी आमदार केसरकर यांच्या निवासस्थानी ही धडाकेबाज पत्रकार परिषद घेतली.

🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563

निलेश राणे आक्रमक;पोलिस खात्यातील भ्रष्टाचाराविरोधात लवकरच ‘स्टिंग ऑपरेशन’ करणार

​सिंधुदुर्गनगरी,दि.३०: सिंधुदुर्ग जिल्ह्यात गुन्हेगारांना पोलिसांचेच अभय मिळत असून, कायदा व सुव्यवस्था पूर्णपणे कोलमडली आहे,असा आरोप करत शिवसेना आमदार निलेश राणे यांनी शनिवारी जिल्हा पोलिस अधीक्षक डॉ. मोहन दहिकर यांच्यावर जोरदार हल्लाबोल केला. श्री दहिकर यांच्या कार्यकाळात जिल्ह्याचे प्रचंड नुकसान होत असल्याचे सांगत, त्यांची तातडीने हकालपट्टी करण्याची थेट मागणी मुख्यमंत्री, उपमुख्यमंत्री आणि पालकमंत्र्यांकडे करणार असल्याचे आमदार राणे यांनी जाहीर केले.
​सिंधुदुर्ग नगरी येथील आद्यपत्रकार बाळशास्त्री जांभेकर पत्रकार भवनात आयोजित पत्रकार परिषदेत ते बोलत होते. याप्रसंगी शिवसेनेचे जिल्हाप्रमुख दत्ता सामंत, जिल्हा परिषद उपाध्यक्ष तुकाराम साईल, वित्त व बांधकाम सभापती संतोष साटविलकर, उपजिल्हाप्रमुख राजा गावडे, युवक जिल्हाप्रमुख संग्राम साळसकर, जिल्हा परिषद सदस्य केशव नारकर आणि जिल्हा बँक संचालक संदीप परब आदी पदाधिकारी उपस्थित होते.
​पत्रकार परिषदेत पुढे बोलताना आमदार निलेश राणे म्हणाले की, डॉ. मोहन दहिकर यांनी २२ मे २०२५ रोजी सिंधुदुर्ग जिल्ह्याचा कार्यभार स्वीकारला, मात्र त्यानंतर जिल्ह्यातील गुन्हेगारी नियंत्रणात आणण्यात पोलिस प्रशासनाला पूर्णपणे अपयश आले आहे. सध्या जिल्ह्यात मोठ्या प्रमाणावर गंभीर गुन्हे दाखल असून त्यातील अनेक प्रकरणांमध्ये दोषसिद्धीचे प्रमाण अत्यंत कमी आहे, ही अत्यंत चिंताजनक बाब आहे.
​गोवा बनावटीची अवैध दारू तस्करी हा सिंधुदुर्ग जिल्ह्याला लागलेला मोठा शाप असल्याचे सांगत राणे यांनी पोलिस अधीक्षकांच्या कार्यक्षमतेवर थेट बोट ठेवले. गोव्यातून सिंधुदुर्गात मोठ्या प्रमाणावर दारू आणली जाते, मात्र या वाहतुकीवर पोलिसांकडून कोणतीही प्रभावी कारवाई होत नाही. आश्चर्यकारक बाब म्हणजे, जी अवैध दारू पकडली जाते ती बहुतांश वेळा रत्नागिरी जिल्ह्यातील राजापूर परिसरात पकडली जाते. सिंधुदुर्ग जिल्ह्याच्या हद्दीत पोलिस अधीक्षकांच्या कार्यकाळात एकदाही मोठी कारवाई झालेली दिसत नाही. काही विशिष्ट वाहनांद्वारे गोव्यातून ही दारू वाहतूक राजरोसपणे सुरू असल्याचा दावाही त्यांनी केला.
​अमली पदार्थांच्या वाढत्या विळख्यावर बोलताना राणे यांनी पोलिसांच्या तपासावर प्रश्नचिन्ह उपस्थित केले. केवळ लहान-मोठ्या आरोपींना पकडून पोलिस आपली पाठ थोपटून घेत आहेत, मात्र ड्रग्ज आणि गांजा पुरवठ्याचे मुख्य सूत्रधार कोण आहेत, तिथपर्यंत पोलिस पोहोचतच नाहीत. यामुळे आरोपी दुसऱ्याच दिवशी जामिनावर सुटून बाहेर येतात. अमली पदार्थांची मुख्य पुरवठा साखळी उद्ध्वस्त करण्यासाठी आवश्यक असलेला सखोल तपास कुठेही होताना दिसत नाही.​यावेळी त्यांनी दोडामार्ग तालुक्याबाबत एक अत्यंत गंभीर आरोप केला. दोडामार्ग तालुक्यात रबर शेतीच्या नावाखाली गांजाची बेकायदेशीर लागवड होत असल्याचा संशय त्यांनी व्यक्त केला. या भागात सुमारे १८०० हेक्टर क्षेत्र रबर लागवडीखाली असून, तेथे स्थानिक नागरिकांनाही सहज प्रवेश दिला जात नाही. त्यामुळे पोलिसांनी या संपूर्ण संशयास्पद भागात विशेष शोध मोहीम राबवावी, अशी मागणी त्यांनी केली.
​गो-तस्करीच्या मुद्द्यावर बोलताना राणे म्हणाले की, जिल्ह्यात बेकायदा गोमांस विक्री आणि गो-तस्करी राजरोसपणे सुरू असून याची माहिती सर्वांनाच आहे, मात्र तरीही पोलिस यावर ठोस कारवाई करत नाहीत. याशिवाय, रात्रीच्या वेळी बेकायदेशीरपणे वाजणाऱ्या ध्वनिक्षेपकांबाबत नागरिकांनी वारंवार तक्रारी करूनही पोलिसांकडून त्याकडे पूर्णपणे दुर्लक्ष केले जात असल्याचा आरोप त्यांनी केला.
​पत्रकार परिषदेच्या शेवटी आमदार निलेश राणे यांनी स्थानिक गुन्हे अन्वेषण शाखेतील (एलसीबी) काही अधिकाऱ्यांवर थेट आणि खळबळजनक आरोप केले. जिल्ह्यातील अवैध धंद्यांकडून कथित हप्ते गोळा करण्याचे काम काही पोलिस अधिकारी करत असल्याचा दावा त्यांनी केला. पोलिस प्रशासनातील हा कथित भ्रष्टाचार आणि गुन्हेगारांना मिळणारे अभय यामुळे जिल्ह्याची शांतता धोक्यात आली असून, यासाठी थेट जिल्हा पोलिस अधीक्षक जबाबदार असल्याचा पुनरुच्चार राणे यांनी केला. या सर्व गंभीर बाबी मुख्यमंत्र्यांच्या निदर्शनास आणून दहिकर यांच्या बदलीची मागणी लावून धरली जाईल, असा इशारा त्यांनी दिला.

########################₹#₹₹###

*सावंतवाडीच्या Baby’s World मध्ये धमाकेदार SALE सुरू…*
—————————
*लहान मुलांच्या कपड्यांवर आता मिळवा भारी सूट* 😍
*🛍️ 30% 40% 50% पर्यंत सूट*
📅 ऑफर कालावधी : 15 मे ते 30 मे
*येथे मिळतील 👇*
👗 फ्रॉक व ड्रेस🧥 स्वेटर👕 शर्ट व टी-शर्ट👖 लेगिंग्ज🎒 शाळेच्या बॅग🧥 रेनकोट आणि मुलामुलींसाठी इतर आकर्षक साहित्य ✨
✅ बेस्ट क्वालिटी ✅ स्वस्त दरात उत्तम खरेदी
✅ मुलांना आवडेल अशी फॅशन ✅ पूर्ण विश्वास, पूर्ण समाधान
*📞 आजच संपर्क करा : +91 94054 96776*
🛑/——–/🛑——-/🛑——🛑/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563