पुणे/मुंबई दि.१६:केंद्रीय माध्यमिक शिक्षण मंडळाने (CBSE) आज इयत्ता दहावीचा निकाल जाहीर केला असून, यंदाही मुलींनी बाजी मारली आहे. राष्ट्रीय स्तरावर उत्तीर्णतेचे प्रमाण ९३.७% इतके नोंदवण्यात आले आहे. यामध्ये पुणे विभागाने आपले वर्चस्व सिद्ध केले असून, शहरातील अनेक नामांकित शाळांनी १००% निकालाची परंपरा कायम राखली आहे.
📊 निकालाची ठळक वैशिष्ट्ये (राष्ट्रीय स्तर)
यंदाच्या निकालात मुलींनी मुलांपेक्षा सरस कामगिरी करत आपली आघाडी कायम ठेवली आहे.
प्रवर्ग उत्तीर्णता प्रमाण (%)
मुली९५.०% मुले ९२.७% ट्रान्सजेंडर विद्यार्थी ८७.५% एकूण राष्ट्रीय सरासरी ९३.७%
🏆 पुण्याचा दबदबा: शाळांनिहाय कामगिरी
पुण्यातील विविध शाळांमध्ये गुणांचा पाऊस पडला असून, अनेक विद्यार्थ्यांनी ९८% पेक्षा जास्त गुण मिळवून यशाचे शिखर गाठले आहे. प्रमुख शाळांची आकडेवारी खालीलप्रमाणे: एल्प्रो इंटरनॅशनल स्कूल: येथील मुर्तझा रावत याने ९९.८% गुण मिळवून घवघवीत यश संपादन केले. शाळेतील ५६.४% विद्यार्थ्यांना ९०% पेक्षा जास्त गुण मिळाले आहेत.
SNBP इंटरनॅशनल स्कूल, रहाटणी: शाळेचा निकाल १००% लागला असून अर्जुन महामुलकर (९८.८%) अव्वल ठरला.
ऑर्बिस स्कूल्स: दोन्ही कॅम्पसमध्ये १००% निकाल. शिवांश सिंग (९८.६%) आणि जैविक मोटा (९८.२%) यांनी बाजी मारली.
अक्षरा इंटरनॅशनल स्कूल: ७५% पेक्षा जास्त विद्यार्थ्यांनी ९०% पेक्षा अधिक गुण मिळवले. रिद्धिमा भगवती (९८%) हिने विज्ञान, सामाजिक शास्त्र आणि हिंदीत १०० पैकी १०० गुण पटकावले.
ज्ञान प्रबोधिनी प्रशाला: १००% निकाल आणि विद्यार्थ्यांची सरासरी टक्केवारी ९०.५% इतकी उच्च राहिली. अथर्व भिभडे (९८%) शाळेत प्रथम आला.
रायन इंटरनॅशनल ॲकॅडमी, बावधन: १००% निकाल; रितिका रेओसेकर (९६.८%) हिने प्रथम क्रमांक पटकावला.
इतर शाळा: हेलिओस इंटरनॅशनल स्कूल (वडगाव बुद्रुक), संस्कृती ग्रुप ऑफ स्कूल आणि कल्याणी शाळा यांनीही १००% निकालाची नोंद केली आहे. आर्यन गोदानी, रोमिल कुलकर्णी आणि रुपशा भट्टाचार्य यांनीही उल्लेखनीय गुण मिळवले.
“पुण्यातील शाळांनी सातत्यपूर्ण शैक्षणिक गुणवत्ता राखून आपला दबदबा कायम ठेवला आहे. विद्यार्थ्यांनी मिळवलेले हे यश त्यांच्या कष्टाचे आणि शिक्षकांच्या मार्गदर्शनाचे फळ आहे.” या निकालामुळे पालकांमध्ये आनंदाचे वातावरण असून, पुढील शैक्षणिक वाटचालीसाठी विद्यार्थ्यांचे सर्व स्तरांतून कौतुक होत आहे.
🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com ———————————–◾ *अखंड हिंदुस्तान लाईव्ह न्यूज*_____________________🪐 *वेबसाईट* : hindustanlivenh@gmail.com _____________________🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563
सावंतवाडी/बांदा दि.१६: सटमटवाडी परिसरात मृत माकड सापडल्यानंतर आरोग्य यंत्रणा खडबडून जागी झाली आहे. माकडतापाचा (KFD) संभाव्य धोका ओळखून पुणे येथील विशेष वैद्यकीय पथकाने आज बांद्यात धाव घेतली.
सावंतवाडी दि.१६: येथील यशवंतराव भोसले इंटरनॅशनल स्कूलने आपल्या यशाची परंपरा कायम राखत सीबीएसई १० वी परीक्षेत पुन्हा एकदा गगनभरारी घेतली आहे. शाळेचा निकाल सलग पाचव्या वर्षी १००% लागला असून विद्यार्थ्यांनी विषयागणिक गुणांचा पाऊस पाडला आहे.🌟 यशाचे मानकरी (१००/१०० गुण):
सावंतवाडी दि. १५: ओटवणे गावाला गौरवशाली ऐतिहासिक परंपरा लाभली आहे. माझ्या कुटुंबाचे या गावाशी पिढ्यानपिढ्यांचे जिव्हाळ्याचे नाते आहे. त्यामुळे ओटवणेसह करमळगाळूवाडीच्या सर्वांगीण विकासासाठी जिल्हा परिषद आणि जिल्हा बँकेच्या विविध योजनांमधून सर्वतोपरी निधी व सहकार्य उपलब्ध करून दिले जाईल, अशी ग्वाही जिल्हा परिषद सदस्य विक्रांत सावंत यांनी दिली.
सावंतवाडी,दि.१५ : ओटवणे गावाला गौरवशाली ऐतिहासिक परंपरा आहे. या गावाशी आपले वडील विकास भाईंसह आजोबा भाईसाहेब सावंतांपासून जवळचे नाते आहे. त्यामुळे या गावासह करमळगाळूवाडीच्या विकासासाठी जिल्हा परिषद आणि जिल्हा बँकेच्या विविध योजनांच्या माध्यमातून सर्वतोपरी सहकार्य केले जाईल अशी ग्वाही जिल्हा परिषद सदस्य विक्रांत सावंत यांनी दिली. ओटवणे करमळगाळूवाडीतील लिंग देवस्थान येथे आयोजित कार्यक्रमात विक्रांत सावंत बोलत होते. यावेळी व्यासपिठावर सावंतवाडी पंचायत समितीचे माजी सभापती अशोक दळवी, पंचायत समिती सदस्या उत्त्कर्षा गावकर, ओटवणे सरपंच आत्माराम गावकर, उपसरपंच संतोष कासकर, माजी सरपंच रवींद्र म्हापसेकर, गावप्रमुख रवींद्र गावकर, तंटामुक्त समिती अध्यक्ष सगुण गावकर, गावठणवाडी मंडळाचे अध्यक्ष उमेश गावकर, माजगाव माजी उपसरपंच संजय कानसे, ग्रामपंचायत सदस्य महेश चव्हाण, प्रशांत बुराण, मनाली गावकर, लावण्या तावडे, कलेश्वर दशावतार मंडळाचे सिद्धेश कलिंगण, पुरोहित विश्वनाथ केळकर, निवृत्त वनपाल गोविंद देवधर, विठ्ठल गावकर, सोसायटी उपाध्यक्ष स्वप्निल उपरकर, निवृत्त शिक्षक मनोहर मयेकर, पोलीस पाटील शेखर गावकर, वायरमन समीर सावंत, दशरथ शृंगारे, सुनिल मेस्त्री, विश्वनाथ बोर्ये, उमेश म्हापसेकर, शशी गोसावी, संतोष तावडे, नरेंद्र कविटकर, शांताराम श्रृंगारे आदी मान्यवर उपस्थित होते. यावेळी अशोक दळवी यांनी या कार्यक्रमाच्या माध्यमातून करमळगाळूवाडीतील आबालवृद्ध प्रथमच एकत्र आल्याबद्दल कौतुक करीत या वाडीच्या पुढील वाटचालीस शुभेच्छा दिल्या. उत्कर्षा गावकर यांनी करमळगाळूवाडीतील ग्रामस्थांच्या एकजुटीचे कौतुक करीत या प्रलंबित विकास कामे मार्गी लागण्यासाठी पंचायत समितीच्या माध्यमातून सर्वतोपरी सहकार्य करण्याचे आश्वासन दिले. आत्माराम गावकर यांनी ग्रामपंचायतीच्या या वाडीच्या विकासासाठी आपण कटिबद्ध असुन ही एकजूट अशीच कायम ठेवण्याचे आवाहन करमळगाळूवाडीतील ग्रामस्थांना केले. या कार्यक्रमात विक्रांत सावंत, अशोक दळवी, उत्त्कर्षा गावकर, आत्माराम गावकर, संतोष कासकर, रवींद्र गावकर, सगुण गावकर, रवींद्र म्हापसेकर, उमेश गावकर, संजय कानसे, महेश चव्हाण, प्रशांत बुराण, मनाली गावकर, लावण्या तावडे, विठ्ठल गावकर, सिद्धेश कलिंगण, विश्वनाथ केळकर, गोविंद देवधर, स्वप्निल उपरकर, मनोहर मयेकर, शेखर गावकर, समीर सावंत, सुनिल मेस्त्री, विश्वनाथ बोर्ये, उमेश म्हापसेकर आदी व्यासपीठावरील मान्यवरांचा यांचा शाल व श्रीफळ देऊन सन्मान करण्यात आला. यावेळी करमळगाळू वाडीतील अर्जुन तावडे, कांता नाईक, गोरखनाथ भुते, राजन रासम, गजा रासम, विजय तावडे, प्रदीप राणे, लवू तावडे, राजा तावडे, संतोष राऊळ, गिरधर नाईक, सुदेश तावडे, प्रवीण म्हापसेकर, अभिजीत तावडे, ऋषी तावडे, नामदेव राऊळ, मंगेश गावकर, सदाशिव गावकर, सखाराम गावकर, अनंत तावडे, भगवान तावडे,शरद नाईक आदी ग्रामस्थ उपस्थित होते. कार्यक्रमाचे प्रास्ताविक आणि सूत्रसंचालन मंडळाचे अश्विनी तावडे यांनी तर आभार अक्षय तावडे यांनी मानले.
अकोला, दि-१५: अकोल्यात उष्माघातामुळे मृत्यू झाल्याचे समोर आले आहे. शहरातील मालवाहू ऑटोमध्ये एका अनोळखी व्यक्तीचा मृतदेह आढळला आहे.
कुडाळ,दि.१५: नगरपंचायतीच्या सांगिर्डेवाडी येथील कचरा डेपोला आज दुपारी ३ वाजताच्या सुमारास अचानक भीषण आग लागली. भर दुपारच्या वेळेस लागलेली आग वाऱ्याने भडकली. आगीने रौद्र रूप धारण करीत संपूर्ण कचरा डेपोला वेढा दिला. आगीची माहीती मिळताच नगरपंचायत प्रशासनाने तातडीने घटनास्थळी धाव घेतली. नगरपंचायत व एमआयडीसीचे अग्नीशमन बंब घटनास्थळी पाचारण करण्यात आले असून, आग विजवण्याचे शर्थीचे प्रयत्न सुरू आहेत. नगराध्यक्ष प्राजक्ता बांदेकर-शिरवलकर, नगरसेवक निलेश परब, नगरसेविका संध्या तेरसे, श्रेया गवंडे यांच्यासह लोकप्रतिनिधी व नागरिकांनी घटनास्थळी धाव घेतली.
सावंतवाडी दि.१५: नागपूर ते गोवा या ‘शक्तीपीठ महामार्गा’च्या सध्याच्या आराखड्यावरून कोकणात राजकीय आणि सामाजिक पडसाद उमटू लागले आहेत. “सध्याचा आराखडा हा कोकणावर, विशेषतः सिंधुदुर्ग जिल्ह्यावर अन्याय करणारा असून, यामध्ये तातडीने सुधारणा करावी,” अशी मागणी माजी मंत्री तथा आमदार दीपक केसरकर यांनी केली आहे. याबाबत त्यांनी मुख्यमंत्री आणि उपमुख्यमंत्र्यांना लेखी निवेदन सादर करून पर्यायी मार्गाचा प्रस्ताव मांडला आहे.