सावंतवाडी दि.१०: आपल्याच विश्वासातील माणसाने घात केल्याचा प्रकार सावंतवाडीत उघडकीस आला आहे. सावंतवाडीतील एका नामांकित वकिलाकडे चालक म्हणून काम करणाऱ्या परप्रांतीय तरुणाने कार्यालयातील ३ लाख रुपयांची रोकड चोरून पोबारा केला. याप्रकरणी संबंधित वकिलाने सावंतवाडी पोलीस ठाण्यात धाव घेतली असून, गुन्हा दाखल करण्याची प्रक्रिया रात्री उशिरापर्यंत सुरू होती.
नेमकी घटना काय?
मिळालेल्या माहितीनुसार, संबंधित परप्रांतीय तरुण गेल्या काही महिन्यांपासून या वकिलाकडे चालक म्हणून नोकरीला होता. या काळात त्याने वकिलाचा पूर्ण विश्वास संपादन केला होता. मात्र, याच विश्वासाचा फायदा घेत त्याने कार्यालयातील तब्बल ३ लाख रुपये चोरले आणि तिथून पलायन केले.
फोन बंद अन् चालक गायब
काही वेळाने कार्यालयातील रक्कम चोरीला गेल्याचे वकिलाच्या लक्षात आले. त्यांनी तातडीने चालकाशी संपर्क साधण्याचा प्रयत्न केला, मात्र त्याचा फोन बंद येत होता. तो परिसरात कुठेही मिळून न आल्याने आपली फसवणूक झाल्याचे वकिलांच्या लक्षात आले. अखेर त्यांनी पोलीस ठाणे गाठून तक्रार दिली.
पोलिसांची भूमिका:
“संबंधित वकिलाच्या तक्रारीनुसार, परप्रांतीय चालकाने विश्वासाचा फायदा घेऊन चोरी केली आहे. याप्रकरणी चोरीचा गुन्हा दाखल करण्याचे काम सुरू असून, चालकाचा शोध घेण्यासाठी पोलिसांचे पथक रवाना करण्यात येईल,” अशी माहिती सावंतवाडी पोलीस ठाण्यातून देण्यात आली.
सावधान: आपल्या घरी किंवा कार्यालयात कामगार ठेवताना त्यांची पूर्ण माहिती, आधार कार्ड आणि पोलीस पडताळणी (Police Verification) करणे अत्यंत आवश्यक आहे, असे आवाहन या निमित्ताने पोलिसांकडून करण्यात येत आहे.
🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563
मालवण दि.१०: समुद्रात मासेमारीसाठी गेलेल्या नौकेतील रुपेश गोपाळ जुवाटकर (रा. गाबीत केळी, ता. अंकोला, कारवार) हा खलाशी नौकेतून समुद्रात पडून बेपत्ता झाल्याची घटना मंगळवारी सकाळी मालवण समुद्रात घडली. याबाबत नौका मालक ऑलविन फर्नांडिस यांनी मालवण पोलीस स्थानकात खबर दिली आहे. ऑलविन फर्नांडिस यांच्या मालकीच्या मदर मेरी या बल्याव नौकेतून चार जण रविवारी मालवणच्या समुद्रात मासेमारीसाठी गेले होते. मासेमारी करून मंगळवारी सकाळी ही नौका मालवण बंदराकडे परतत असताना सकाळी सात वाजण्याच्या सुमारास नौकेतील खलाशी रुपेश जुवाटकर हा नौकेत उभा राहून ब्रश ने दात घासत होता. त्यावेळी त्याचा तोल जाऊन तो समुद्राच्या पाण्यात पडला. इतर खलाशांनी शोधाशोध करूनही तो समुद्रात दिसून आला नाही. याबाबत मालवण पोलीस ठाण्यात माहिती देण्यात आली असून अधिक तपास व शोध सुरु आहे.
📍 सावंतवाडी दि.१०: शहरात ‘बेटी बचाओ’चा नारा! 🚴♀️📢
*विद्यार्थ्यांना शिवकालीन इतिहासाचा प्रत्यक्ष अनुभव*
🌸 🌸 सावंतवाडी दि.०९: जागतिक महिला दिनाचे औचित्य साधून सावंतवाडी नगरपालिकेतर्फे विविध क्षेत्रांत उल्लेखनीय कामगिरी करणाऱ्या कर्तृत्ववान महिलांचा गौरव करण्यात आला. अतिशय उत्साही वातावरणात हा सत्कार सोहळा संपन्न झाला! 💐
सावंतवाडी दि.०९ : स्व. श्रीमंत कमलाबाई दत्ताजीराव भोसले तळीकर प्रतिष्ठान व सावंतवाडी नगरपरिषदेच्या ‘माझी वसुंधरा अभियान’ यांच्या संयुक्त विद्यमाने स्व. प्रा. मिलिंद द. भोसले स्मृतीप्रीत्यर्थ ”आपण व्यक्त होऊया!” समितीकडून तालुकास्तरीय रंगभरण व चित्रकला स्पर्धेचे आयोजन करण्यात आले आहे. इयत्ता पहिली ते दुसरीसाठी रंगभरण तर इ. तिसरी व चौथीसाठी चित्रकला स्पर्धेच आयोजन करण्यात आले आहे. रविवार १५ मार्च २०२६ रोजी दु. ३.३ ० वाजल्यापासून जनरल जगन्नाथराव भोसले शिव उद्यान‌‌‌मध्ये स्पर्धकांच्या नावनोंदणीला सुरुवात होणार असून जास्तीत जास्त स्पर्धकांनी या सहभागी व्हावे असे आवाहन आयोजकांनी केले आहे. दोन गटात ही स्पर्धा होणार असून प्रथम गट १ ली ते २ री यांच्यासाठी रंगभरण स्पर्धा तसेच द्वितीय गटात ३ री व ४ थी साठी चित्रकला स्पर्धेचे आयोजन करण्यात आले आहे. चित्रकला स्पर्धेसाठी माझ कुटुंब, माझी शाळा, माझ सुंदर गाव / माझं सुंदर शहर हे विषय ठेवण्यात आले आहेत. दोन्ही गटातील प्रथम, द्वितीय, तृतीय क्रमांक, उत्तेजनार्थ २ क्रमांकांना आकर्षक बक्षिसे तसेच सहभागी स्पर्धकांना सहभाग प्रमाणपत्र देण्यात येणार आहेत. दरम्यान, स्पर्धेस्थळी दु. ३. ३० वा. उपस्थित राहून नावनोंदणी आवश्यक आहे. प्रवेश विनामूल्य असणार आहे. चित्रकाढण्यासाठी २ तासांचा अवधी दिला जाणार आहे. दिलेल्या विषयांपैकी कोणत्याही एका विषयावर चित्र काढणे बंधनकारक राहणार आहे. रंगभरण व चित्र काढण्यासाठी कागद आयोजकांकडून दिला जाणार आहे. तर पेन्सिल, पॅड, रबर, कलर आदी साहित्य स्पर्धकांनी स्वतः आणायचे आहे. परीक्षकांचा निर्णय अंतिम राहणार असून बक्षीस वितरण समारंभ त्वरीत सायंकाळी जनरल जगन्नाथराव भोसले शिव उद्यान येथे होणार आहे. तसेच याच कार्यक्रमाचे औचित्य साधून स्व. किशोर दत्ताजीराव भोसले स्मृती आरोग्य व सामाजिक सेवा पुरस्कार ‘सामाजिक बांधिलकी प्रतिष्ठान, सावंतवाडी’ यांना प्रदान करण्यात येणार आहे. तरी या रंगभरण व चित्रकला स्पर्धेत जास्तीत जास्त स्पर्धकांनी रविवार दिनांक १५ मार्च २०२६ रोजी उपस्थित राहून स्पर्धेत सहभाग घेण्याचे आवाहन आयोजकांनी केले आहे. अधिक माहितीसाठी संपर्क 9075119473 / 9011604509 साधावा.