सावंतवाडी दि. ११: शहरात सध्या सुरू असलेल्या गॅस पाईपलाईनच्या नियोजित कामावरून शिवसेनेचे जिल्हाप्रमुख तथा नगरसेवक सजू परब यांनी सत्ताधाऱ्यांवर कडक शब्दांत ताशेरे ओढले आहेत. “शहरात चुकीच्या पद्धतीने सुरू असलेले गॅस पाईपलाईनचे काम तात्काळ थांबवावे, अन्यथा या कामासाठी गॅस कंपनीसोबत कोणी, कुठे आणि का बैठका घेतल्या, त्यांची नावे पुराव्यासह जाहीर करेन,” असा खळबळजनक इशारा त्यांनी आज दिला.
आमदार दीपक केसरकर यांच्या कार्यालयात आयोजित पत्रकार परिषदेत ते बोलत होते. यावेळी त्यांनी सत्ताधाऱ्यांच्या ‘व्हिजन’वर आणि प्रशासकीय अनास्थेवर जोरदार टीका केली.
पत्रकार परिषदेतील मुख्य मुद्दे:
नियोजनशून्य कारभार: शहरात सुरू असलेली सर्व कामे कोणत्याही नियोजनाशिवाय होत आहेत. याचा मोठा त्रास सामान्य नागरिकांना सहन करावा लागत आहे. शहराचे ‘व्हिजन’ सांगणारे नेते आता गायब झाले असून प्रशासनावर कोणाचाही अंकुश राहिलेला नाही.
गॅस पाईपलाईनचा घोळ: पाईपलाईनच्या कामामुळे शहरात धुळीचे साम्राज्य पसरले आहे. रस्त्यांच्या खडीकरणाचे टेंडर झाल्याशिवाय हे काम पुढे नेऊ नये. जर काम थांबले नाही, तर पडद्यामागच्या हालचाली उघड केल्या जातील, असे परब यांनी ठणकावून सांगितले.
नळपाणी योजनेत त्रुटी: नळपाणी योजनेचे काम कोणत्याही तज्ज्ञ अधिकाऱ्याच्या मार्गदर्शनाखाली होत नाही. तांत्रिक त्रुटी असतानाही बांधकाम विभाग हे काम रेटत असल्याचा आरोप त्यांनी केला.
आंदोलनाचा इशारा: येत्या आठ दिवसांत प्रशासनाने कामकाजात सुधारणा केली नाही, तर तीव्र आंदोलन छेडले जाईल.
मुख्यमंत्र्यांकडे धाव घेणार
या सर्व प्रकरणाची गंभीर दखल घेत संजू परब यांनी सांगितले की, ते लवकरच आमदार दीपक केसरकर आणि आमदार निलेश राणे यांच्यासोबत उपमुख्यमंत्री एकनाथ शिंदे यांची भेट घेणार आहेत. नगरविकास मंत्र्यांची भेट घेऊन दोषींवर कडक कारवाई करण्याची मागणी करणार असल्याचेही त्यांनी यावेळी स्पष्ट केले.
🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563
मुंबई दि.११: केंद्रीय रेल्वेमंत्री अश्विनी वैष्णव यांनी लोकसभेत खासदार रवींद्र वायकर यांच्या प्रश्नाला उत्तर देताना महत्त्वाच्या घोषणा केल्या आहेत:
सावंतवाडी दि.१०: कुवेत आणि इराणमधील युद्धजन्य परिस्थितीमुळे गेल्या १० दिवसांपासून आखाती देशात अडकलेले सावंतवाडीतील प्रसिद्ध डॉ. प्रवीण मसुरकर, त्यांची पत्नी डॉ. प्राजक्ता मसुरकर आणि मुलगा कौस्तुभ मसुरकर हे मंगळवारी (१० मार्च) सायंकाळी मुंबई विमानतळावर सुखरूप पोहोचले. विसाव्याच्या अडचणी आणि युद्धाचा थरार अनुभवल्यानंतर हे कुटुंब मायदेशी परतल्याने मसुरकर कुटुंबियांसह सावंतवाडी शहरात आनंदाचे वातावरण पसरले आहे.