सिंधुदुर्ग दि.०५: आंगणेवाडी यात्रा २०२६ दरम्यान प्रवाशांची वाढती गर्दी लक्षात घेऊन कोकण रेल्वेने विशेष गाडया चालविण्याचा निर्णय घेतला आहे.

यात्रेकरू आणि प्रवाशांची गैरसोय टाळण्यासाठी मडगाव जंक्शन – लोकमान्य टिळक टर्मिनस – मडगाव जंक्शन दरम्यान साप्ताहिक विशेष गाडया धावणार आहेत.
ट्रेन क्र. 01004 मडगाव जंक्शन – लोकमान्य टिळक ही विशेष ट्रेन दि. 7 आणि 9 फेब्रुवारी रोजी मडगाव जंक्शन येथून दुपारी 4.30 वाजता सुटेल आणि दुसऱ्या दिवशी सकाळी 5.50 वाजता लोकमान्य टिळक टर्मिनस येथे पोहोचेल. त्याचप्रमाणे ट्रेन क्रमांक 01003 लोकमान्य टिळक-मडगाव जं्शन ही विशेष ट्रेन दि. 8 आणि 10 फेब्रुवारी रोजी लोकमान्य टिळक टर्मिनस येथून सकाळी 7.55 वाजता सुटेल व त्याच दिवशी रात्री 12.00 वाजता मडगाव जं्शनला पोहोचेल. या विशेष गाडया करमळी, थिविम, सावंतवाडी रोड, कुडाळ, सिंधुदुर्ग, कणकवली, वैभववाडी रोड, राजापूर रोड, विलवडे, आडवली, रत्नागिरी, संगमेश्वर रोड, चिपळूण, खेड, माणगाव, रोहा, पेण, पनवेल आणि ठाणे या स्थानकांवर थांबणार आहेत. या गाडयांची रचना एकूण 22 कोचांची असून त्यामध्ये 20 स्लीपर कोच आणि 2 एसएलआर कोच असणार आहेत. ट्रेन क्र. 01004 चे आरक्षण दि. 4 फेब्रुवारीपासून सर्व पॅसेंजर रिझर्व्हेशन सिस्टम, इंटरनेट व आयआरसीटीसी वेबसाइटवर सुरू झाली आहे.

🛑/——–/——-/—–/🛑

*अधिक माहितीआठी खालील लिंक पहा*
akhandhindustanlive.com

———————————–
◾ *अखंड हिंदुस्तान लाईव्ह न्यूज*◾
_____________________

🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*

https://akhandhindustanlive.com

📹 *व्हिडिओ ला like, share आणि चॅनलला subscribe जरूर करा*

*बातम्या आणि जाहिरातींसाठी* संपर्क :
📱8275659563 ,9422054887

 सावंतवाडीच्या ‘संस्कार नॅशनल स्कूल’चा वार्षिक स्नेहसंमेलन व बक्षीस वितरण सोहळा उत्साहात संपन्न

सावंतवाडी दि.०४:“आजच्या पालकांनी आपल्या मुलांमधील उपजत कलागुण ओळखून त्यांना त्या क्षेत्रात करिअर करण्यासाठी प्रोत्साहन दिले पाहिजे. मुलांच्या आवडीला आणि कलेला वाव दिल्यास त्यांचा सर्वांगीण विकास निश्चितपणे घडू शकतो,” असे प्रतिपादन सावंतवाडीचे तहसीलदार श्रीधर पाटील यांनी केले. निरवडे येथील दर्शन विद्या एज्युकेशन सोसायटी संचालित संस्कार नॅशनल स्कूलच्या वार्षिक स्नेहसंमेलन व बक्षीस वितरण सोहळ्यात ते बोलत होते.

ग्रामीण भागातील एक आदर्श शाळा – योगेंद्र महंतजी माजी कॅबिनेट मंत्री कार्यक्रमाचे उद्घाटन मध्यप्रदेशचे माजी कॅबिनेट मंत्री धर्माचार्य आणि विश्व ब्राह्मण समाजाचे अध्यक्ष योगेंद्र महंतजी यांच्या हस्ते करण्यात आले. यावेळी बोलताना त्यांनी प्रशालेचे कौतुक केले. ते म्हणाले की, “संस्कार नॅशनल स्कूल हे एक आदर्श विद्यालय असून ग्रामीण भागात इतक्या दर्जेदार सोयी-सुविधा आणि शिक्षण देणे ही कौतुकास्पद बाब आहे. खऱ्या अर्थाने हे विद्यालय एक आदर्शवत शाळा म्हणून नावारूपास येत आहे.”

गुणवंतांचा गौरव आणि सांस्कृतिक मेजवानी: या सोहळ्यात प्रशालेतील गुणवंत विद्यार्थ्यांचा तसेच आदर्श शिक्षक व कर्मचाऱ्यांचा मान्यवरांच्या हस्ते गौरव करण्यात आला. बक्षीस वितरणानंतर विद्यार्थ्यांनी विविध गुणदर्शनपर कार्यक्रम सादर केले. त्यांच्या नृत्याविष्काराने आणि कलागुणांनी उपस्थित पालक आणि मान्यवरांची मने जिंकली.
या सोहळ्याला संस्थेचे अध्यक्ष डॉ. शेखर जैन, अनंत सोहनी, निरवडेचे माजी सरपंच हरी वारंग, मुख्याध्यापिका प्रणाली रेडकर, पत्रकार सागर चव्हाण, सावंतवाडी तालुका पत्रकार संघाचे माजी अध्यक्ष हरिश्चंद्र पवार, चंदन गोसावी संदेश घाडी ( उपाध्यक्ष पालक शिक्षक समिती),सौ. ऋतुजा मुळीक ( उपाध्यक्ष माता पालक समिती)यांसह अनेक मान्यवर, पालक आणि ग्रामस्थ मोठ्या संख्येने उपस्थित होते.
कार्यक्रमाचे प्रास्ताविक आणि प्रशालेच्या प्रगतीचा आढावा मुख्याध्यापकांनी सादर केला. या दिमाखदार सोहळ्यामुळे निरवडे परिसरात शाळेचे सर्वत्र कौतुक होत आहे. यावेळी या सोहळ्याचे सूत्रसंचालन जुहीली पांगम ,हर्षदा खवणेकर,आभार प्रदर्शन – पांडुरंग मिशाळ यांनी केलें.

माजगाव समाधी स्थळी मान्यवरांची मांदियाळी

सावंतवाडी दि.०४ महाराष्ट्र राज्याचे माजी महसूल, ग्रामविकास व वैद्यकीय शिक्षण मंत्री, लोकनेते स्वर्गीय भाईसाहेब सावंत यांची १०२ वी जयंती बुधवारी माजगाव येथील त्यांच्या प्रेरणा समाधी स्थळी मोठ्या उत्साहात साजरी करण्यात आली. यावेळी विविध क्षेत्रांतील मान्यवरांनी त्यांच्या स्मृतीस विनम्र अभिवादन केले.

पुष्पांजली आणि अभिवादन
कार्यक्रमाच्या सुरुवातीला माजी मंत्री तथा आमदार दीपक केसरकर आणि सावंतवाडी शिक्षण प्रसारक मंडळाचे अध्यक्ष विक्रांत सावंत यांच्या हस्ते स्वर्गीय भाईसाहेब सावंत यांच्या समाधीवर आणि पुतळ्याला पुष्पहार अर्पण करून अभिवादन करण्यात आले. लोकनेते भाईसाहेब सावंत यांच्या कार्याचा वारसा आणि त्यांनी कोकणच्या विकासासाठी दिलेले योगदान यावेळी अधोरेखित करण्यात आले.

याप्रसंगी भाईसाहेब सावंत प्रेमी, त्यांचे नातेवाईक आणि विविध संस्थांचे प्रतिनिधी मोठ्या संख्येने उपस्थित होते. प्रामुख्याने उपस्थित असलेल्या मान्यवरांमध्ये खालील व्यक्तींचा समावेश होता.राजकीय व सामाजिक नेतृत्व: शिवसेना जिल्हाप्रमुख संजू परब, बबन साळगावकर, अमोल सावंत, प्रदीप सावंत, अजित सावंत.

शिक्षण व अन्य क्षेत्रातील व्ही. बी. नाईक, चंद्रकांत नाईक, अशोक दळवी, ॲड. दिलीप नार्वेकर, संजय कानसे, रवींद्र म्हापसेकर, संदीप राणे, डॉ. दिनेश नागवेकर.इतर मान्यवर: प्रसाद सावंत, म. ल. देसाई, राजू कुबल, सचिन बिर्जे, संजय लाड, अर्चित पोकळे, मेघश्याम काजरेकर, प्रा. धीरेंद्र होळीकर, एस. पी. नाईक, प्रा. सतीश बागवे आदी.यावेळी कार्यकर्त्यांनी आणि पदाधिकाऱ्यांनी भाईसाहेबांच्या आठवणींना उजाळा देत त्यांच्या विचारांवर चालण्याचा निर्धार व्यक्त केला.माजगांव समाधी स्थळ परिसरात यावेळी अत्यंत प्रेरणादायी वातावरण होते.

🙏!!…विनम्र अभिवादन…!!🙏अखंड हिंदुस्तान लाईव्ह स्पेशल🙏!!…विनम्र अभिवादन…!!🙏

💫​स्व. भाईसाहेब सावंत यांच्या १०२ व्या जयंती निमित्त विनम्र अभिवादन…!!💐🙏 _

♦️-:शुभेच्छुक:-♦️_ _*💫अध्यक्ष, उपाध्यक्ष, समस्त संचालक मंडळ, अध्यापक, अध्यापकेतर कर्मचारी व विद्यार्थी वर्ग*_

_*💫​राणी जानकीबाईसाहेब वैद्यकीय संस्थेचे भाईसाहेब सावंत आयुर्वेद महाविद्यालय आणि रुग्णालय, सावंतवाडी, जिल्हा सिंधुदुर्ग.