पुणे/सावंतवाडी दि.१२: रेल्वे प्रशासनाकडून महाराष्ट्राची आणि विशेषतः कोकणी चाकरमान्यांची सतत फसवणूक सुरू असल्याचे धक्कादायक वास्तव समोर आले आहे. पुण्यातून कोकणासाठी हक्काची गाडी देण्यास तांत्रिक अडचणींचे कारण सांगणाऱ्या मध्य रेल्वेने, आता थेट बिहारसाठी ‘अमृत भारत एक्सप्रेस’ मंजूर करून मराठी माणसाच्या जखमेवर मीठ चोळले आहे.
मध्य रेल्वेचा दुजाभाव: काय आहे नेमके प्रकरण?
काही दिवसांपूर्वी खासदार डॉ. मेधा कुलकर्णी यांनी पुणे-कोकण दरम्यान दैनंदिन रेल्वे सुरू करण्याची मागणी केली होती. त्यावर मध्य रेल्वेने पुण्यात ‘टर्मिनलची कमतरता’ आणि ‘मार्गाची अडचण’ (Path Constraints) असल्याचे लेखी उत्तर देऊन कोकणच्या गाडीला वाटाण्याच्या अक्षता लावल्या होत्या. मात्र, याच ‘अडचणी’ असलेल्या पुणे स्टेशनवरून ११४३१/११४३२ पुणे-दानापूर (बिहार) अमृत भारत एक्सप्रेस मंजूर करण्यात आली आहे.
देखभालीचा स्लॉटही परप्रांतीयांच्या गाडीला!
सर्वात संतापजनक बाब म्हणजे ही अमृत भारत एक्सप्रेस ‘मध्य रेल्वेच्या मालकीची’ (CR Owning) आहे. याचा अर्थ असा की, या गाडीची देखभाल (Maintenance) आणि पार्किंग पुण्यातच होणार आहे. पुण्यात आधीच जागा नसताना हा मेंटेनन्स स्लॉट बिहारच्या गाडीला दिल्यामुळे, भविष्यात कोकण किंवा महाराष्ट्रांतर्गत गाड्यांसाठी कोणतीही क्षमता शिल्लक राहणार नाही, अशी भीती व्यक्त होत आहे.
महाराष्ट्राचा पैसा, फायदा कुणाला?
कोणत्याही नवीन रेल्वे प्रकल्पात महाराष्ट्र राज्य शासन ५०% आर्थिक वाटा उचलते. राज्यातील जनतेच्या करातून उभ्या राहिलेल्या या सुविधांचा पहिला हक्क इथल्या भूमिपुत्रांचा असायला हवा. मात्र, चित्र अगदी उलटे दिसत आहे:
-
पुणे-दानापूर (बिहार): मुख्य पुणे स्टेशनवरून ‘रेड कार्पेट’ स्वागत.नांदेड-पुणे / पुणे-हरंगुळ: महाराष्ट्रांतर्गत गाड्यांना मुख्य पुणे स्टेशनवरून थेट ‘हडपसर’ला बाहेर फेकण्यात आले.
कोकणी चाकरमान्यांमध्ये संतापाची लाट
“पुण्यात लाखो कोकणी माणूस राहतो, त्यांना सण – उत्सवाला जाण्यासाठी साधी हक्काची गाडी मिळत नाही. तांत्रिक अडचणी फक्त कोकणच्या गाड्यांनाच का येतात?” असा संतप्त सवाल प्रवाशांकडून विचारला जात आहे. स्वतःच्याच राज्यात प्रवाशांना अशी दुय्यम वागणूक मिळत असेल, तर हा अन्याय आता सहन करण्यापलीकडे गेला आहे, अशी भावना कोकण रेल्वे प्रवासी संघटनांनी व्यक्त केली आहे.आता या अन्यायाविरुद्ध तमाम मराठी बांधवांनी आणि लोकप्रतिनिधींनी आवाज उठवून रेल्वे प्रशासनाला जाब विचारण्याची वेळ आली आहे.
/——–/——-/—–/——–/——-/
*अधिक माहितीसाठी खालील लिंक पहा* akhandhindustanlive.com —————-
*अखंड हिंदुस्तान लाईव्ह न्यूज*
*वेबसाईट* : hindustanlivenh@gmail.com 
*आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
*व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
9422054887,8275659563
सावंतवाडी दि.१२: तालुक्यातील आंबोली येथील एका २९ वर्षीय तरुणाने पत्नीच्या विरहातून आणि वादातून आंबोली मुख्य धबधबा परिसरातील खोल दरीत उडी मारून आत्महत्या केल्याची धक्कादायक घटना उघडकीस आली आहे. राजाराम रघुनाथ कुडतरकर (वय २९, रा. आंबोली गावठाणवाडी) असे मृत तरुणाचे नाव आहे. मंगळवारी दुपारी सह्याद्री ॲडव्हेंचर्सच्या मदतीने त्याचा मृतदेह दरीतून बाहेर काढण्यात आला.
मिळालेल्या माहितीनुसार, राजाराम कुडतरकर याचे पाच वर्षांपूर्वी सांगेली येथील एका युवतीशी लग्न झाले होते. मात्र, राजारामच्या दारूच्या व्यसनामुळे लग्नानंतर वर्षभरातच त्यांच्यात वाद होऊन पत्नी माहेरी निघून गेली होती. सध्या या दोघांचा घटस्फोटाचा खटला न्यायालयात सुरू आहे. दरम्यान, पत्नीचे दुसरे लग्न ठरल्याची माहिती राजारामला मिळाली होती. याच कारणावरून तो सोमवारी (११ मे) तिला भेटण्यासाठी सांगेली येथे गेला होता. मात्र, तिने भेटण्यास नकार दिल्याने तो निराश होऊन आपल्या दुचाकीवरून आंबोलीच्या दिशेने निघाला होता.
आंबोली दि.१२: पर्यटनासाठी प्रसिद्ध असलेल्या आंबोली घाटातून एक धक्कादायक घटना समोर आली आहे. आंबोली गावठणवाडी येथील राजाराम रघुनाथ कुडतरकर (वय ३१) या डंपर चालकाने मुख्य दरडीच्या ठिकाणाहून सुमारे १२०० फूट खोल दरीत उडी मारून आपली जीवनयात्रा संपवली. मंगळवारी ही घटना उघडकीस आली असून, रेस्क्यू टीमच्या मदतीने मृतदेह बाहेर काढण्यात यश आले आहे.
सिंधुदुर्ग दि.१२: पंतप्रधान नरेंद्र मोदी सध्या देशातील जनतेला पेट्रोल-डिझेलचा वापर कमी करण्याचे आणि सोन्यातील गुंतवणूक थांबवण्याचे आवाहन करत आहेत. मात्र, दुसरीकडे सरकारी यंत्रणा आणि मंत्र्यांच्या ताफ्यात होणारा इंधनाचा वारेमाप खर्च थांबवण्यास सरकार अपयशी ठरले आहे. “पंतप्रधानांच्या आवाहनाला खुद्द सरकारकडूनच हरताळ फासला जात असून, केवळ सामान्य जनतेनेच का होरपळायचे?” असा संतप्त सवाल ठाकरे शिवसेना जिल्हाप्रमुख तथा माजी आमदार वैभव नाईक यांनी उपस्थित केला आहे.
देवगड दि.११: दक्षिण कोकणची काशी म्हणून प्रसिद्ध असलेल्या श्री क्षेत्र कुणकेश्वर येथे सोमवारी भक्ती, श्रद्धा आणि पर्यटनाचा अभूतपूर्व संगम पाहायला मिळाला. हजारो देवगड हापूस आंब्यांची भव्य आरास, स्थानिक शेतकऱ्यांसाठी आयोजित आंबा महोत्सव आणि गुजरातमधील सोमनाथ मंदिराचे थेट प्रक्षेपण यामुळे संपूर्ण कुणकेश्वर नगरी भक्तिमय वातावरणात न्हाऊन निघाली होती.
कुडाळ दि.११:“वृक्ष लागवड करून फक्त फोटो काढण्यापुरते मर्यादित न राहता, लावलेले प्रत्येक झाड जगवण्याची जबाबदारी आपण घेतली पाहिजे. निसर्गाचे चक्र बिघडल्याने आज हवामान बदलाचे संकट उभे ठाकले आहे. यावर मात करण्यासाठी शाश्वत विकास आणि पर्यावरण रक्षण यांचा समतोल राखणे ही काळाची गरज आहे,” असे प्रतिपादन माजी शालेय शिक्षण मंत्री आ. दीपक केसरकर यांनी केले.
सावंतवाडी दि.११: विदुषी पद्मश्री माणिक वर्मा यांच्या जन्मशताब्दी वर्षाच्या सांगता निमित्ताने सावंतवाडीत सुरांची खास मेजवानी रंगणार आहे. स्व. श्रीमंत कमलाबाई दत्ताजीराव भोसले तळीकर प्रतिष्ठानच्या वतीने ‘माणिक मोती’ या विशेष संगीत मैफिलीचे आयोजन करण्यात आले आहे.