१० मार्च रोजी राष्ट्रीय मिल मजदूर संघासह १६ संघटनेचा विधिमंडळ अधिवेशनात मोर्चाचा निर्धार

सावंतवाडी,दि.२८ :गिरणी कामगारांना मुंबईत हक्काचं घर मिळावं म्हणून १६ संघटना एकत्र आल्या आहेत. राष्ट्रीय मिल मजदूर संघाचे अध्यक्ष आमदार सचिन अहिर व सरचिटणीस गोविंदराव मोहिते नेतृत्व करत आहेत. घरासाठी १ लाख ७० हजार गिरणी कामगार व वारसांनी अर्ज केले आहेत. त्यापैकी सध्या १ लाख २५ हजार अर्ज छाननी होऊन पात्र होतील.त्यांना मुंबईत घरे उपलब्ध करून देण्यासाठी येत्या १० मार्च रोजी राष्ट्रीय मिल मजदूर संघासह १६ संघटनेचा विधिमंडळ अधिवेशनात निर्धार मोर्चा काढला जाणार आहे त्याला शेकडोंच्या संख्येने उपस्थित राहावे असे आवाहन राष्ट्रीय मिल मजदूर संघाचे उपाध्यक्ष बजरंग चव्हाण यांनी केले.
सिंधुदुर्ग जिल्हा गिरणी कामगार व वारसांची सभा श्रीराम वाचन मंदिर मध्ये आयोजित करण्यात आली होती त्यावेळी राष्ट्रीय मिल मजदूर संघाचे उपाध्यक्ष बजरंग चव्हाण यांनी मार्गदर्शन केले. यावेळी राष्ट्रीय मिल मजदूर संघाचे खजिनदार श्री निवृत्ती देसाई, ऑफिस सेक्रेटरी सुर्यकांत बांदलकर, सिंधुदुर्ग जिल्हा गिरणी कामगार संघटनेचे उपाध्यक्ष अभिमन्यू लोंढे उपस्थित होते.
यावेळी गिरणी कामगारांनी घोषणाबाजी करत सभागृह दणाणून सोडले.
यावेळी बजरंग चव्हाण यांनी गिरणी कामगार संप, संघर्ष, सरकारची भूमिका आणि राष्ट्रीय मिल मजदूर संघाचे कार्य याबाबत सविस्तर माहिती दिली. ते म्हणाले, गिरणी कामगारांना शेलू व वांगणी मध्ये घरे नको तर मुंबईत घरे हवीत यासाठी लढा उभारला त्याला यश आले आहे. मुंबई मध्ये घरं मिळावी म्हणून १६ संघटनांचा संयुक्त लढा सुरू आहे.सन १ ऑक्टोबर १९८१ च्या पुढील संपात सहभागी झालेल्या कामगारांना घर मिळावे म्हणून प्रयत्न सुरू आहेत. गिरणी कामगार व वारसांची एकजूट दाखवून सरकारने हक्काचे घर द्यावे म्हणून निर्धार मोर्चात कामगार,वारस आणि कुटुंबातील सदस्यांनी सामिल व्हावे असे आवाहन केले.
राष्ट्रीय मिल मजदूर संघाचे खजिनदार श्री निवृत्ती देसाई म्हणाले, राष्ट्रीय मिल मजदूर संघासह १६ संघटनांचा संयुक्त निर्धार मोर्चा विधानसभेवर धडकणार आहे. प्रत्येकाने त्यामध्ये सहभागी व्हावे. महाराष्ट्र गुजरातला विलीन करणार होता ,त्यावेळी संयुक्त महाराष्ट्र लढा उभारला त्यात गिरणी कामगारांचा मोठा वाटा होता. माजी मुख्यमंत्री शरद पवार यांनी गिरणी कामगारांच्या घराचा पाया घातला आहे. भारतरत्न डॉ. बाबासाहेब आंबेडकर यांनी संविधान दिले त्या संविधानामुळेच गिरणी कामगारांना न्याय मिळाला आहे. मुंबई ही आर्थिक राजधानी होण्यात गिरणी कामगारांचा मोठा वाटा आहे. शंभर कोटींचे कपडे निर्माण करणाऱ्या गिरणी कामगारांना मात्र वाऱ्यावर सोडून दिले आहे. १२५ गिरणींचे राष्ट्रीयकरण झाले त्यामुळे मुंबईत रोजगार निर्माण झाला आणि मुंबई आर्थिक राजधानी बनली हे विसरून चालणार नाही. हक्काच्या घराला अजून किती काळ गिरणी कामगारांनी वाट पाहावी. मरणाच्या दारात उभा असणारा गिरणी कामगारांचे आशीर्वाद मुख्यमंत्री देवेंद्र फडणवीस सरकारला मिळवायचे असतील तर गिरणी कामगारांचा घरांचा प्रश्न त्यांनी तात्काळ सोडवावा. सेलू आणि वांगणी येथे घरे नको तर ती मुंबईतच घरे हवी. मुख्यमंत्री देवेंद्र फडणवीस १४० कोटी जनतेचे नेतृत्व करत आहे त्यांनी गिरणी कामगारावर कृपा करून त्यांचा शंभर टक्के मुंबईत घरे देण्याचा निर्णय घेऊन आशिर्वाद मिळवावेत.आपल्या परिसरातील खासदार, आमदारांनी सुद्धा गिरणी कामगार व वारसांच्या प्रश्न धडाडीने संसदेत आणि विधानसभेत लावून धरावा यासाठी आपण प्रत्येकाने प्रयत्न करावा असे त्यांनी आवाहन केले.
यावेळी गिरणी कामगार व वारस सुरेखा भिसे ,लाॅरेन्स डिसोझा,सुमन मुळीक ,सतीश निकम, रामचंद्र कोठावळे, महादेव सावंत यांनी आपले विचार मांडले. प्रास्ताविक आणि आभार गिरणी कामगार संघाचे उपाध्यक्ष अभिमन्यू लोंढे यांनी केले तर पाहुण्यांचे स्वागत सुभाष परब, लॉरेन्स डिसोझा ,विश्वनाथ कुबल, रामचंद्र कोठावळे आदींनी केले.
यावेळी गणपत गावडे, सोनू दळवी, सुभाष नाईक, गोविंद पालव, रेखा लोंढे देसाई, मुकुंद बाईत, जयवंती सावंत, गुरुनाथ राऊळ, अशोक केरकर, हरी कुबल, अशोक दळवी, राजन देसाई ,देवराव देसाई, दशरथ नाईक, प्रकाश राऊळ ,अनुप्रिया बाईत, कविता गावडे, प्रेमानंद परब,गिता परब यांच्यासह सुमारे १५० गिरणी कामगार व वारस उपस्थित होते.
यावेळी विधानसभेवर काढण्यात येणाऱ्या १० मार्च रोजी च्या निर्धार मोर्चाला मोठ्या संख्येने गिरणी कामगार व वारसांनी उपस्थित राहणार असल्याची ग्वाही दिली.

🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563

https://youtube.com/shorts/arsfyte_72A?si=

🎖️ सावंतवाडी दि.२८: अनिल निरवडेकर यांनी उपजिल्हा रुग्णालयातील निवृत्त होणारे वैद्यकीय अधिकारी डॉ. पांडुरंग वज्राटकर यांच्या कार्याचा गौरव करताना, त्यांनी केलेली रुग्णसेवा ही खऱ्या अर्थाने ईश्वरसेवा असल्याचे सांगितले. शासकीय नियमानुसार ते निवृत्त होत असले तरी त्यांच्या अनुभवाचा लाभ पुढील दोन वर्षे सावंतवाडीलाच मिळावा, यासाठी प्रयत्न करणार असल्याचे त्यांनी स्पष्ट केले.
सावंतवाडी उपजिल्हा रुग्णालयात आयोजित निरोप समारंभात विविध मान्यवरांनी डॉ. वज्राटकर यांच्या सेवाभावी कार्याचा गौरव केला.या सोहळ्याला उपजिल्हा रुग्णालयाचे वैद्यकीय अधीक्षक डॉ. ज्ञानेश्वर ऐवळे, सौ. मोहिनी वज्राटकर, डॉ. अनिकेत वज्राटकर, तालुका आरोग्य अधिकारी डॉ. कर्तरकर, माजी जिल्हा परिषद अध्यक्ष काका कुडाळकर, निवृत्त वैद्यकीय अधीक्षक डॉ. उत्तम पाटील, प्रफुल्ल वालावलकर, राजू मसुरकर, भास्कर केरवडेकर, डॉ. शंतनु तेंडुलकर, डॉ. ज्ञानेश्वर दुर्भाटकर, डॉ गिरीश कुमार चौगुले, डॉ. अभिजित चितारी, तसेच रुग्णालयातील डॉक्टर्स, नर्स आणि कर्मचारी वर्ग मोठ्या संख्येने उपस्थित होता. कार्यक्रमाचे प्रास्ताविक श्री. सोन्सुरकर यांनी केले.
यावेळी बोलताना डॉ. अमोल पावसकर यांनी त्यांच्या मैत्रीच्या आठवणी सांगत, डॉ. वज्राटकर यांचा ज्ञानेश्वरीवरील अभ्यास आणि रुग्णांशी संवाद साधण्याची त्यांची खास शैली उल्लेखनीय असल्याचे नमूद केले.निवृत्तीनंतर त्यांनी कुटुंबाला वेळ द्यावा आणि त्यांचे पुढील आयुष्य सुखमय जावे, अशी शुभेच्छा उपस्थित मान्यवरांनी दिल्या. कार्यक्रमाला रुग्णालयातील डॉक्टर, कर्मचारी व मान्यवर मोठ्या संख्येने उपस्थित होते.

रुग्णसेवेचे आदर्श मॉडेल
अनिल निरवडेकर म्हणाले की, रुग्णांशी जिव्हाळ्याचे नाते निर्माण करणाऱ्या सामाजिक कार्यकर्त्यांसह डॉ. वज्राटकर यांनीही रुग्णसेवेचा आदर्श निर्माण केला असून डॉक्टरांनी संवादकौशल्य कसे असावे, याचे उदाहरण त्यांनी घालून दिले आहे.

फिजिशियनची गरज अधोरेखित
रवी जाधव यांनी उपजिल्हा रुग्णालयात फिजिशियनची आवश्यकता असल्याचे सांगत, डॉ. वज्राटकर यांनी निवृत्तीनंतरही आधुनिक उपचारपद्धती स्वीकारून सेवा सुरू ठेवावी, अशी अपेक्षा व्यक्त केली.

🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563

प्रभारी नगराध्यक्ष ॲड. अनिल निरवडेकर यांनी स्पष्ट केला विकास आराखडा; विविध प्रश्नांवर पत्रकारांशी साधला संवाद

सावंतवाडी दि.२८: सावंतवाडी शहराच्या वैभवात भर टाकण्यासाठी आणि येथील प्रलंबित प्रश्न मार्गी लावण्यासाठी नगर परिषद प्रशासन युद्धपातळीवर प्रयत्न करत आहे. यामध्ये पत्रकारांसाठी अद्ययावत ‘पत्रकार भवन’, शहराची पार्किंग समस्या, विद्यार्थ्यांची सुरक्षा आणि ऐतिहासिक मोती तलावाचे संवर्धन या विषयांना प्राधान्य दिले जाणार असल्याची ग्वाही प्रभारी नगराध्यक्ष ॲड. अनिल निरवडेकर यांनी दिली.
सावंतवाडी नगर परिषदेच्या पत्रकार कक्षाला दिलेल्या सदिच्छा भेटीदरम्यान ते बोलत होते. यावेळी पत्रकार संघाच्या वतीने त्यांचा यथोचित सत्कार करण्यात आला.
यावेळी पत्रकार संघाचे अध्यक्ष सचिन रेडकर, जिल्हा खजिनदार ॲड. संतोष सावंत, सचिव विनायक गावस, प्रेस क्लबचे जिल्हाध्यक्ष अनंत जाधव, व्हाईस मीडियाचे जिल्हाध्यक्ष रुपेश पाटील, मराठी पत्रकार परिषदेचे सिंधुदुर्ग जिल्हा प्रसिद्धीप्रमुख हरिश्चंद्र पवार, सोशल मीडिया जिल्हाध्यक्ष अमोल टेंबकर, सावंतवाडी तालुका पत्रकार संघाचे पदाधिकारी राजू तावडे, माजी तालुका सचिव सागर चव्हाण, तसेच सिद्धेश सावंत, आनंद धोंड, जतिन भिसे, भुवन नाईक आदी प्रिंट आणि सोशल मीडिया चे पत्रकार उपस्थित होते.
पत्रकारांच्या प्रश्नांची तड लावणार
तालुक्यातील पत्रकारांसाठी सर्व सोयींनी युक्त असे ‘पत्रकार भवन’ उभारण्यासाठी भाजप प्रदेशाध्यक्ष रवींद्र चव्हाण यांच्या माध्यमातून सर्वतोपरी मदत केली जाईल. सध्याच्या पत्रकार कक्षात आवश्यक सुविधा वाढवण्याबाबत आगामी स्थायी समितीच्या बैठकीत तातडीने निर्णय घेतला जाईल, असे आश्वासन निरवडेकर यांनी दिले.
पार्किंगसाठी ‘गोवा पॅटर्न’ आणि शिस्तबद्ध नियोजन
शहरातील वाढती वाहतूक कोंडी पाहता, पार्किंगसाठी विशेष उपाययोजना केल्या जाणार आहेत:
मल्टीलेव्हल पार्किंग: पणजी (गोवा) शहराच्या धर्तीवर इमारतींच्या वरील मजल्यावर पार्किंग करण्याबाबत विचार सुरू आहे.नियोजित जागा: पार्किंगच्या जागांवर पांढरे पट्टे मारून शिस्तबद्ध दुचाकी व चारचाकी पार्किंग सुरू केली जाईल.वन-वे पर्याय: व्यापाऱ्यांशी चर्चा करून आणि सुवर्णमध्य साधून ‘वन-वे’ वाहतुकीचा पर्याय अवलंबला जाईल.

मोती तलावाचा काठ आणि वृक्ष संवर्धन
मोती तलावाच्या काठावर सध्या असलेली ३४ झाडे तलावाचा कठडा आणि फुटपाथ कमकुवत करत आहेत. यावर उपाय म्हणून:१०० नवीन झाडे: सध्याच्या झाडांऐवजी १०० नवीन सावली देणारी, फळझाडे आणि पक्षांना आकर्षित करणारी झाडे लावली जातील. यासाठी ‘वृक्ष संवर्धन समिती’ नियुक्त करण्यात आली असून, त्यांच्या शिफारशीनुसारच वैज्ञानिक पद्धतीने वृक्षारोपण केले जाईल.
आरोग्य आणि पायाभूत सुविधा
नगर परिषदेच्या दवाखान्यात रुग्णसंख्या वाढवून उत्तम सेवा देण्यावर भर दिला जात आहे. तसेच, अग्निशामक दलाची इमारत येत्या दीड वर्षात सुसज्ज करून त्यावर अतिरिक्त मजला बांधला जाईल. नगर परिषदेच्या मागील मोकळ्या जागेचा वापर पार्किंगसाठी करण्याबाबतही प्रशासन सकारात्मक आहे.

विद्यार्थ्यांच्या सुरक्षिततेसाठी ‘खाजगी रक्षक’
शाळा सुटण्याच्या वेळी होणारी गर्दी आणि अपघातांचा धोका टाळण्यासाठी मुंबईच्या धर्तीवर शाळांना खाजगी सुरक्षारक्षक नेमण्याबाबत नगर परिषद पत्रव्यवहार करणार आहे. यामुळे वाहतूक पोलिसांवरील ताण कमी होईल आणि विद्यार्थ्यांना सुरक्षित रस्ता पार करता येईल.

🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563

मुंबई दि.२७: आज ‘मराठी भाषा गौरव दिना’च्या निमित्ताने सर्वत्र उत्साहाचे वातावरण आहे. पण मराठी केवळ साहित्यापुरती मर्यादित नसून ती जगातील सर्वात वैज्ञानिक भाषांपैकी एक आहे, हे फार कमी लोकांना माहीत आहे.

मराठीचे व्याकरण आणि तिची वर्णमाला ही मानवी शरीरातील ‘ध्वनी निर्मिती’च्या प्रक्रियेवर आधारित आहे. आपण जेव्हा ‘क’ म्हणतो तेव्हा आवाज थेट कंठातून येतो, तर ‘प’ म्हणताना ओठांचा वापर होतो. हे नैसर्गिक क्रमाचे शास्त्र मराठीला इतर भाषांच्या तुलनेत अधिक समृद्ध आणि तर्कसंगत ठरवते.

🔍 असे आहे मराठीचे वैज्ञानिक वर्गीकरण:
वर्ग नाव उच्चाराचे स्थान अक्षरे
क-वर्ग कंठव्य कंठ (Throat) क, ख, ग, घ, ङ
च-वर्ग तालव्य टाळू (Palate) च, छ, ज, झ, ञ
ट-वर्ग मूर्धन्य मूर्धा (Hard Palate) ट, ठ, ड, ढ, ण
त-वर्ग दंतव्य दात (Teeth) त, थ, द, ध, न
प-वर्ग ओष्ठ्य ओठ (Lips) प, फ, ब, भ, म
“अमृतातेही पैजा जिंके” असं ज्ञानेश्वर माउलींनी उगाच म्हटलं नाही. ज्या भाषेत ‘ज्ञ’ पासून ‘ळ’ पर्यंत प्रत्येक उच्चाराला एक विशिष्ट शास्त्रीय आधार आहे, ती भाषा जपणे आणि तिचा अभिमान बाळगणे हे प्रत्येक मराठी माणसाचे कर्तव्य आहे.

“ज्या पद्धतीने आपण बोलतो, त्याच पद्धतीने लिहितो आणि ज्या क्रमाने लिहितो, त्याच क्रमाने शरीर ध्वनी निर्माण करते. हेच मराठीचे खरे सौंदर्य आहे.”

मराठी भाषा दिनाच्या तुम्हालाही खूप खूप शुभेच्छा!

🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563

​ सिंधुदुर्गनगरी दि.२७:जिल्हाधिकारी तृप्ती धोडमिसे यांनी या वर्षासाठी जिल्ह्यातील शासकीय कार्यालयांकरिता तीन स्थानिक सुट्ट्यांची अधिकृत घोषणा केली आहे.महसूल विभागाच्या नियमांनुसार मिळालेल्या अधिकारांचा वापर करून जिल्हाधिकाऱ्यांनी यासंदर्भातील अधिसूचना प्रसिद्ध केली आहे. ​या अधिसूचनेनुसार, पहिली स्थानिक सुट्टी १७ ऑगस्ट २०२६ ‘नागपंचमी’ निमित्त असेल. दुसरी सुट्टी १८ सप्टेंबर २०२६ ‘ज्येष्ठागौरी पूजन’ आणि तिसरी सुट्टी ६ नोव्हेंबर २०२६ ‘धनत्रयोदशी’ निमित्त जाहीर करण्यात आली आहे. जिल्ह्यातील महसूल हद्दीत येणाऱ्या शासनाच्या सर्व खात्यांमधील कार्यालयांना या सुट्ट्या लागू राहतील, असे प्रशासनाकडून स्पष्ट करण्यात आले आहे.

🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563

बांद्यात भीषण आगीची मोठी दुर्घटना
कुडाळ अग्निशमन दलाच्या तत्परतेमुळे टळली; रोजा असतानाही मुस्लिम युवकांचे धाडसी मदतकार्य

बांदा दि.२७: शहरातील देऊळवाडी आणि मुस्लिमवाडी भरड परिसरात आज शुक्रवारी दुपारी लागलेल्या भीषण आगीत सुमारे पाच एकर क्षेत्रातील काजू बागायती जळून खाक झाली. काजू हंगाम तोंडावर असतानाच आलेल्या या संकटामुळे शेतकऱ्यांचे लाखो रुपयांचे नुकसान झाले असून परिसरात हळहळ व्यक्त होत आहे.

आगीचे रौद्ररूप आणि ग्रामस्थांची धावपळ
दुपारच्या सुमारास अचानक लागलेली ही आग कोरडे वातावरण आणि वाऱ्याच्या वेगामुळे काही क्षणांतच पसरली. बागायतीमध्ये सुकलेला पालापाचोळा असल्याने आगीने रौद्ररूप धारण केले होते. विशेष म्हणजे, आगीच्या घटनेच्या अगदी जवळच महावितरणचा ट्रान्सफॉर्मर आणि दाट लोकवस्ती असल्याने मोठा अनर्थ घडण्याची भीती निर्माण झाली होती.

यंत्रणेची तत्परता अन् माणुसकीचे दर्शन
घटनेची माहिती मिळताच ग्रामपंचायत सदस्य जावेद खतीब यांनी तातडीने हालचाली केल्या. सावंतवाडीचा बंब उपलब्ध न झाल्याने कुडाळ नगरपंचायतीच्या अग्निशमन दलाला पाचारण करण्यात आले.

या कठीण प्रसंगात बांद्यातील सामाजिक एकोप्याचे दर्शन घडले. मुस्लिम बांधवांचे रोजे सुरू असतानाही, अनेक युवकांनी उपवासाच्या अवस्थेत जीवाची पर्वा न करता आग विझवण्यासाठी पुढाकार घेतला. स्थानिक नागरिक, तरुण आणि प्रशासकीय अधिकारी यांनी संयुक्त प्रयत्न करून आग वस्तीपर्यंत पोहोचण्यापूर्वीच आटोक्यात आणली.

शेतकऱ्यांचे आर्थिक कंबरडे मोडले
या आगीत खालील शेतकऱ्यांच्या बागायतींचे प्रचंड नुकसान झाले आहे: नीलेश मोरजकर,राजन मोरजकर,राजा सावंत,प्रमिला मोरजकर,श्री. सावळ यांचा समावेश आहे.

काजू झाडांसोबतच मौल्यवान सागवान आणि जांभूळ झाडेही आगीच्या भक्ष्यस्थानी पडली आहेत. हंगाम सुरू होण्यापूर्वीच झालेल्या या नुकसानीमुळे शेतकऱ्यांचे वार्षिक आर्थिक गणित पूर्णतः कोलमडले आहे.

प्रमुख उपस्थिती
घटनास्थळी बांदा तलाठी फिरोज खान, उपसरपंच रत्नाकर आगलावे, माजी उपसरपंच आबा धारगळकर, हर्षद कामत, शैलेश केसरकर, सुशांत पांगम, भय्या गोवेकर, ज्ञानेश्वर येडवे यांच्यासह शेकडो ग्रामस्थांनी मदतकार्यात सहभाग घेतला.

महत्त्वाची टीप: वाढत्या उन्हामुळे बागायती परिसरातील कचरा किंवा पालापाचोळा जाळताना शेतकऱ्यांनी विशेष दक्षता घेण्याचे आवाहन प्रशासनाकडून करण्यात आले आहे.

🛑/——–/——-/—–/🛑——🛑
*अधिक माहितीसाठी खालील लिंक पहा* akhandhindustanlive.com
———————————–
◾ *अखंड हिंदुस्तान लाईव्ह न्यूज*
_____________________
🪐 *वेबसाईट* : hindustanlivenh@gmail.com
_____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा*
https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा*
*बातम्या आणि जाहिरातींसाठी* संपर्क :
📱9422054887,8275659563