मुंबई दि.३१ : राजभवनामध्ये शपथविधी सोहळ्यात राज्यपालांनी सुनेत्रा पवार यांना उपमुख्यमंत्रिपदाची शपथ दिली आहे. या शपथविधी सोहळ्यासाठी राष्ट्रवादीचे प्रमुख नेते उपस्थित होते, महाराष्ट्राच्या पहिल्या महिला उपमुख्यमंत्री होण्याचा मान हा सुनेत्रा पवार यांना मिळाला आहे. दरम्यान उपमुख्यमंत्रिपदाच्या शपथविधी सोहळ्यापूर्वी राष्ट्रवादीच्या सर्व आमदारांची मुंबईमध्ये एक महत्त्वाची बैठक पार पडली होती. या बैठकीमध्ये सुनेत्रा पवार यांची राष्ट्रवादीच्या गटनेतेपदी निवड करण्यात आली, आणि त्यानंतर सुनेत्रा पवार यांनी उपमुख्यमंत्रिपदाची शपथ घेतली आहे. गटनेतेपदी निवड झाल्यानंतर त्यांनी आपल्या राज्यसभा सदस्यत्वाचा देखील राजीनामा दिला.

अजित पवार यांच्या विमानाला भीषण अपघात झाला, या अपघातामध्ये अजित पवार यांचं निधन झालं, दरम्यान अजित पवार यांच्या निधनानंतर राष्ट्रवादीचा नवा गटनेता कोण होणार? नवे उपमुख्यमंत्री कोण असणार? असा प्रश्न उपस्थित करण्यात येत होता. अखेर या प्रश्नाचं उत्तर आता मिळालं आहे. सुनेत्रा पवार यांनी उपमुख्यमंत्री पदाची शपथ घेतली आहे. आज राजभवानामध्ये राज्यपालांनी त्यांना उपमुख्यमंत्रिपदाची शपथ दिली, त्या महाराष्ट्राच्या पहिल्या महिला उपमुख्यमंत्री झाल्या आहेत. त्यापूर्वी राष्ट्रवादीच्या गटनेतेपदी देखील त्यांची निवड करण्यात आली आहे.

आज मुंबईमध्ये राष्ट्रवादीच्या सर्व आमदारांची महत्त्वाची बैठक बोलावण्यात आली होती, या बैठकीला पक्षाच्या सर्व आमदारांसह पक्षातील वरिष्ठ नेत्यांची उपस्थिती होती. या बैठकीमध्ये दोन प्रस्ताव मांडण्यात आले, पहिला प्रस्ताव हा सुनेत्रा पवार यांची गटनेतेपदी निवडी संदर्भात होता, तर दुसरा प्रस्ताव हा सुनेत्रा पवार यांना पक्षाशी संबंधित सर्व निर्णय घेण्याचा संविधानिक अधिकार मिळण्यासंदर्भात होता. या दोन्ही प्रस्तावाला या बैठीकेमध्ये मंजुरी मिळाली, सुनेत्रा पवार यांची या बैठकीमध्ये गटनेता म्हणून निवड करण्यात आली, त्यानंतर सुनेत्रा पवार यांनी उपमुख्यमंत्री म्हणून शपथ घेतली आहे. उपमुख्यमंत्रिपदापूर्वी सुनेत्रा पवार या राज्यसभेच्या खासदार होत्या.

सावंतवाडी दि.३१-: उपमुख्यमंत्री अजित दादा पवार यांना मिलाग्रीस हायस्कूल सावंतवाडीच्या वतीने श्रद्धांजलीमिलाग्रीस हायस्कूल सावंतवाडी या प्रशालेच्या वतीने महाराष्ट्र राज्याचे उपमुख्यमंत्री अजित दादा पवार यांना भावपूर्ण श्रद्धांजली अर्पण करण्यात आली.

यावेळी प्रशालेचे मुख्याध्यापक रे . फादर रिचर्ड सालदाना यांनी अजित दादा यांच्या प्रतिमेस पुष्पहार अर्पण करून श्रद्धांजली वाहिली. यावेळी प्रशालेतील शिक्षक, शिक्षकेतर कर्मचारी व विद्यार्थी यांनी दोन मिनिटे स्तब्ध राहून श्रद्धांजली अर्पण करीत त्यांच्या आठवणींना उजाळा दिला. तसेच प्रशालेतील सर्व विद्यार्थ्यांनी उपमुख्यमंत्री अजित दादा यांच्या प्रतिमेस पुष्प अर्पण करून श्रद्धांजली वाहिली. यावेळी महाराष्ट्राच्या एका महान नेतृत्वाला महाराष्ट्र मुकल्याची भावना प्रशालेचे मुख्याध्यापक रे .फादर रिचर्ड सालदाना यांनी व्यक्त केली.

भूतनाथ मंदिरात नारळ वाढवून प्रचाराचा शानदार शुभारंभ; प्रमोद गावडेंचे आशीर्वाद पाठीशी असल्याचा दावा

सावंतवाडी दि.३१: सिंधुदुर्ग जिल्ह्यातील तळवडे जिल्हा परिषद मतदारसंघ केवळ नावापुरता मर्यादित न ठेवता, तो विकासाच्या बाबतीत जिल्ह्यात ‘आदर्श’ आणि ‘क्रमांक एक’वर नेण्याचा संकल्प महायुतीचे अधिकृत उमेदवार तथा भाजपचे युवा नेते संदीप गावडे यांनी व्यक्त केला आहे. आज तळवडे येथील ग्रामदैवत श्री देव भूतनाथ मंदिरात श्रीफळ वाढवून त्यांनी आपल्या निवडणूक प्रचाराचा बिगुल फुंकला.

भक्तीमय वातावरणात प्रचाराचा प्रारंभ
प्रचाराच्या शुभारंभाप्रसंगी मंदिरात पारंपरिक पद्धतीने गाऱ्हाणे घालण्यात आले. यावेळी महायुतीचे सर्व पदाधिकारी, कार्यकर्ते आणि स्थानिक ग्रामस्थांनी मोठी गर्दी केली होती. देवदर्शन घेऊन रणांगणात उतरलेल्या संदीप गावडे यांनी मतदारांशी संवाद साधत विजयाचा विश्वास व्यक्त केला.

विकासकामांच्या जोरावर मतदारांना साद
आपल्या कामाचा पाढा वाचताना संदीप गावडे म्हणाले की, “मी आणि माझे प्रतिस्पर्धी एकाच वेळी राजकारणात आलो, मात्र मी केवळ एका मतदारसंघापुरते मर्यादित न राहता सावंतवाडी, वेंगुर्ला आणि दोडामार्ग या तिन्ही तालुक्यांत सातत्याने काम केले आहे.” त्यांनी प्रामुख्याने खालील मुद्द्यांवर भर दिला:

शिक्षण: विद्यार्थ्यांना शैक्षणिक साहित्य वाटप आणि शाळांमध्ये भौतिक सुविधांची उपलब्धता.ऊर्जा: सोलर पॅनेलच्या माध्यमातून गावागावांत अखंडित वीजपुरवठा. “माझ्या कामाची तुलना प्रतिस्पर्धी उमेदवाराच्या कामाशी जनतेने स्वतः करावी,” असे थेट आव्हान त्यांनी दिले.

नाराजी नाट्यावर पडदा?
तिकीट न मिळाल्याने ज्येष्ठ नेते प्रमोद गावडे नाराज असल्याच्या चर्चांवर संदीप गावडे यांनी स्पष्टीकरण दिले. “मी प्रमोद गावडे यांची भेट घेतली असून त्यांची कोणतीही नाराजी नाही. त्यांचे आशीर्वाद माझ्या पाठीशी आहेत आणि लवकरच ते पूर्ण ताकदीने प्रचारात उतरतील,” असे सांगत त्यांनी अंतर्गत कलहाच्या चर्चांना पूर्णविराम दिला.दिग्गजांच्या साथीने विकासाचा ‘रोडमॅप’
मतदारसंघाच्या विकासासाठी महायुतीच्या नेत्यांचे पूर्ण सहकार्य असल्याचे सांगत गावडे यांनी आगामी काळातील उद्दिष्टे स्पष्ट केली:

सावंतवाडी रेल्वे टर्मिनसचा प्रश्न मार्गी लावणे.काजू उत्पादक आणि उद्योजकांच्या समस्या सोडवणे.पालकमंत्री नितेश राणे, खासदार नारायण राणे, आमदार दीपक केसरकर आणि मुख्यमंत्री देवेंद्र फडणवीस यांच्या माध्यमातून निधी खेचून आणणे.”तळवडे मतदारसंघाचा कायापालट करणे हेच माझे ध्येय आहे,” असे सांगत त्यांनी मतदारांना पाठिंबा देण्याचे आवाहन केले.