सावंतवाडी दि.१४: तालुक्यातील सातार्डा-तरचावाडा येथील रहिवासी आणि माजी सैनिक चंद्रकांत पवार यांच्या पत्नी, तसेच ज्येष्ठ पत्रकार हरिश्चंद्र पवार यांच्या मातोश्री सौ. चंद्रावती चंद्रकांत पवार (७९) यांचे मंगळवारी पहाटे ६.३५ वाजण्याच्या सुमारास दुःखद निधन झाले. त्यांच्या निधनाचे वृत्त समजताच सातार्डा परिसरासह संपूर्ण सावंतवाडी तालुक्यात शोककळा पसरली आहे.
सौ. चंद्रावती पवार या अत्यंत प्रेमळ, साध्या आणि कुटुंबवत्सल स्वभावाच्या होत्या. आयुष्यभर त्यांनी कुटुंबाचा आधारस्तंभ म्हणून आपली जबाबदारी समर्थपणे पार पाडली. घरातील प्रत्येकाला प्रेमाने जोडून ठेवणाऱ्या त्या एक भक्कम दुवा होत्या. त्यांच्या शांत आणि संयमी स्वभावामुळे परिसरातही त्या सर्वांच्या आदरास पात्र होत्या.
त्यांच्या निधनाने पवार कुटुंबावर दुःखाचा डोंगर कोसळला असून, एक मायेची सावली हरपल्याची भावना व्यक्त होत आहे. त्यांच्या पश्चात पती, मुले, मुली, सुना, नातवंडे, पतवंडे असा मोठा परिवार आहे.
सौ. पवार यांच्या निधनाबद्दल विविध क्षेत्रांतील मान्यवर, राजकीय पदाधिकारी आणि ग्रामस्थांनी शोकसंवेदना व्यक्त करत पवार कुटुंबाला या कठीण प्रसंगातून सावरण्यासाठी धीर दिला आहे.
चौकट
बुधवारी होणार अंत्यसंस्कार
सौ चंद्रावती हिच्या पार्थिवावर सातार्डा तरचावाडा स्मशानभूमीत बुधवारी सकाळी दहा वाजता अंत्यसंस्कार होणार आहेत.
🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com ———————————–
◾ *अखंड हिंदुस्तान लाईव्ह न्यूज*_____________________
🪐 *वेबसाईट* : hindustanlivenh@gmail.com _____________________
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563
सावंतवाडी दि.१३: भाजप स्थापना दिनानिमित्त सावंतवाडी नगरपरिषदेतर्फे “स्वच्छता सन्मान सोहळा” मोठ्या उत्साहात पार पडला. या कार्यक्रमात नगरपालिकेतील कायमस्वरूपी तसेच कंत्राटी स्वच्छता कामगारांचा सन्मान करून त्यांना आरोग्य विषयक वस्तू भेट देण्यात आल्या. हा उपक्रम भाजपा महाराष्ट्र प्रदेशाध्यक्ष आ.रवींद्र चव्हाण यांच्या मार्गदर्शनाखाली आणि भाजपा महाराष्ट्र युवा नेते विशाल परब यांच्या संकल्पनेतून राबविण्यात आला. कार्यक्रमाचे उद्घाटन सावंतवाडी नगरपरिषद उपनगराध्यक्ष ॲड. अनिल निरवडेकर यांच्या शुभहस्ते करण्यात आले. यावेळी स्वच्छता कामगारांना आवश्यक आरोग्य साहित्यांचे वाटप करण्यात आले. समाजाच्या आरोग्य आणि स्वच्छतेसाठी दिवस-रात्र मेहनत घेणाऱ्या या कर्मचाऱ्यांच्या कार्याचा गौरव करत त्यांना सन्मानित करण्यात आले. कार्यक्रमात उपस्थित मान्यवरांनी स्वच्छता कामगारांचे योगदान अनमोल असल्याचे सांगत, त्यांच्या आरोग्याची काळजी घेणे ही समाजाची जबाबदारी असल्याचे मत व्यक्त केले. या उपक्रमामुळे स्वच्छता कर्मचाऱ्यांमध्ये आनंदाचे वातावरण निर्माण झाले असून, त्यांच्या कार्याला मिळालेल्या या सन्मानामुळे त्यांना नवी ऊर्जा मिळाल्याची भावना व्यक्त केली. यावेळी भाजपा युवानेते विशाल परब, उपनगराध्यक्ष ॲड. अनील ” निरवडेकर, नगरसेवक ॲड. सिद्धार्थ भांबुरे, माजी नगरसेवक राजू बेग, सोशल मिडिया प्रमुख केतन आजगांवकर, राजे प्रतिष्ठान चे शिवा गावडे, मंडल चिटणीस धिरेंद्र म्हापसेकर आदी उपस्थित होते.
सावंतवाडी दि.१३: रस्त्यावरील प्रवास करताना आलेली एक डुलकी किती जीवघेणी ठरू शकते, याचा प्रत्यय काल मध्यरात्री कारिवडे येथे आला. एका नाटक कंपनीत झांजवादक म्हणून काम करणाऱ्या युवकाचा कारिवडे गोठण देवस्थानजवळ भीषण अपघात झाला. या अपघातात तो गंभीर जखमी झाला असून, सावंतवाडीतील सामाजिक कार्यकर्ते आणि रुग्णालय कर्मचाऱ्यांच्या प्रसंगावधानामुळे त्याला वेळेत उपचार मिळाले आहेत.
देवगड दि.१२:“कोकणातील आंबा व काजू बागायतदारांना नुकसानीपोटी प्रती झाड अवघी २२० ते २५० रुपये मदत जाहीर करून सरकारने शेतकऱ्यांची क्रूर थट्टा केली आहे. या फसवणुकीचा जाब विचारण्यासाठी रत्नागिरी आणि सिंधुदुर्ग जिल्ह्यातील बागायतदारांसह थेट मुंबई येथील ‘वर्षा’ बंगल्यावर धडक देणार,” असा निर्धार स्वाभिमानी शेतकरी संघटनेचे संस्थापक व माजी खासदार राजू शेट्टी यांनी व्यक्त केला.
सावंतवाडी दि.१२: आंबोली घाटात आज सकाळी ११ वाजेच्या सुमारास एका भरधाव ट्रकने दुचाकीला दिलेल्या धडकेत निकिता प्रसाद राऊत (वय १०) या चिमुकलीचा जागीच मृत्यू झाला. या अपघातात तिची आई चैताली राऊत या गंभीर जखमी झाल्या असून, घाटातील ‘यू’ आकाराच्या वळणावर हा थरार घडला.