भाजप उमेदवार विक्रांत विकासभाई सावंत यांचे प्रतिपादन

सावंतवाडी दि.०४: “आमच्या कुटुंबाला तीन पिढ्यांचा सामाजिक आणि राजकीय वारसा लाभला आहे. हा वारसा पुढे नेताना मी राजकारणाकडे कधीही पैसा कमावण्याचे साधन म्हणून पाहिले नाही. निवडणुकीच्या रिंगणात मी पारदर्शकतेचा आदर्श घेऊन उतरलो असून, पैशाने नव्हे तर प्रेमाने माणसे जोडता येतात, याचा मला सार्थ अभिमान आहे,” असे परखड मत जिल्हा परिषद उमेदवार विक्रांत सावंत यांनी व्यक्त केले.

विक्रांत सावंत यांनी आज पत्रकारांशी संवाद साधताना आपल्या राजकीय भूमिकेवर प्रकाश टाकला. यावेळी त्यांनी विरोधकांच्या राजकारण करण्याच्या पद्धतीवर नाव न घेता निशाणा साधला.

वारसा प्रामाणिक सेवेचा
सावंत म्हणाले की, त्यांच्या कुटुंबाने शैक्षणिक, सामाजिक आणि राजकीय क्षेत्रात अनेक दशके प्रामाणिकपणे काम केले आहे. याच संस्कारांच्या शिदोरीवर ते जनतेसमोर जात आहेत. “राजकारण हे समाजसेवेचे माध्यम आहे, संपत्ती गोळा करण्याचा अड्डा नाही,” असेही त्यांनी ठामपणे सांगितले.

स्वच्छ आणि पारदर्शक राजकारणाचा संकल्प
निवडणुकीच्या रणधुमाळीत सध्या पैशांचा व वशिल्याचा मोठा प्रभाव पाहायला मिळतो. यावर भाष्य करताना सावंत म्हणाले:

“मी निवडणुकीच्या मैदानात पारदर्शक आणि स्वच्छ राजकारणाचा आदर्श लोकांसमोर ठेवण्यासाठी उतरलो आहे. काळे धंदे, गैरमार्ग किंवा पैशांच्या जोरावर राजकारण करण्याचा माझा कोणताही विचार नाही. जनतेचा माझ्यावर असलेला विश्वास हीच माझी खरी कमाई आहे.”

जनतेच्या प्रेमावर विश्वास
“माणसे पैशाने विकत घेता येतात हा काहींचा भ्रम असू शकतो, मात्र प्रेमाने जोडलेली माणसे कायम सोबत राहतात,” असा विश्वास त्यांनी व्यक्त केला. स्वच्छ प्रतिमेचा उमेदवार म्हणून विक्रांत सावंत यांनी मतदारांमध्ये आपली एक वेगळी ओळख निर्माण केली असून, त्यांच्या या भूमिकेचे सर्वत्र स्वागत होत आहे.

अपक्ष उमेदवार मायकल डिसोजा यांचा घणाघात; ‘फूड कोलगाव मतदारसंघात रोजगारावर भर देणार; प्रोसेसिंग’द्वारे तरुणांना कामाची संधी देणार

सावंतवाडी दि.४ : “मतदारसंघात सिमेंट-काँक्रीटची कामे दिसत असली, तरी रोजगाराच्या अभावामुळे इथली घरे रिकामी होत आहेत. गेल्या काही वर्षांत लोकप्रतिनिधीच स्वतः ठेकेदार बनल्यामुळे कामांचा दर्जा खालावला असून जनतेच्या पैशाची लूट होत आहे,” अशी सडेतोड टीका कोलगाव जिल्हा परिषद मतदार संघाचे अपक्ष उमेदवार मायकल डिसोजा यांनी केली. सावंतवाडी येथे आयोजित पत्रकार परिषदेत ते बोलत होते.

रोजगाराला प्राधान्य: निवडून आल्यास मतदारसंघात ‘फूड प्रोसेसिंग युनिट’ (अन्न प्रक्रिया उद्योग) सुरू करून स्थानिक तरुणांना रोजगाराची दालने खुली करून देणार असल्याचे त्यांनी सांगितले.

निकृष्ट कामांचा पर्दाफाश: विकास ही निरंतर प्रक्रिया असली, तरी सध्याचे लोकप्रतिनिधी स्वतःच ठेकेदारीत गुंतले आहेत. मलाई खाण्याच्या नादात कामांकडे दुर्लक्ष झाल्याने मतदारसंघ मागे राहिला आहे, असा आरोप डिसोजा यांनी केला.

नागरी समस्यांवर प्रहार: कोलगाव परिसरात राहणाऱ्या प्रतिष्ठित नागरिकांना रस्ते आणि पथदीपांसारख्या मूलभूत सुविधा मिळत नाहीत. कारीवडे येथील कचरा प्रकल्प हलवण्यासाठी शासनाकडे पाठपुरावा करणार असल्याचे आश्वासन त्यांनी दिले.

सेवेचा वारसा: कोविड काळात राजकारण न पाहता ऑक्सिजन बेड आणि मदतीचा हात दिला होता. विरोधकांच्या टीकेला उत्तर न देता केवळ विकासाच्या मुद्द्यावर निवडणूक लढवणार असल्याचे त्यांनी स्पष्ट केले.या पत्रकार परिषदेला शैलेश टिळवे, बबन डिसोजा, मेघश्याम काजरेकर, दिनेश घोगळे यांसह अन्य कार्यकर्ते उपस्थित होते.

“ही निवडणूक वैयक्तिक टिकेची नसून कोलगावच्या अस्तित्वाची आणि विकासाची आहे. ७ फेब्रुवारीला होणारी निवडणूक शांततेत पार पडेल आणि जनता विकासाला साथ देईल, याची मला खात्री आहे.” — मायकल डिसोजा

*दोडामार्गमध्ये महायुतीचा झंझावात! विशाल परब यांच्या दौऱ्याने कार्यकर्त्यांत उत्साह*

दोडामार्ग दि. ०४: जिल्हा परिषद आणि पंचायत समिती निवडणुकीच्या पार्श्वभूमीवर दोडामार्ग तालुक्यात राजकीय वातावरण चांगलेच तापले आहे. महायुतीचे उमेदवार प्रचारार्थ भारतीय जनता पार्टीचे महाराष्ट्र राज्य युवा नेते विशालजी परब यांनी तालुक्यात झंझावाती दौरा केला. या दौऱ्यामुळे महायुतीच्या कार्यकर्त्यांमध्ये मोठा उत्साह पाहायला मिळत असून, ठिकठिकाणी होणाऱ्या गाठीभेटींना मतदारांचा उत्स्फूर्त प्रतिसाद लाभत आहे.

दौऱ्यादरम्यान आयोजित कार्यक्रमांमध्ये बोलताना विशाल परब यांनी विश्वास व्यक्त केला की,दोडामार्ग तालुक्याच्या विकासासाठी महायुती कटिबद्ध आहे. जनतेचा भारतीय जनता पार्टी आणि महायुतीवर पूर्ण विश्वास असून, हा विश्वास आगामी निवडणुकीत आशीर्वादाच्या रूपाने मतांमधून नक्कीच दिसून येईल. महायुतीचा सर्व कार्यक्षम नेतृत्व उमेदवार जिल्ह्याच्या विकासाला नवी गती देईल.

या झंझावाती दौऱ्यात विशाल परब यांच्यासोबत अनेक प्रमुख पदाधिकाऱ्यांनी हजेरी लावली होती.यामध्ये भाजपा जिल्हा परिषद अधिकृत उमेदवार दिपक गवस, दोडामार्ग नगराध्यक्ष चेतन चव्हाण, ज्येष्ठ नेते रंगनाथ गवस,
युवा पदाधिकारी देवा शेटकर आदी उपस्थित होते. यावेळी गावागावात झालेल्या कोपरा सभा आणि गाठीभेटींमध्ये कार्यकर्त्यांची मोठी गर्दी उसळली होती. दोडामार्ग तालुक्यातील जनतेचे प्रेम आणि पाठिंबा पाहता, महायुतीचे पारडे जड असल्याचे चित्र सध्या दिसत आहे.

🙏 विनम्र अभिवादन…!🙏अखंड हिंदुस्तान लाईव्ह स्पेशल🙏🙏 विनम्र अभिवादन…!🙏🙏

स्व. भाईसाहेब सावंत यांच्या १०२ व्या जयंती निमित्त विनम्र अभिवादन !!💐🪷

:- विनम्र अभिवादन ❗:-

**श्री. विक्रांत विकासभाई सावंत अध्यक्ष : शिक्षण प्रसारक मंडळ, सावंतवाडी.

*नामदार भाईसाहेब सावंत प्रतिष्ठान* , सावंतवाडी.जि.सिंधुदुर्ग.

*शांतिनिकेतन इंग्लिश स्कूल सावंतवाडी.जि.सिंधुदुर्ग.