सावंतवाडी दि.२२: शहरातील गॅस पाईपलाईन आणि नळ पाणी योजनेच्या कामात जुन्या जलवाहिन्या फुटल्याने नागरिकांना ऐन उन्हाळ्यात पाणीटंचाईचा सामना करावा लागत आहे. अनेक भागात गेल्या ४ दिवसांपासून पाणी नाही, तर काही ठिकाणी गढूळ पाणी येत आहे.
शिवसेना जिल्हाप्रमुख तथा माजी नगराध्यक्ष संजू परब यांनी प्रशासनाला इशारा दिला आहे की:
❌ केवळ वेळ बदलून चालणार नाही, तातडीने दुरुस्ती करा.
⚠️ ४ दिवसांत पाणीपुरवठा सुरळीत न झाल्यास महिलांसह नगरपरिषदेवर ‘आक्रोश मोर्चा’ काढणार!
प्रशासनाच्या ढिसाळ कारभारामुळे नागरिक त्रस्त झाले आहेत. आता तरी प्रशासनाला जाग येणार का?
यावेळी नगरसेविका ॲड. निता सावंत-कविटकर यांनी महिलांच्या व्यथा मांडताना सांगितले की, वारंवार तक्रारी करूनही प्रशासन दखल घेत नाही. नागरिकांना विकतचे पाणी घ्यावे लागत असून आता घागर मोर्चा काढल्याशिवाय पर्याय उरलेला नाही.यावेळी देव्या सुर्याजी, ॲड. सायली दुभाषी, शर्वरी धारगळकर, स्नेहा नाईक, क्लेटस फर्नांडिस, अर्चित पोकळे यांसह अन्य शिवसैनिक उपस्थित होते.
🛑/——–/——-/—–/🛑——🛑–/——-/
*अधिक माहितीसाठी खालील लिंक पहा* akhandhindustanlive.com —————-◾ *अखंड हिंदुस्तान लाईव्ह न्यूज*
🪐 *वेबसाईट* : hindustanlivenh@gmail.com
🪀 *आमच्या Whatsapp ग्रुपमध्ये पुढील लिंक वर क्लिक करून सामील व्हा* https://akhandhindustanlive.com
📹 *व्हिडिओ ला like, share आणि चॅनलला subscribe जरूर करा* *बातम्या आणि जाहिरातींसाठी* संपर्क :
📱9422054887,8275659563
सावंतवाडी दि.२२: येथील उपजिल्हा रुग्णालयातील सोयीसुविधांचा अभाव आणि प्रलंबित समस्यांबाबत वाढत्या तक्रारींची गंभीर दखल घेत, नगराध्यक्षा सौ. श्रद्धाराजे सावंत भोसले यांनी पालिका प्रशासकीय भवनात तातडीची आढावा बैठक घेतली. या बैठकीत रुग्णालयाचे नूतनीकरण, पाणीपुरवठा, स्वच्छता आणि डॉक्टरांच्या निवासस्थानांचा प्रश्न मार्गी लावण्यासाठी त्यांनी ठोस निर्णयांची घोषणा केली.
शिरोडा आरवली दि.२२: कोकणचे श्रद्धास्थान असलेल्या आरवली येथील श्री देव वेतोबा चरणी युवा नेते विशाल परब यांनी सपत्नीक सौ. वेदिका परब यांच्यासह नतमस्तक होऊन दर्शन घेतले. यात्रेच्या निमित्ताने आयोजित या भेटीत त्यांनी कोकणातील जनतेच्या सुख, शांती आणि समृद्धीसाठी साकडे घातले.
वाशी नवीमुंबई दि.२२: कोकण रेल्वेमार्गावरून धावणारी ‘वास्को-पटना एक्सप्रेस’ आता स्थानिक कोकणी प्रवाशांसाठी डोकेदुखी ठरत आहे. दर बुधवारी धावणारी ही गाडी वास्को आणि मडगाव स्थानकांवरूनच तुडुंब भरून येत असल्याने सावंतवाडी स्थानकावर प्रवाशांना गाडीत चढणेही अशक्य झाले आहे.
सावंतवाडी दि.२१: माजगाव ग्रामपंचायत पोटनिवडणुकीत महायुतीच्या अधिकृत सरपंचपदाच्या उमेदवार श्रीमती रंजना कानसे यांच्या प्रचार मोहिमेचा आज मोठ्या उत्साहात शुभारंभ करण्यात आला.
सावंतवाडी दि.२१: कोकण रेल्वे मार्गावरील सावंतवाडी रोड (मळगाव) रेल्वे स्थानकाजवळील रेल्वे फाटकामुळे वाहनचालक आणि स्थानिक नागरिक त्रस्त झाले आहेत. सावंतवाडी-शिरोडा या महत्त्वाच्या राज्यमार्गावर हे फाटक असल्याने दररोज शेकडो प्रवाशांचा वेळ आणि इंधन वाया जात आहे. या त्रासातून मुक्तता मिळवण्यासाठी येथे तातडीने उड्डाणपूल (Flyover) उभारण्याची मागणी आता जोर धरू लागली आहे.
कणकवली दि.२१: सरकारी व निमसरकारी शिक्षक तसेच शिक्षकेतर कर्मचाऱ्यांनी आपल्या विविध प्रलंबित मागण्यांसाठी २१ एप्रिलपासून बेमुदत संप पुकारला आहे. या संपामुळे सर्व तहसीलदार कार्यालयांमध्ये शुकशुकाटाचे वातावरण निर्माण झाले असून कामकाज ठप्प झाले आहे.
📍 सावंतवाडी (मळगाव घाटी) दि.२१: सावंतवाडी-बेळगाव मार्गावर आज सायंकाळी लग्नावरून परतणाऱ्या शिरसाट कुटुंबीयांच्या कारला मळगाव घाटीत भीषण अपघात झाला. डिके टुरिझम हॉल परिसरात इको कार थेट दरीत कोसळली.
सिंधुदुर्ग दि.२१:माजी केंद्रीय मंत्री आणि ऋषीहुड विद्यापीठाचे कुलगुरू सुरेश प्रभू २२ एप्रिलपासून अमेरिकेच्या अधिकृत दौऱ्यावर जात आहेत. शिक्षण, संशोधन आणि ‘विकसित भारत’ या संकल्पनेला जागतिक व्यासपीठावर नेणे हा या दौऱ्याचा मुख्य उद्देश आहे.
सिंधुदुर्ग दि.२१: राज्यात आणि जिल्ह्यात महिला व बालकांवरील अत्याचाराच्या घटना घडत असताना मौन बाळगणाऱ्या भाजप महिला जिल्हाध्यक्ष श्वेता कोरगावकर अचानक आरक्षणाच्या मुद्द्यावर बोलू लागल्या आहेत, ही बाब लक्षवेधी आहे. त्यांना जर ‘डिलिमिटेशन’चा (मतदारसंघ पुनर्रचना) अर्थ समजत नसेल, तर त्यांनी जरूर एक चर्चा सत्र आयोजित करावे, आम्ही त्यांना ते सविस्तर समजून सांगू, असा टोला सिंधुदुर्ग जिल्हा महिला काँग्रेस अध्यक्षा सौ. साक्षी वंजारी यांनी लगावला आहे.